ព័ត៌មានអន្ដរជាតិ
ចិនសងសឹក ដោយដំឡើងពន្ធលើអាមេរិក ដល់ ១២៥ ភាគរយ
រដ្ឋាភិបាលចិននៅថ្ងៃសុក្រនេះ បានដំឡើងពន្ធលើទំនិញនាំចូលពីសហរដ្ឋអាមេរិកដល់ ១២៥ ភាគរយ ដើម្បីជាការសងសឹកទៅនឹងការសម្រេចចិត្តរបស់ប្រធានាធិបតីអាមេរិក ដូណាល់ ត្រាំ ដែលដំឡើងពន្ធលើគ្រប់មុខទំនិញចិនសរុបដល់ទៅ ១៤៥ ភាគរយ ដោយធ្វើឱ្យសង្រ្គាមពាណិជ្ជកម្មកាន់តែតានតឹងទៅៗ។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។
ក្រសួងហិរញ្ញវត្ថុចិន បាននិយាយក្នុងសេចក្តីថ្លែងការណ៍យ៉ាងដូច្នេះថា៖ «ការដាក់ពន្ធដែលខ្ពស់មិនធម្មតារបស់សហរដ្ឋអាមេរិកលើប្រទេសចិន បានបំពានយ៉ាងធ្ងន់ធ្ងរដល់ច្បាប់ពាណិជ្ជកម្មអន្តរជាតិ និងសេដ្ឋកិច្ច ច្បាប់សេដ្ឋកិច្ចជាមូលដ្ឋាន និងសុភវិនិច្ឆ័យ ហើយជាការសម្លុត និងការបង្ខិតបង្ខំដោយឯកតោភាគីទាំងស្រុង»។
ជុំវិញការប្រកាសពន្ធសងសឹកដដែល គណៈកម្មការពន្ធគយនៃក្រុមប្រឹក្សារដ្ឋចិន បាននិយាយក្នុងសេចក្ដីថ្លែងការណ៍ថា ចិននឹងឈប់អើពើលើការដំឡើងពន្ធបន្ថែមទៀតពីសហរដ្ឋអាមេរិក ទោះបីជាអាមេរិកបន្ត «ល្បែង» ពន្ធរបស់ខ្លួនក៏ដោយ។
គណៈកម្មាការដដែលបានបន្តថា នៅអត្រាពន្ធបច្ចុប្បន្ន ធ្វើឱ្យទំនិញអាមេរិកដែលនាំចេញទៅប្រទេសចិនគ្មានលទ្ធភាពទីផ្សាររួចទៅហើយ។ ស្ថាប័នដដែលបានបន្ថែមថា៖ «បើទោះបីជាសហរដ្ឋអាមេរិកដំឡើងពន្ធបន្ថែមទៀតដល់កម្រិតកាន់តែខ្ពស់ក៏ដោយ វាក៏នឹងគ្មានន័យខាងសេដ្ឋកិច្ចដែរ ហើយទីបំផុតនឹងក្លាយជារឿងគួរឱ្យអស់សំណើចនៅក្នុងប្រវត្តិសាស្រ្តនៃសេដ្ឋកិច្ចពិភពលោក»។
យ៉ាងណាមិញ គណៈកម្មការបន្តថា៖ «ប្រសិនបើសហរដ្ឋអាមេរិកទទូចបន្តធ្វើឱ្យប៉ះពាល់ដល់ផលប្រយោជន៍របស់ចិន នោះចិននឹងដាក់ចេញនូវវិធានការណ៍តបតវិញយ៉ាងម៉ឺងម៉ាត់ និងរហូតដល់ទីបញ្ចប់»។
ចំណែកឯប្រធានាធិបតីចិនឯណោះវិញ បានថ្លែងនៅពេលជួបជាមួយនាយករដ្ឋមន្ត្រីអេស្ប៉ាញ លោក Pedro Sanchez នៅទីក្រុងប៉េកាំង នាថ្ងៃសុក្រនេះថា ពន្ធគយរបស់សហរដ្ឋអាមេរិក ប្រឆាំងនឹង «ច្បាប់សេដ្ឋកិច្ចជាមូលដ្ឋាន និងសុភវិនិច្ឆ័យ» ហើយ «គ្មានអ្នកឈ្នះក្នុងសង្រ្គាមពន្ធគយនោះទេ»។
លោកបានអំពាវនាវឱ្យប្រទេសចិន និងសហភាពអឺរ៉ុបរួមគ្នាប្រឆាំងនឹងការគំរាមកំហែងឯកតោភាគីរបស់សហរដ្ឋអាមេរិក។
ការវិវត្តចុងក្រោយនេះ បង្ហាញពីការឆ្លើយទៅវិញទៅមករវាងគូជម្លោះពាណិជ្ជកម្មទាំង២ ដោយចិនដំឡើងពីអត្រាចាស់ត្រឹម ៨២ ភាគរយ កាលពីប៉ុន្មានថ្ងៃមុន។ ការដំឡើងដល់ ១២៥ ភាគរយ លើទំនិញអាមេរិក គឺជាការឆ្លើយតបទៅនឹងការដំឡើងពន្ធរបស់រដ្ឋបាល ត្រាំ លើចិន ប្រមាណ ១២៥ ភាគរយ ពីលើអត្រាដែលមានស្រាប់ ២០ ភាគរយ ដែលធ្វើឱ្យពន្ធសរុបលើទំនិញចិននាំចេញទៅអាមេរិក កើនដល់ ១៤៥ ភាគរយ។ នេះបើតាមការបញ្ជាក់របស់សេតវិមានកាលពីម្សិលមិញ ខណៈ ត្រាំ និយាយថា លោកសង្ឈឹមថាលោកនឹងសម្រេចបានកិច្ចព្រមព្រៀងជាមួយលោក ស៊ី៕
ក្រសួងការងារ ប្រារព្ធទិវាពិភពលោកដើម្បីសុវត្ថិភាព និងសុខភាពការងារនៅខេត្តព្រះសីហនុ
តុលាការកំពូល កម្ពុជា-ឡាវ ចាប់ដៃគ្នាចែករំលែកព័ត៌មានការបង្ក្រាបបទល្មើសឆបោកតាមអនឡាញ ជួញដូរមនុស្ស គ្រឿងញៀនឆ្លងដែន
ជនសង្ស័យម្នាក់ល្បួងរំលោភនារីម្នាក់បានសម្រេច ហើយលួចថតរូបគំរាមត្រូវអាវុធហត្ថឃាត់ខ្លួន
សម្ដេចតេជោ៖«ខ្ញុំមិនមែនត្រឹមតែកសាងប្រទេសពីបាតដៃទទេទេ រឿងអាស៊ានក៏ខ្ញុំចាប់ផ្ដើមពីលេខសូន្យដែរ ទោះបីមានឧបសគ្គ ក៏ខ្ញុំចូលអាស៊ានឱ្យបាន»
គម្រោងវិនិយោគ ហេដ្ឋារចនាសម្ព័ន្ធប្រព័ន្ធលូ ក្នុងរាជធានីភ្នំពេញ សម្រេចបានប្រមាណ ៨០%
កម្ពុជា បន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់៤៥%
ពលរដ្ឋខ្មែរម្នាក់ស្លាប់ដោយជំងឺមហារីករៀងរាល់៤០នាទីម្ដង
ត្រាំ បញ្ជាឲ្យបើកពន្ធនាគារល្បីឈ្មោះមួយឡើងវិញ ដើម្បីដាក់ឧក្រិដ្ឋជនសាហាវឃោរឃៅ
គម្រោងវិនិយោគ ហេដ្ឋារចនាសម្ព័ន្ធប្រព័ន្ធលូ ក្នុងរាជធានីភ្នំពេញ សម្រេចបានប្រមាណ ៨០%
ត្រាំ ចេញមុខជម្រះមន្ទិលសង្ស័យ រឿងឈរឈ្មោះបោះឆ្នោតអាណត្តិទី៣
-
សន្តិសុខសង្គម៤ ថ្ងៃ agoស្គាល់អត្តសញ្ញាណអ្នកបើកបររថយន្តបង្កគ្រោះថ្នាក់ស្លាប់មនុស្ស ៤ នាក់ នៅស្រុកស្នួល
-
ព័ត៌មានជាតិ២ ថ្ងៃ agoមណ្ឌលគិរី! ជន្លង់ម្រេចរបស់កសិករ ត្រូវបានសមត្ថកិច្ចរឹបអូសដោយពុំមានមូលហេតុ
-
ព័ត៌មានជាតិ១ សប្តាហ៍ agoបន្ថែមពីថវិកា៧០លានរៀល កុមារី ស៊ុន ស្រីតី ទទួលបានផ្ទះ ដីទំហំជាងកន្លះហិកតា ដែលដាំស្វាយរួចរាល់
-
ព័ត៌មានអន្ដរជាតិ១ ថ្ងៃ agoរុស្ស៊ីព្រមានអ៊ុយក្រែន បើហ៊ានវាយប្រហារថ្ងៃ៩ឧសភា ក្រុងកៀវទំនងមិនអាចរស់ដល់ថ្ងៃ១០ឧសភាទេ
-
សន្តិសុខសង្គម៤ ថ្ងៃ agoថៃបិទច្រកអានសេះ ដោយមិនជូនដំណឹងប្រាប់មុន
-
ព័ត៌មានអន្ដរជាតិ៣ ថ្ងៃ agoបាតុករថៃចេញតវ៉ា ខណៈគណៈកម្មាធិការព្រំដែនទូទៅកម្ពុជា-ថៃជួបប្រជុំនៅបាងកក
-
ព័ត៌មានជាតិ៣ ថ្ងៃ agoសមត្ថកិច្ចចាត់ទុកការចែកចាយលុយបង្កប់សារប្រឆាំងរដ្ឋជាសកម្មភាពបដិវត្តន៍ព័ណ៌ និងកំពុងចាត់វិធានការ
-
នយោបាយ៤ ថ្ងៃ agoសម្តេចធិបតី ហួសចិត្តដែលលោកស្រី មួរ សុខហួរ និងបក្ខពួកទៅសុំអឺរ៉ុបដាក់ទណ្ឌកម្ម ខណៈកម្ពុជាកំពុងប្រឈមការដំឡើងពន្ធពីអាមេរិក