សន្តិសុខសង្គម

ប្រទះឃើញសពយុវជនម្នាក់ សង្ស័យខូចចិត្តរឿងស្នេហា មកលោតទឹកសម្លាប់ខ្លួនលើស្ពានកោះនរា

បានផុស

១ year មុន

នៅ

ថ្ងៃចន្ទ ៩ មិថុនា ២០២៥

ដោយ

អ៊ិន ពិសី

យុវជនម្នាក់ ដែលសង្ស័យខូចចិត្តរឿងស្នេហា មកលោតទឹកសម្លាប់ខ្លួនលើស្ពានកោះនរា ពេលនេះត្រូវបានប្រជាពលរដ្ឋប្រទះឃើញសពហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបង្កការភ្ញាក់ផ្អើលកាលពីវេលាម៉ោង ០៩ និង ៣០ នាទីព្រឹក ថ្ងៃទី ០៩ ខែមិថុនា ឆ្នាំ ២០២៥ នៅចំណុចក្រោមស្ពានព្រះមុន្នីវង្សថ្មី សង្កាត់ច្បារអំពៅទី ០២ ខណ្ឌច្បារអំពៅ រាជធានីភ្នំពេញ។

សពឈ្មោះ វ៉ន គឹម សុវណ្ណរតណា អាយុ ១៨ ឆ្នាំ សញ្ជាតិខ្មែរ មានស្រុកកំណើតនៅភូមិអូរអណ្តូង សង្កាត់ព្រែកប្រា ខណ្ឌមានជ័យ រាជធានីភ្នំពេញ។ សំបុត្រកំណើតនេះ គឺ ធ្វើតាំងពីសង្កាត់ព្រែកប្រា មិនទាន់បំបែកមកចូល ខណ្ឌច្បារអំពៅ មកម្ល៉េះ។

តាមការបញ្ជាក់ពីពលរដ្ឋបានឲ្យដឹងថា ឃើញមានសពអណ្ដែតទឹកជាមនុស្សប្រុស បានអណ្តែត នៅក្បែរសាឡង់ដឹកខ្សាច់ ក្នុងតំបន់កោះពេជ្រ ដោយមានពាក់អាវយឺតពណ៌ខ្មៅ និង ស្លៀកខោជើងវែង ពណ៌ខ្មៅ។ ភ្លាមៗ អ្នកឃើញហេតុការណ៍បានរាយការណ៍ជូនសមត្ថកិច្ចមកអន្តរាគមន៍ផងដែរ។ បន្ទាប់ពីកម្លាំងជំនាញមកដល់ និងមានការយល់ស្របពីគ្រួសារសាច់ញាតិ បានធ្វើការអូសយកសព ទៅក្រោមស្ពានព្រះមុន្នីវង្សថ្មី ដើម្បីស្រង់ឡើងមកលើគោក។

ក្រោយកើតហេតុ សមត្ថកិច្ច បានប្រគល់សពជូនក្រុមគ្រួសារសាច់ញាតិយកត្រឡប់ទៅវិញ ដើម្បីធ្វើបុណ្យតាមប្រពៃណី។

គួរបញ្ជាក់ផងដែរថា ករណីលោតទឹកសម្លាប់ខ្លួនបានសម្រេចលើស្ពានកោះនរា ជាករណីទី ០២ ហើយ គឺ សង្ស័យបណ្ដាលមកពីបញ្ហាខូចចិត្តរឿងស្នេហា។ ក្នុងនោះ ករណីទី ០១ នារីវ័យ ២៥ ឆ្នាំ ម្នាក់ បានមកលោតទឹកស្ពានកោះនរា សម្លាប់ខ្លួន។ ចំណែកករណីទី ០២ នេះ យុវជនម្នាក់ បានមកលោតទឹកសម្លាប់ខ្លួនលើស្ពានកោះនរាដូចគ្នា៕

អត្ថបទ ៖ រដ្ឋា

Related Topics:ខណ្ឌច្បារអំពៅ លោតទឹក

សេចក្ដីជូនដំណឹង១ សប្តាហ៍ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា