សន្តិសុខសង្គម

ឃាត់រថយន្ត ២ គ្រឿង រកឃើញពងមាន់ ៧ ម៉ឺន ៥ ពាន់គ្រាប់ នាំចូលពីវៀតណាមខុសច្បាប់

បានផុស

១០ វិនាទី មុន

នៅ

ថ្ងៃសុក្រ ២៧ មិថុនា ២០២៥

ដោយ

អគ្គនាយកដ្ឋានសុខភាពសត្វ និងផលិតកម្មសត្វ បានពង្រាយកម្លាំងស្ទាក់ចាប់រថយន្តចំនួន ២ គ្រឿង ដឹកស៊ុតមាន់ ៧ ម៉ឺន ៥ ពាន់គ្រាប់ ដែលនាំចូលពីប្រទេសវៀតណាមដោយខុសច្បាប់ បម្រុងលក់ចែកចាយបន្តនៅរាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការស្ទាក់ចាប់រថយន្តនេះបានធ្វើឡើងកាលពីវេលាម៉ោង ៨ និង ៣០ នាទីយប់ ថ្ងៃទី ២៦ ខែមិថុនា ឆ្នាំ ២០២៥ នៅគោលដៅចំនួន ២ ផ្សេងគ្នា ក្នុងភូមិសាស្ត្ររាជធានីភ្នំពេញ។

តាមការបញ្ជាក់ពីក្រុមអន្តរាគមន៍បង្ក្រាបបទល្មើសចលនាសត្វ នៃអគ្គនាយកដ្ឋានសុខភាពសត្វ និងផលិតកម្មសត្វ បានចុះឃាត់ចាប់រថយន្ត ២ គ្រឿង ម៉ាក SSANGYONG ISTANA ដូចគ្នា។ ក្នុងនោះ រថយន្តទាំង ២ គ្រឿង ត្រូវបានកម្លាំងជំនាញឃាត់នៅខណ្ឌច្បារអំពៅ ១ គ្រឿង និង ខណ្ឌដង្កោ ១ គ្រឿង ព្រមទាំងដកហូតបានស៊ុតមាន់ចំនួន ២៥០ ដុំ ស្មើ ៧៥ ០០០ គ្រាប់។

ដោយឡែកបើតាមការឆ្លើយសារភាពពីម្ចាស់រថយន្តទាំង ២ គ្រឿង បានឲ្យដឹងថា ពួកគាត់បានបើករថយន្ត ម៉ាក សាំងយ៉ុង ដឹកស៊ុតមាន់ ចេញពីប្រទេសវៀតណាម តាមច្រកស្វាយអាង៉ោង ស្រុកកំពង់ត្របែក ខេត្តព្រៃវែង ឆ្ពោះមកលក់ចែកចាយនៅរាជធានីភ្នំពេញ ដោយមិនមានលិខិតបញ្ជាក់អ្វីនោះឡើយ។

បច្ចុប្បន្ន មន្ត្រីជំនាញ បាននាំយកវត្ថុតាង និងបទល្មើស ទៅរក្សាទុកនៅទីតាំងចត្តាឡីស័កសត្វរបស់អគ្គនាយកដ្ឋានសុខភាពសត្វ និងផលិតកម្មសត្វ ដើម្បីអនុវត្តតាមនីតិវិធីច្បាប់៕

អត្ថបទ ៖ រដ្ឋា