ព័ត៌មានជាតិ
ក្រសួងអប់រំ នឹងដំណើរការស្រង់បូកពិន្ទុដោយកុំព្យូទ័រ និងផ្ទៀងផ្ទាត់ពិន្ទុ ចាប់ពីថ្ងៃទី ១៨ តុលា តទៅ
ក្រសួងអប់រំ យុវជន និងកីឡា នឹងដំណើរការស្រង់បូកពិន្ទុដោយកុំព្យូទ័រ និងផ្ទៀងផ្ទាត់ពិន្ទុបេក្ខជនប្រឡងបាក់ឌុបចាប់ពីថ្ងៃទី ១៨ តុលា ដល់ថ្ងៃទី ២៨ ខែតុលា ឆ្នាំ ២០២៤ បន្ទាប់ពីដំណើរការកំណែសន្លឹកកិច្ចការបេក្ខជនត្រូវបានបញ្ចប់នៅថ្ងៃទី ១៧ ខែតុលា នេះ ដោយជោគជ័យ។
លោកស្រី ឃួន វិច្ឆិកា អ្នកនាំពាក្យក្រសួងអប់រំ យុវជន និងកីឡា បានមានប្រសាសន៍នៅព្រឹកថ្ងៃទី ១៧ តុលា នេះថា ដំណើរការកំណែសន្លឹកកិច្ចការបេក្ខជនប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុបចាប់ពីថ្ងៃទី ១១ តុលា ដល់ថ្ងៃទី ១៧ តុលា នៅមណ្ឌលកំណែចំនួន ១០ នៅរាជធានីភ្នំពេញ នឹងបញ្ចប់ទៅតាមផែនការគ្រោងទុក។
លោកស្រីបានបន្តថា «ដើម្បីរក្សាភាពសុក្រឹត ក៏ដូចជាតម្លាភាព និងយុត្តិធម៌សម្រាប់បេក្ខជន គឺ ទី ១ សម្រង់ពិន្ទុបេក្ខជនដែលទទួលបានពីពីមណ្ឌលប្រឡងនីមួយៗ គឺពុំមានសញ្ញាសម្គាល់ណាមួយបញ្ជាក់ថាមណ្ឌលណាមួយនោះទេ ហើយនៅពេលនាដែលយើងបញ្ចូលក្នុងបន្ទប់បូកស្រង់ គឺមានន័យថា ការីកុំព្យូទ័រ នឹងបញ្ចូលពិន្ទុចូលក្នុងកុំព្យូទ័រតាមរយៈការស្កែនបាកូដដែលមាននៅលើសន្លឹកចូលទូក្នុងប្រព័ន្ធ ហើយនៅក្នុងការបញ្ចូលនោះគាត់ក៏មិនអាចដឹងថាស្ថិតនៅក្នុងមណ្ឌលណាមួយនោះដែរ។ ក្រោយការធ្វើបញ្ចូលរួចរាល់ នឹងមានក្រុមការងារមួយដោយឡែកទៀតធ្វើការផ្ទៀងផ្ទាត់រវាងសន្លឹកកិច្ចការដែលបញ្ជូនមកជាមួយនឹងសន្លឹកកិច្ចការសន្លឹកពិន្ទុដែលព្រីនចេញដែលបញ្ចូលពិន្ទុរួចក្នុងករណីយើងមើលឃើញពីភាពមិនប្រក្រតីពិន្ទុមិនដូចណាមួយ យើងនឹងធ្វើការកែតម្រូវរហូតដល់មានភាពសុក្រឹត និងទទួលយកបាន»។
លោកស្រីបានបន្ថែមថា ក្នុងដំណើរការស្រង់បូកពិន្ទុដោយកុំព្យូទ័រ និងផ្ទៀងផ្ទាត់ពិន្ទុនេះដែរ ក៏មានការសហការចូលរួមយ៉ាងជិតស្និទ្ធពីអង្គភាពប្រឆាំងអំពើពុករលួយ ហើយក្នុងដំណើរការនេះ សមាជិកនានា នឹងមិនត្រូវអនុញ្ញាតឱ្យប្រើប្រាស់ទូរស័ព្ទទេ លើកលែងតែគណៈមេប្រយោគទូទាំងប្រទេសដែលមានសិទ្ធិប្រើប្រាស់ទូរស័ព្ទ។
គួរបញ្ជាក់ថា ឆ្នាំនេះ ក្រសួងអប់រំ យុវជន និងកីឡា បានរៀបចំប្រឡងបាក់ឌុបរយៈពេល ២ ថ្ងៃ គឺថ្ងៃទី ៨ និងទី ៩ តុលា ដោយមានបេក្ខជនចុះឈ្មោះប្រឡងសរុបចំនួន ១៣៧.០៤០ នាក់ (ស្រី ៧៤.៨៨២ នាក់) ក្នុងនោះ បេក្ខជនថ្នាក់វិទ្យាសាស្ត្រ មានចំនួន ៣៩ ៣៥៨ នាក់ (ស្រី ២៣.៧១៥ នាក់) បេក្ខជនថ្នាក់វិទ្យាសាស្ត្រសង្គមមានចំនួន ៩៧.៦៨២ នាក់ (ស្រី ៥១.១៦៧ នាក់) ចែកជា ២៣០ មណ្ឌល ត្រូវជា ៥.៥៣៣ បន្ទប់ ក្នុងនោះថ្នាក់វិទ្យាសាស្ត្រមានចំនួន ៧៣ មណ្ឌល ត្រូវជា ១.៦០២ បន្ទប់ និងថ្នាក់វិទ្យាសាស្ត្រសង្គម មានចំនួន ១៥៧ មណ្ឌល ត្រូវជា ៣.៩៣១ បន្ទប់។
ក្នុងនោះមានបេក្ខជនអវត្តមានសរុប ២.៤០៦ នាក់ ស្រី ៩១៥ នាក់ ត្រូវជា ១,៧៦ ភាគរយ នៃចំនួនបេក្ខជនសរុបចំនួន ១៣៧.០៤០ នាក់ ក្នុងចំនួននេះ បេក្ខជនស្វៃរិន (ចំណេះទូទៅ និងបំពេញវិជ្ជា) អវត្តមានសរុប ១.៩៩០ នាក់ ស្រី ៧៣៨ នាក់ ត្រូវជា ៨២,៧១ ភាគរយ នៃបេក្ខជនអវត្តមានសរុប។
ចំណែកបេក្ខជនមានបញ្ហាសុខភាពមានចំនួន ១៣៦ នាក់ ក្នុងនោះបេក្ខជនមានបញ្ហាសុខភាពហើយមិនអាចបន្តការប្រឡងបានមានចំនួន ១០ នាក់ បេក្ខជនដាក់ឱ្យប្រឡងដាច់ដោយឡែកមានចំនួន ២២ នាក់ បេក្ខជនជួបគ្រោះថ្នាក់ចរាចរណ៍មានចំនួន ៧ នាក់។ គណៈកម្មការប្រឡង អនុរក្ស អប្បមាទ និងជំនួយការ ដែលមានបញ្ហាសុខភាព និងមិនអាចបន្តភារកិច្ចបានមានចំនួន ៤៦ នាក់៕
អត្ថបទ ៖ សំអឿន
យុទ្ធនាការ «ជីផាត គ្មានប្លាស្ទិក» ជំរុញទាក់ទាញភ្ញៀវទេសចរ តាមរយៈភាពស្អាតគ្មានសំណល់ប្លាស្ទិក
លោក ហេង សួរ ៖ ពានរង្វាន់ GEMSET Award សិង្ហបុរី ដែលវិទ្យាស្ថាន TVET ទទួលបាន ឆ្លុះបញ្ចាំងការរីកចម្រើនវិស័យ TVET នៅកម្ពុជា
ក្រោយបញ្ចប់ទស្សនកិច្ចនៅកម្ពុជា២ថ្ងៃ នាយករដ្ឋមន្ត្រីថៃ ផែថងថាន ចូលសម្រាកពេទ្យ
ឆ្នាំនេះ បុណ្យវិសាខបូជា ប្រព្រឹត្តទៅរយៈពេល២ថ្ងៃ គឺថ្ងៃទី១១-១២ ខែឧសភា អាជ្ញាធររាជធានីណែនាំ៦ចំណុច
នាយករដ្ឋមន្ត្រីថៃប្រកាសដំណើរទស្សនកិច្ចដ៏ជោគជ័យនៅកម្ពុជា
សមត្ថកិច្ចឱ្យបុរសម្នាក់ដែលផ្សាយព័ត៌មានមិនពិតថា ខេត្តតាកែវមានករណីវះក្រលៀន ធ្វើកិច្ចសន្យាឈប់បំពុលសង្គម
Breaking News៖ អគ្គិភ័យកំពុងឆេះឃ្លាំងស្តុកម៉ាស៊ីនត្រជាក់នៅខណ្ឌច្បារអំពៅ
ប៉ូឡូញ ចល័តយន្តហោះចម្បាំងយ៉ាងបន្ទាន់បំផុត ក្រោយរុស្ស៊ី វាយអ៊ុយក្រែន កៀកព្រំដែនខ្លួន
លោក ទីវ តារារិទ្ធ ត្រូវបង្ខំចិត្តវិលមកកម្ពុជាវិញភ្លាមៗ ព្រោះតែលក្ខខណ្ឌតម្រូវស្នើសុំ Visa
រុស្ស៊ីគំរាមម្តងទៀត! សង្គ្រាមលោកលើកទី៣ អាចផ្ទុះ បើណាតូ ហ៊ានបញ្ជូនទ័ពទៅ អ៊ុយក្រែន
-
ចរាចរណ៍៣ ថ្ងៃ agoស្នងការរងខេត្តឧត្ដរមានជ័យម្នាក់ គាំងបេះដូងស្លាប់ពេលបើកបររថយន្ដ រួចជ្រុលបុករថយន្តមួយគ្រឿងទៀត
-
ព័ត៌មានអន្ដរជាតិ១ សប្តាហ៍ agoខេត្ត Phuket របស់ថៃរងការវាយប្រហារដោយទឹកជំនន់ភ្លាមៗ ក្រោយមានភ្លៀងធ្លាក់ខ្លាំង
-
ព័ត៌មានជាតិ២១ ម៉ោង agoសមត្ថកិច្ចឱ្យបុរសម្នាក់ដែលផ្សាយព័ត៌មានមិនពិតថា ខេត្តតាកែវមានករណីវះក្រលៀន ធ្វើកិច្ចសន្យាឈប់បំពុលសង្គម
-
ព័ត៌មានជាតិ២ ថ្ងៃ agoសម្តេចធិបតី៖ ការប្រគល់វត្ថុបុរាណពីថៃជូនកម្ពុជាវិញ ជាការវិលត្រឡប់ដួងព្រលឹងបុព្វបុរសខ្មែរ
-
សុខភាព៤ ថ្ងៃ agoដំណឹងល្អ! កម្ពុជានឹងដាក់ឱ្យប្រើប្រាស់ថ្នាំព្រឹបប្រភេទចាក់បង្ការ មុនពេលប្រឈមនឹងការឆ្លងមេរោគអេដស៍ នៅខែឧសភា ខាងមុខ
-
ព័ត៌មានអន្ដរជាតិ២ ថ្ងៃ agoលើកនេះ រុស្ស៊ី ដាក់លក្ខខណ្ឌស្រួលមួយទៅអ៊ុយក្រែន បើចង់ចរចា ឈានទៅការបញ្ចប់សង្គ្រាមមែន
-
សន្តិសុខសង្គម១ ថ្ងៃ agoនគរបាលរាជធានី ឃាត់ខ្លួនអនុប្រធានគណបក្សកម្លាំងជាតិ មួយរូប ពីបទ ញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម
-
ព័ត៌មានអន្ដរជាតិ១ សប្តាហ៍ agoខ្លះៗអំពីរថយន្តដែលលោក ស៊ី ជីនពីង យកពីចិនមកជិះនៅកម្ពុជា