នៅ​ផ្លូវ​តាង៉ូវ អាជ្ញាធរ​ចុះ​រៀបចំ​ឲ្យ​ស្រឡះ បន្ត​ចុះ​ចង​ផ្អោប​​ខ្សែ​ភ្លើង​​ធ្លាក់​រយីករយោកឥត​សណ្តាប់ធ្នាប់
Connect with us
Helistar Cambodia - Helicopter Charter Services

ព័ត៌មានជាតិ

នៅ​ផ្លូវ​តាង៉ូវ អាជ្ញាធរ​ចុះ​រៀបចំ​ឲ្យ​ស្រឡះ បន្ត​ចុះ​ចង​ផ្អោប​​ខ្សែ​ភ្លើង​​ធ្លាក់​រយីករយោកឥត​សណ្តាប់ធ្នាប់

បានផុស

នៅ

ភ្នំពេញ៖ ដោយសារតែខ្សែបណ្តាញអគ្គិសនីតាមដងផ្លូវធ្លាក់រយីករយោកដូចសំបុក្រពីងពាង អាជ្ញាធរខណ្ឌច្បារអំពៅបានសហការជាមួយអង្គភាពអគ្គិសនីកម្ពុជា ចុះរៀបចំចងផ្អោបឲ្យមានរបៀបរៀបរយឡើងវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក អ៊ុង រ៉ូន ចៅរងទី១ សង្កាត់និរោធបានឲ្យដឹងថា ខ្សែបណ្តាញអគ្គិសនីរបស់រដ្ឋគឺបានរៀបចំតបណ្តាញបានល្អ តែបណ្តាញខ្សែកាបផ្សេងៗ បាន​ត​ដាក់ឲ្យអតិថិជន ដោយពុំបានត្រឹមត្រូវតាមបច្ចេកទេសបង្កឲ្យធ្លាក់រយីករយាគដូចសំបុក្រពីងពាង។ ដូច្នេះហើយទើបអាជ្ញាធរបានសហការជាមួយអង្គភាពអគ្គិសនីរដ្ឋចុះលើក និងចងផ្អោបកុំឲ្យធ្លាក់រយីករយាគដូចមុន។

លោក​ចៅសង្កាត់​រង​បន្ត​ថា មកដល់ថ្ងៃនេះកម្លាំងបាន​ចុះរៀបចំខ្សែបណ្តាញ កំពុងធ្វើនៅតាមបណ្តោយផ្លូវតាងៅ សង្កាត់និរោធខណ្ឌច្បារអំពៅរាជធានីភ្នំពេញនឹងបន្តធ្វើឲ្យទាល់តែរួចរាល់។

ទាក់ទិនទៅនឹងការចុះរៀបចំខ្សែបណ្តាញអគ្គិសនីដែលធ្លាក់រយីករយោកនេះលោកគុយ គឹមហ៊ាង ប្រធានការិយាល័យសាធារណការ សាលាខណ្ឌច្បារអំពៅបានប្រាប់កម្ពុជាថ្មីនៅព្រឹកថ្ងៃទី១៦ខែកុម្ភះនេះថា នៅតាមដងផ្លូវមួយចំនួនក្នុងមូលដ្ឋានខណ្ឌច្បារអំពៅ ពិតជាមានខ្សែបណ្តាញអគ្គិសនី និងខ្សែកាបស្ថិតក្នុងភាពរញ៉េរញ៉ៃមែន។ អាជ្ញាធរ​ខណ្ឌច្បារអំពៅ បានសហការជាមួយអង្គភាពអគ្គិសនីកម្ពុជាចុះរៀបចំ ចងផ្អោបខ្សែបណ្តាញកុំឲ្យធ្លាក់រយីករយោក និង​កាត់ខ្សែចាស់ចេញដែលពុំមានការចាំបាច់ ព្រោះខ្សែខ្លះជាខ្សែកាបលែងប្រើប្រាស់ជាយូរណាស់មកហើយ៕

អត្ថបទ៖ នរា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services