ព័ត៌មានជាតិ
មកស្គាល់ភូមិសាស្ត្រខេត្តក្រចេះ ដែលជាខេត្តភាគឦសាន នៃប្រទេសកម្ពុជា
ខេត្តក្រចេះ ជាខេត្តមួយស្ថិតនៅភាគឦសាននៃប្រទេសកម្ពុជា មានចម្ងាយពីរាជធានីភ្នំពេញ ៣៤០ គីឡូម៉ែត្រ តាមផ្លូវជាតិលេខ៧ កាត់តាមស្រុកស្នួល និងមានចម្ងាយ២៥០ គីឡូម៉ែត្រ តាមផ្លូវជាតិលេខ៧៣ កាត់តាមស្រុកឆ្លូង និងចម្ងាយ ២២០ គីឡូម៉ែត្រតាមផ្លូវទឹកទន្លេមេគង្គ។
ព្រំប្រទល់ខាងត្បូងជាប់ខេត្តត្បូងឃ្មុំ ខាងជើងជាប់ខេត្តស្ទឹងត្រែង ខាងកើតជាប់ខេត្តមណ្ឌលគីរី និងប្រទេសវៀតណាម ខាងលិចជាប់ខេត្តកំពង់ចាម និងខេត្តកំពង់ធំ ។
ខេត្តក្រចេះចែកចេញជា១ក្រុង និង៥ស្រុក ដែលមាន៥សង្កាត់ ៤២ឃុំ និង២៥៨ភូមិ ដែលមានផ្ទៃដីធម្មជាតិសរុប ១១.០៩៤ គម២ ចែកចេញជាពីរតំបន់សំខាន់ៗ គឺប៉ែកខាងជើង និងខាងកើតជាតំបន់ខ្ពង់រាប មានព្រៃឈើច្រើន មានស្មៅច្រើនប្រភេទ និងមានប្រភេទដីក្រហម អំណោយផលដល់ការចិញ្ចឹមសត្វគោ ក្របី និងការដាំដំណាំកសិ-ឧស្សាហកម្ម ដូចជាកៅស៊ូ ម្រេច ស្វាយចន្ទីជាដើម។
ប៉ែកខាងត្បូង និងខាងលិចជាតំបន់ទំនាប និងតំបន់ដីសើមតាមដងទន្លេ មេគង្គ សំបូរទៅដោយបឹង ព្រែក អូរ ដីល្បាប់ មានជីជាតិ អំណោយផលដល់ការចិញ្ចឹមត្រី និងដាំដំណាំស្បៀងដូចជាស្រូវ ពោត សណ្តែក ល្ង..។ល។ ពិសេសទៅទៀតតំបន់ដីសើមសំបូរទៅដោយជម្រកមច្ឆាជាតិ ចម្រុះពូជ និងការកកើតជីវធម្មជាតិគ្រប់រដូវកាល និងមានសត្វផ្សោតទន្លេមេគង្គដែលជាថនិកដ៏កម្រ និងកំពុងទាក់ទាញភ្ញៀវទេសចរណ៍ជាតិ-អន្តរជាតិមកទស្សនាកម្សាន្តកាន់តែច្រើនឡើងជារៀងរាល់ឆ្នាំ ។ ខេត្តក្រចេះ មានប្រជាជនសរុប៤១៧.៣២១ នាក់ ស្មើនឹង៩៤.០៨០ គ្រួសារ ក្នុងនោះស្រី២១០. ៨៣៧ នាក់ មានដងស៊ីតេប្រជាជន៣៧នាក់ ក្នុង១គីឡូម៉ែត្រការ៉េ។
ខេត្តក្រចេះ មានជនជាតិដើមភាគតិចចំនួន៧គឺ៖ ភ្នង កួយ ស្ទៀង ក្រោល មិល ថ្មូន និងជនជាតិ ខោល ។ ប្រជាពលរដ្ឋ៨១ ភាគរយ ជាកសិករ ពឹងផ្អែកទាំងស្រុងលើវិស័យកសិកម្ម ដែលជាវិស័យចម្បងក្នុងការទ្រទ្រង់ជីវភាពរស់នៅរបស់ខ្លួន និង១៩ ភាគរយប្រកបមុខរបរជាអាជីវករ សេវាករ សិប្បកម្ម និងមុខរបបផ្សេងៗទៀតក្រៅពីកសិកម្ម ។ សេដ្ឋកិច្ចខេត្តក្រចេះ មានប្រមាណ៥៤៧ លានដុល្លារ (ស្មើ ២,៤ភាគរយ នៃសេដ្ឋកិច្ចជាតិ) ប្រៀបធៀបឆ្នាំ២០១៨ មានកំណើន ៦,៣ ភាគរយ ក្នុងនោះប្រជាជនមានចំណូលសម្រាប់មនុស្សម្នាក់ (GDP) ឆ្នាំ២០១៩ ចំនួន១.៣៨១ដុល្លារ កើនជាងឆ្នាំ២០១៨ ដែលប្រជាជនមានចំណូលតែ១.២៨៤ដុល្លារ កើន៩៧ដុល្លារ។
សូមបញ្ជាក់ថា របាយការណ៍ភូមិសាស្ត្រខេត្តក្រចេះនេះ ត្រូវបានផ្សព្វផ្សាយនៅក្នុងសន្និសីទសារព័ត៌មានស្តីពី វឌ្ឍនភាពមូលដ្ឋាន ឃុំ សង្កាត់ និងទិសដៅការងារបន្តរបស់ខេត្តក្រចេះ នាព្រឹកថ្ងៃទី១៦ ខែកុម្ភៈ ឆ្នាំ២០២១នេះ។
បើតាមរបាយការណ៍ដដែលបញ្ជាក់ថា ខេត្តក្រចេះមានផ្ទៃដីកសិកម្ម ដំណាំស្រូវប្រាំង និងស្រូវវស្សា ក្នុងឆ្នាំ២០២០ អនុវត្តបានចំនួន៥៤.៥៧២ហិកតា ស្មើនឹង១១៦ ភាគរយនៃផែនការ៤៧.០០០ហិកតា ។ ទទួលបានផលស្រូវសរុប១៧៥.៨៨៦តោន បើប្រៀបធៀបឆ្នាំ២០១៩ មានបរិមាណខ្ពស់ជាងចំនួន ២៤.៧៥៦តោន ផ្គត់ផ្គង់ តម្រូវការគ្រប់គ្រាន់ក្នុងខេត្ត និងសល់ស្រូវ នាំចេញជារៀងរាល់ឆ្នាំថែមទៀត៕
អត្ថបទ ៖ កោះកែវ
ស្ត្រីវៀតណាមដែលបានលក់ផ្លែពុតទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអជ្ញាធរ
ក្រសួងការងារ និងបណ្តុះបណ្តាលវិជ្ជាជីវៈ បើកវគ្គបណ្តុះបណ្តាលលើជំនាញផ្នែកកំបោរក្នុងវិស័យសំណង់
ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត
មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស
នៅខែមេសា-ឧសភា កម្ពុជានឹងក្ដៅខ្លាំង កម្រិត៣៨°C និងមានបាតុភូតផ្គរ រន្ទះ និងខ្យល់កន្ត្រាក់
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
កីឡា៥ ថ្ងៃ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ agoតាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ agoនាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ agoដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ agoមនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ