ព័ត៌មានអន្ដរជាតិ
រុស្ស៊ីព្រមានអ៊ុយក្រែន បើហ៊ានវាយប្រហារថ្ងៃ៩ឧសភា ក្រុងកៀវទំនងមិនអាចរស់ដល់ថ្ងៃ១០ឧសភាទេ
លោក Dmitry Medvedev អនុប្រធានក្រុមប្រឹក្សាសន្តិសុខរុស្ស៊ី បានចេញការព្រមានយ៉ាងខ្លាំងៗចំពោះអ៊ុយក្រែន ដោយបញ្ជាក់ថា ការរស់រានមានជីវិតរបស់ក្រុងកៀវមិនអាចធានាបានឡើយ បើអ៊ុយក្រែនបើកការវាយប្រហារលើទីក្រុងមូស្គូ ក្នុងអំឡុងពេលប្រារព្ធទិវាជ័យជម្នះ៩ឧសភាខាងមុខ។
លោក Medvedev បានប្រកាសនៅលើបណ្ដាញសង្គមតេឡេក្រាមកាលពីថ្ងៃទី៣ឧសភា ដោយឆ្លើយតបទៅនឹងការលើកឡើងរបស់ប្រធានាធិបតីអ៊ុយក្រែន លោក វ៉ូឡូឌីមៀរ ហ្សេលេនស្គី ទាក់ទងនឹងសុវត្ថិភាពរបស់ឥស្សរជនបរទេសដែលចូលរួមក្នុងព្រឹត្តិការណ៍នៅទីក្រុងមូស្គូថា៖ «ប្រសិនបើមានការបង្កហេតុពិតប្រាកដនៅថ្ងៃទី៩ខែឧសភា គ្មាននរណាម្នាក់អាចធានាថាទីក្រុងកៀវនឹងរស់រានមានជីវិតដល់ថ្ងៃទី១០ខែឧសភានោះទេ»។
ប្រធានាធិបតីរុស្ស៊ី លោក វ្ល៉ាឌីមៀរ ពូទីន បានប្រកាសបទឈប់បាញ់ជាឯកតោភាគីរយៈពេលបីថ្ងៃរាប់ចាប់ពីថ្ងៃទី៨ដល់ថ្ងៃទី១០ខែឧសភា ក្នុងសង្រ្គាមជាមួយអ៊ុយក្រែន ដើម្បីប្រារព្ធខួបលើកទី៨០ នៃជ័យជម្នះរបស់សហភាពសូវៀត និងសម្ព័ន្ធមិត្តក្នុងសង្គ្រាមលោកលើកទីពីរ។
យ៉ាងណាមិញ លោក ហ្សេលេនស្គី បាននិយាយថា អ៊ុយក្រែនមិនអាចធានាសុវត្ថិភាពរបស់មេដឹកនាំអន្តរជាតិដែលចូលរួមក្នុងទីក្រុងមូស្គូសម្រាប់ក្បួនដង្ហែទិវាជ័យជម្នះនេះឡើយ។ លោកប្រាប់ថា៖ «យើងមិនអាចទទួលខុសត្រូវចំពោះអ្វីដែលកើតឡើងនៅលើទឹកដីនៃសហព័ន្ធរុស្ស៊ីនោះទេ។ ពួកគេទទួលខុសត្រូវចំពោះសុវត្ថិភាពរបស់អ្នក ដូច្នេះហើយយើងនឹងមិនផ្តល់ការធានាណាមួយដល់អ្នកទេ»។
លោក Medvedev បានច្រានចោលការអត្ថាធិប្បាយរបស់លោក ហ្សេលេនស្គី ហើយថាវាជា«ការបង្កហេតុដោយពាក្យសម្ដី» និងបានសង្កត់ធ្ងន់ថា គ្មាននរណាម្នាក់បានស្នើសុំការធានាសន្តិសុខពីអ៊ុយក្រែនសម្រាប់ព្រឹត្តិការណ៍ថ្ងៃទី៩ខែឧសភានោះទេ។ លោកបានព្រមានថា ការវាយប្រហារណាមួយរបស់អ៊ុយក្រែននៅថ្ងៃជ័យជម្នះនឹងនាំឲ្យមានការសងសឹកយ៉ាងធ្ងន់ធ្ងរមិនខាន៕
ដោយ៖ ឈាង
កម្ពុជាអំពាវនាវដល់វិនិយោគិនជប៉ុនចាប់យកអត្ថប្រយោជន៍នានាដែលខ្លួនកំពុងទទួលពីកិច្ចព្រមព្រៀងពាណិជ្ជកម្ម
អ្នកនាំពាក្យជំរុញឱ្យគ្រប់ភាគីរាយការណ៍មកក្រសួងពេលឃើញមានការរំលោភបំពាន ការប្រើប្រាស់កម្លាំងពលកម្មកុមារ
U23 កម្ពុជា ប៉ះ អ៊ីរ៉ាក់ អូម៉ង់ និង ប៉ាគីស្ថាន នៅស្តាតអូឡាំពិក ជម្រុះ AFC U23 Asian Cup
ខេត្តថៃរងគ្រោះជំនន់ទឹកភ្លៀងជាបន្តបន្ទាប់
ការជ្រើសរើស និងការបញ្ជូនពលករទៅប្រទេសកូរ៉េពីក្រុមហ៊ុនឯកជន សាលាបណ្តុះបណ្តាល និងសមាគមណាមួយ គឺជារឿងខុសច្បាប់ដែលមិនអាចអត់ឱនបាន
អាជ្ញាធរខេត្តព្រះវិហារជម្លៀសពលរដ្ឋពីតំបន់ជួរមុខទៅកាន់ទីកន្លែងសុវត្ថិភាព
អ្នកនាំពាក្យថាកម្ពុជាកំពុងមានចំណាត់ការលើករណីថៃចូលបាញ់ដែលធ្វើឱ្យស្លាប់ទាហានខ្មែរ
សពទាហានដែលប៉ះទង្គិចមួយទាហានថៃ បានដឹកយកទៅដល់លំនៅឋាន ដើម្បីធ្វើបុណ្យតាមប្រពៃណី
សម្ដេចតេជោ ព្រមានថា កម្ពុជាបានរៀបចំសំណាញ់មេឃរួចរាល់ សម្រាប់បាញ់យន្តហោះចម្បាំងដែលឈ្លានពាន
ស្នងការខេត្តតាកែវសន្យាថានឹងចុះចេញពីតំណែង បើទប់ស្កាត់រថយន្ដដឹកទំនិញសំពីងសំពោងមិនបានតាមការណែនាំរបស់អភិបាលខេត្ត
-
ព័ត៌មានជាតិ៥ ថ្ងៃ agoសពទ័ពមួកខៀវកម្ពុជា២រូប កំពុងត្រូវបានបញ្ចូនមកកម្ពុជាតាមយន្តហោះ ដែលនឹងមកដល់មាតុភូមិឆាប់ៗនេះ
-
សន្តិសុខសង្គម៤ ថ្ងៃ agoនគរបាលជំនាញព្រមានចាត់វិធានការលើម្ចាស់គណនីហ្វេសប៊ុកមួយ ដែលតែងបង្ហោះព័ត៌មានក្លែងក្លាយសុំជំនួយដើម្បីផលប្រយោជន៍ផ្ទាល់ខ្លួន
-
សន្តិសុខសង្គម១ សប្តាហ៍ agoជនដៃដល់៣នាក់ត្រូវបានឃាត់ខ្លួនក្នុងករណីរំលោភសម្លាប់ក្មេងស្រីវ័យ១៥ឆ្នាំនៅខណ្ឌព្រែកព្នៅ
-
ព័ត៌មានជាតិ៣ ថ្ងៃ agoសពកងទ័ពមួកខៀវកម្ពុជាទាំង២រូប មកដល់មាតុភូមិកំណើតវិញហើយនៅល្ងាចថ្ងៃទី២៦ ខែឧសភា នេះ
-
សន្តិសុខសង្គម៤ ថ្ងៃ agoតុលាការសម្រេចឃុំខ្លួនអតីតអ្នកឧកញ៉ា ហេង សិទ្ធី ដាក់ពន្ធនាគារព្រៃស
-
ព័ត៌មានជាតិ៣ ម៉ោង agoអាជ្ញាធរខេត្តព្រះវិហារជម្លៀសពលរដ្ឋពីតំបន់ជួរមុខទៅកាន់ទីកន្លែងសុវត្ថិភាព
-
ព័ត៌មានជាតិ២០ ម៉ោង agoអ្នកនាំពាក្យថាកម្ពុជាកំពុងមានចំណាត់ការលើករណីថៃចូលបាញ់ដែលធ្វើឱ្យស្លាប់ទាហានខ្មែរ
-
សន្តិសុខសង្គម២ ថ្ងៃ agoមន្ទីរធម្មការនិងសាសនា ចុះធើ្វកិច្ចសន្យាបុគ្គល២នាក់ តាំងខ្លួនជាអ្នកស្នងបារមី