អាជីព

របៀបជ្រើសរើសបុគ្គលិកដែលនាំឱ្យក្រុមទាំងមូលរីកចម្រើនបាន

បានផុស

៥ years មុន

នៅ

ថ្ងៃអង្គារ ១៧ វិច្ឆិកា ២០២០

ដោយ

ទោះបីជាដំណើរការរើសបុគ្គលិកមិនមែនងាយស្រួលក៏ដោយ តែជាទម្លាប់ធម្មតាដែលនិយោជិកទូទៅតែងធ្វើតាមការស្នើសុំរបស់ក្រុមហ៊ុនពេលសម្ភាសន៍ជានិច្ច ។

ម្ចាស់ក្រុមហ៊ុននានាអាចចាប់ផ្ដើមជាមួយនឹងគន្លឹះទាំងនេះ សម្រាប់បង្កើតបទពិសោធន៍ដល់បុគ្គលិកដែលទុកឱ្យភាគីទាំងសងខាងមានអារម្មណ៍ល្អក្នុងក្រុមហ៊ុន ៖

១. កុំមើលរំលងជំនាញផ្សេងៗ

ជំនាញភាគច្រើនត្រូវបានបង្រៀន។ វាអាចជាជំនាញទន់នៃអាជីវកម្មដែលត្រូវបានគេសម្គាល់នៅក្នុងដំណើរការសម្ភាសន៍ជាដើម។

ជំនាញទាំងនោះមានដូចជា ការអត់ធ្មត់របស់សហគ្រិន ការទំនាក់ទំនង ការងារជាក្រុម ផ្នត់គំនិតនៃការលូតលាស់ និងសេចក្ដីសប្បុរសជាដើម។ ផ្នត់គំនិតទាំងនេះគឺជាគុណសម្បត្តិដែលអាចនាំក្រុមនិងអាជីវកម្មរបស់យើងទៅកម្រិតបន្ទាប់ទៀត។

បើយើងជាអ្នកចាប់ផ្ដើមអាជីវកម្មដែលកំពុងស្វែងរកអ្នកទទួលបានជោគជ័យ នោះបេក្ខជនផ្ដោតសំខាន់ទៅលើមុខតំណែងការងារ និងមុខងារការិយាល័យ ប្រហែលជាមិនសមទេ។

២. តំកល់ភាពស្មោះត្រង់ជាធំ

គ្រប់គ្នាត្រូវសម្ភាសន៍ហើយឆ្លើយសំណួរបែបសេណារីយ៉ូដដែលៗ និងរាយបទពិសោធន៍មានស្រាប់ជាមួយស្នាមញញឹម ដែលដាក់នៅលើមុខជានិច្ច។ ប៉ុន្តែសកម្មភាពអស់នេះមិនបានជួយអ្នកណាម្នាក់ទេ។

ចងចាំថា ដំណើរការជួលគឺជាផ្លូវពីរ។ ដូច្នេះត្រូវមានភាពស្មោះត្រង់ជាមួយបេក្ខជនរបស់យើងសិន។ បើម្ចាស់អាជីវកម្មឬប្រធានចង់បញ្ចប់ល្អប្រសើរ ភាគីទាំងពីរត្រូវពិភាក្សាដោយស្មោះត្រង់និងមានការយល់ដឹងច្បាស់ពីគ្នាទៅវិញទៅមក ទើបតួនាទីក្រុមហ៊ុននិងធនធានដែលមាន នឹងជួយអ្នកទាំងពីរឱ្យទទួលជោគជ័យក្នុងក្រុមទាំងមូលបាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

៣. និយោជកត្រូវចងចាំតួនាទីរបស់ខ្លួនឯងជានិច្ច

បន្ទាប់ពីសម្ភាសរួច សូមសួរខ្លួនឯងនូវសំណួរចំនួន ៣ ៖ តើខ្ញុំយល់យ៉ាងណាអំពីភាពខ្លាំងនិងចំណុចខ្សោយរបស់មនុស្សម្នាក់នេះ? តើបុគ្គលនេះ ត្រូវការអ្វីខ្លះដើម្បីទទួលបានជោគជ័យ? តើអ្នកណានឹងធ្វើអ្វី ដើម្បីសម្រួលដល់តម្រូវការទាំងនោះ?

ក្នុងនាមជាអ្នកសម្ភាសន៍ សូមពិចារណាពីរបៀបដែលមនុស្សនេះសមនឹងក្រុមរបស់យើង។ តើយើងឃើញពួកគេរីកចម្រើននៅទីណា ហើយតើយើងអាចជួយពួកគេឱ្យទៅដល់ទីនោះដោយរបៀបណា? សូមចងចាំថា យើងមិនមែនជួលដោយជំហរទេ គឺយើងកំពុងជួលមកបំពេញចន្លោះក្រុមដែលពឹងផ្អែកគ្នាទៅវិញទៅមក។

៤. បំពេញតាមការសន្យាដែលបានផ្ដល់ឲ្យបុគ្គលិក

កុំមើលរំលងរឿងនេះឲ្យសោះ! ប្រសិនបើយើងមិនជឿ ឬមិនមានថវិកាគ្រប់គ្រាន់មិនអាចធ្វើបានតាមការចង់បានរបស់ពួកគេទេ សូមកុំនិយាយជាអត្ថប្រយោជន៍ ដើម្បីចង់បានបេក្ខជនកំពូលៗទាំងនោះឲ្យសោះ។

ប្រធានឬចៅហ្វាយដែលធ្វើបែបនេះ នឹងបញ្ចប់ដោយការជ្រើសរើសបុគ្គលិកថ្មីម្ដងទៀត ឬមានអារម្មណ៍ជូរចត់ជាមួយកេរ្តិ៍ឈ្មោះមិនល្អ បើសិនមិនអាចធ្វើតាមសន្យា។

នេះជារឿងតូចតាច ប៉ុន្តែវាអាចនាំឱ្យមានការមិនទុកចិត្ត និងអាក់អន់ចិត្តយ៉ាងឆាប់រហ័ស ដែលបង្កឱ្យមានវប្បធម៌ក្រុមហ៊ុនមិនល្អទៅថ្ងៃអនាគត៕

ប្រែសម្រួល៖ សាង ស្រីល័ក្ខ