ព័ត៌មានជាតិ

នាយករដ្ឋមន្ត្រី៖ មិនថាពលរដ្ឋខ្មែរនៅទីណាទេយើងត្រូវបម្រើឱ្យអស់លទ្ធភាព

បានផុស

១ year មុន

នៅ

ថ្ងៃសៅរ៍ ៣១ ឧសភា ២០២៥

ដោយ

នាយករដ្ឋមន្ត្រី សម្ដេចធិបតី ហ៊ុន ម៉ាណែត បានណែនាំដល់មន្ត្រីក្រោមឱវាទ ពិសេសអគ្គរាជទូតខ្មែរប្រចាំនៅបរទេសទាំងអស់បន្តបម្រើសេវាជូនដល់ពលរដ្ឋដោយគ្មានការរើសអើង ទោះបីមានពលរដ្ឋខ្មែរខ្លះមិនគាំទ្ររដ្ឋាភិបាលក្ដី។ នេះបើតាមប្រសាសន៍របស់សម្ដេចធិបតីក្នុងពីធីជួបជុំប្រជាពលរដ្ឋខ្មែរជាង១ពាន់៦០០នាក់នៅទីក្រុងតូក្យូប្រទេសជប៉ុន ព្រឹកថ្ងៃទី៣១ ខែឧសភា ឆ្នាំ២០២៥នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងពិធីនោះសម្ដចធិបតីថាសម្ដេចទើបដឹងថាមានអ្នកមិនគាំទ្ររដ្ឋាភិបាលធ្វើបាតុកម្មប្រឆាំងសម្ដេចតែសម្ដេចពុំមានពេលរវល់នឹងពួកគេទេ ការងារធំគឺការទាញយកប្រយោជន៍ជាតិឱ្យបានខ្ពសល់បំផុតក្នុងដំណើរទស្សនកិច្ចរបស់សម្ដេចនៅជប៉ុនពេលនេះ។ ជាមួយគ្នានោះសម្ដេចក៏បានណែនាំដល់ឯកអគ្គរាជទូតខ្មែរប្រចាំប្រទេសជប៉ុនត្រូវធ្វើការបម្រើសេវាជូនពលរដ្ឋខ្មែរគ្រប់រូបដោយគ្មានការរើសអើងផងដែរ។

សម្ដេចថា៖ «មិនថាប្រជាជនខ្មែររស់នៅទៅណាយើងត្រូវតែខិតខំយកចិត្តទុកដាក់បម្រើបងប្អូនឱ្យអស់ពីលទ្ធភាពនេះគឺជាគោលនយោបាយរបស់យើង។ ទោះបីជាបងប្អូនជេរមិនសប្បាយចិត្តរិះគន់វាយប្រហារ ត្រូវការប៉ាស្ព័រត្រូវការពន្យារ(ប៉ាស្ព័រ)បងប្អូនមកពួកយើងនៅតែធ្វើឱ្យដដែល។ បើប្អូនមានទឹកចិត្តចេញទៅវិញក៏ឈប់ជេរ តែបើចង់ជេរក៏ជេរទៀតទៅនេះសម្រាប់បងប្អូន តែសម្រាប់យើងគឺគ្មានការរើសអើងក្នុងការផ្ដល់សេវា»។

គួរឱ្យដឹងផងដែរថាតាមរបាយការណ៍របស់អគ្គរាជទូតខ្មែរប្រចាំប្រទេសជប៉ុនមានពលរដ្ឋខ្មែររស់នៅប្រទេសនេះជាង៣ម៉ឺននាក់។ សម្ដេចធិបតីបានជំរុញលើកទឹកចិត្តដល់ពលរដ្ឋខ្មែរបន្តរក្សានូវអត្តសញ្ញានល្អរបស់កម្ពុជាដើម្បីបង្ហាញដល់បរទេសដែលនេះក៏ជាការរួមចំណែកមួយរបស់ពលរដ្ឋជួយដល់ជាតិមាតុភូមិផងដែរ៕