ព័ត៌មានអន្ដរជាតិ

រញ្ជួយដីកម្រិតស្រាល៩ លើកអង្រួនភាគខាងជើងថៃ

បានផុស

៣ សប្តាហ៍ មុន

នៅ

ថ្ងៃសុក្រ ២៧ មិថុនា ២០២៥

ដោយ

យោងតាមការចេញផ្សាយរបស់សារព័ត៌មាន The Nation នៅថ្ងៃទី ២៧ ខែមិថុនា ឆ្នាំ ២០២៥ ការរញ្ជួយដីកម្រិតស្រាលចំនួន ៩លើក ត្រូវបានកត់ត្រានៅទូទាំងភាគខាងជើងប្រទេសថៃ និងប្រទេសជិតខាងមីយ៉ាន់ម៉ា ដែលមានកម្រិតចាប់ពី ១.៧ ដល់ ៤.៣ រ៉ិចទ័រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការរញ្ជួយដីកម្រិតស្រាលពីរបានកើតឡើងនៅក្នុងប្រទេសថៃ ដោយគ្រោះរញ្ជួយដីទី១ មានកម្រិត ២.៤រ៉ិចទ័រ បានវាយប្រហារខេត្ត Mae Hong Son នៅម៉ោង ២:០៦ នាទីទៀបភ្លឺ ខណៈលើកទី ២ កម្រិត ២.០ រ៉ិចទ័រ វាយប្រហារខេត្ត Chiang Rai នៅម៉ោង ២:៤៦ នាទីព្រឹក។ ចំណែកការរញ្ជួយដីដ៏ខ្លាំងបំផុតដែលមានកម្រិត ៤.៣ រ៉ិចទ័រត្រូវបានកត់ត្រាក្នុងប្រទេសមីយ៉ាន់ម៉ា នៅវេលាម៉ោង ៣:៥៨ នាទីព្រឹក( ម៉ោងក្នុងស្រុក)។

បើយោងតាមនាយកដ្ឋានឧតុនិយមថៃក៏បានកត់សម្គាល់ការរញ្ជួយដីចំនួនពីរនៅកោះ Nicobar របស់ឥណ្ឌានៅព្រឹកថ្ងៃដដែលនេះដែរ។ រហូតមកទល់ពេលនេះមិនទាន់មានរបាយការណ៍ពីការខូចខាតទ្រព្យសម្បត្តិនៅប្រទេសថៃទេ។ អាជ្ញាធរបានជំរុញឱ្យប្រជាពលរដ្ឋបន្តធ្វើបច្ចុប្បន្នភាព ពិនិត្យសុវត្ថិភាពអគារ និងត្រៀមសង្គ្រោះបន្ទាន់ឱ្យរួចរាល់៕