Connect with us

ព័ត៌មានជាតិ

រាជរដ្ឋាភិបាលកម្ពុជា​ បានចាត់​ទុកការ​អប់រំជាអនុវិស័យមួយដ៏មានសារៈសំខាន់ ក្នុង​ការ​អភិវឌ្ឍ​​មូលធនមនុស្ស

បានផុស

នៅ

លោក គោស៊ុំ សារឿត ជាប្រធានកិត្តិយស នៃសាលាអន្តរជាតិភ្យូឆឺរប្រាយ លើកឡើងថា រាជរដ្ឋាភិបាលកម្ពុជា​ បានចាត់​ទុកការ​អប់រំជាអនុវិស័យមួយដ៏មានសារៈសំខាន់ ក្នុង​ការ​អភិវឌ្ឍ​​មូលធនមនុស្ស ដើម្បីនាំកម្ពុជាឆ្ពោះ​ទៅកាន់ប្រទេស ដែលមានចំណូលមធ្យមកម្រិតខ្ពស់ និង​ប្រទេសអភិវឌ្ឍនាថ្ងៃអនាគត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការលើកឡើងនេះ បានធ្វើឡើងក្នុងពិធីប្រគល់សញ្ញាបត្រមធ្យមសិក្សា​​បឋមភូមិ និង​​មធ្យមសិក្សាទុតិយភូមិជូនសិស្សានុ-សិស្សជ័យលាភីឆ្នាំសិក្សា ២០២១-២០២២ ព្រមទាំងផ្ដល់​ប័ណ្ណសរសើរជូន​សិស្សានុសិស្ស​​រៀនពូកែ និងគ្រូបង្រៀនឆ្នើម ​កាលពីថ្ងៃទី ៣០ ខែមេសា ឆ្នាំ ២០២៣ នៅសណ្ឋាគារសុខាខេត្តសៀមរាប។

ពិធីនេះដែរ ក៏មានការចូលរួមពីលោក សៀន សុវណ្ណា ប្រធានក្រុមប្រឹក្សាភិបាល​ នៃសាលាអន្តរជាតិភ្យូឆឺរប្រាយ និងសាកលវិទ្យាល័យ សៅស៍អ៊ីសថ៍អេយសៀ និងលោកគ្រូ អ្នកគ្រូ មាតាបិតាសិស្សា​នុ-សិស្ស និងសិស្សានុសិស្សប្រមាណ ១,៥០០នាក់។  

នៅក្នុងពិធីនេះលោក គោស៊ុំ សារឿត បាន​អបអរសាទរ និង​សម្ដែងនូវការសរសើរ​ដោយស្មោះចំពោះក្មួយៗ​សិស្សានុ-សិស្សជ័យលាភី សិស្សរៀនពូកែ និងគ្រូបង្រៀនឆ្នើម​ទាំងអស់ ដែលបានខិតខំ​ប្រឹងប្រែង​បង្រៀន និងរៀនសូត្ររហូត​ទទួល​បានលទ្ធផលនាពេលនេះ។

លោកបន្តថា រាជរដ្ឋាភិបាលកម្ពុជា ក្រោមការដឹកនាំដ៏ត្រឹមត្រូវប្រកបដោយគតិបណ្ឌិតរបស់សម្តេច​ តេជោ ហ៊ុន សែន ជានាយករដ្ឋមន្ត្រី បានដាក់ចេញនូវ​យុទ្ធសាស្ត្រឈ្នះ-ឈ្នះ និងយុទ្ធសាស្ត្រចតុកោណ ហើយបានប្រែក្លាយប្រទេសកម្ពុជា​ឲ្យរួចផុត​ពី​សង្គ្រាមរ៉ាំរ៉ៃ នាំមកនូវសុខសន្តិភាព ស្ថេរភាពពេញលេញ មានការ​គោរព​សិទ្ធិ​មនុស្ស​ស្របតាមគោលការណ៍ នៃលទ្ធិប្រជាធិបតេយ្យ មានការអភិវឌ្ឍប្រទេសលើគ្រប់វិស័យ ប្រជាពលរដ្ឋ​រស់​នៅ​ដោយមាន​សេចក្តី​សុខ មានជីវភាពធូរធារ និងរីកចម្រើនជារៀងរាល់ថ្ងៃ។

លោកបន្តទៀតថា ទន្ទឹមនឹងនាំសុខសន្តិភាព និងស្ថេរភាពសង្គមជូនប្រជាពលរដ្ឋ និងប្រទេសជាតិ សម្ដេចតេជោ ហ៊ុន សែន នាយករដ្ឋមន្ត្រី បានយក​ចិត្តទុកដាក់​​ក្នុងការ​ការ​ពារអាយុជីវិត​របស់ប្រជាពលរដ្ឋទាំងអស់ ដោយរៀបចំយុទ្ធសាស្ត្រ​បង្ការទប់ស្កាត់ការឆ្លងជំងឺកូវីដ-១៩ ប្រកបដោយជោគជ័យ ដែលមានការទទួលស្គាល់ពី​អង្គការសុខភាព​ពិភពលោក។

លោកបន្ថែមថា រាជរដ្ឋាភិបាលកម្ពុជា​ បានចាត់​ទុកការ​អប់រំជាអនុវិស័យមួយដ៏មានសារៈសំខាន់ ក្នុង​ការ​អភិវឌ្ឍ​​មូលធនមនុស្ស ដើម្បីនាំកម្ពុជាឆ្ពោះ​ទៅកាន់ប្រទេសដែលមានចំណូលមធ្យមកម្រិតខ្ពស់ និង​ប្រទេសអភិវឌ្ឍនាថ្ងៃអនាគត ចក្ខុវិស័យវែង​ឆ្ងាយខាង​លើរបស់រាជរដ្ឋាភិបាល បាន​ឆ្លុះបញ្ចាំងយ៉ាងប្រត្យក្ស​ នៅក្នុងយុទ្ធសាស្ត្រចតុកោណ របស់រាជរដ្ឋាភិបាលកម្ពុជា។

លោក គោស៊ុំ សារឿត ក៏បានវាយតម្លៃខ្ពស់ និងកោតសរសើរ​ដោយស្មោះចំពោះ​គណៈគ្រប់គ្រង បុគ្គលិក និងលោកគ្រូ អ្នកគ្រូ នៃសាលាអន្តរជាតិភ្យូឆឺរប្រាយ ដែលបានខិតខំប្រឹងប្រែងអស់ពីកម្លាំងកាយចិត្ត និង​ប្រាជ្ញាក្នុងការ​បំពេញ​ការងារតាម​តួនាទី​ភារកិច្ចរៀងៗខ្លួន នាំឲ្យសាលាអន្តរជាតិភ្យូឆឺរប្រាយ​មានកេរ្តិ៍ឈ្មោះល្បីល្បាញក្នុងព្រះរាចណាចក្រកម្ពុជា ជាពិសេសក្រុងសៀមរាប ខេត្តសៀមរាប និងទទួលបាន​ជោគជ័យ​​នាពេលនេះ។

ចំណែកលោក សៀន សុវណ្ណា បានលើកឡើងថា ដោយមានការលើកទឹកចិត្តពីរាជរដ្ឋាភិបាលកម្ពុជា ក្រោមការដឹកនាំដ៏ត្រឹមត្រូវ ប្រកបដោយ​គតិបណ្ឌិត​របស់​សម្តេច​តេជោ ហ៊ុន សែន ជានាយករដ្ឋមន្ត្រី បាន​អនុញ្ញាត​ឲ្យវិស័យ​អប់រំឯកជ នចូល​រួមអភិវឌ្ឍធនធាន​​មនុស្ស​ចាប់ពីកម្រិត​មតេយ្យសិក្សា ដល់កម្រិតឧត្តមសិក្សា ដើម្បីរួមចំណែកអភិវឌ្ឍប្រទេសជាតិ។ 

នៅឆ្នាំសិក្សា ២០២១-២០២២ សាលាអន្តរជាតិភ្យូឆឺរប្រាយ ទទួលបានជ័យ​លាភី​សិស្សពូកែ​ទូទាំងប្រទេសចំណាត់ថ្នាក់លេខ ១ ផ្នែកគណិតវិទ្យាថ្នាក់ទី ១២ ចំនួន ១នាក់ និង​ជ័យលាភីសិស្សពូកែ​ទូទាំង​​ប្រទេសចំណាត់ថ្នាក់លេខ ១ គណិតវិទ្យា MOSC ថ្នាក់ទី ១០ ចំនួន ១នាក់ ព្រមទាំងជ័យលាភី​សិស្សពូកែ​ទូទាំងខេត្តសៀមរាប ចំណាត់ថ្នាក់លេខ ២ ផ្នែកគណិតវិទ្យាថ្នាក់ទី ១២ ចំនួន ១នាក់។ ដោយឡែក នៅឆ្នាំសិក្សា ២០២១-២០២២ សាលាអន្តរជាតិភ្យូឆឺរប្រាយ ទទួលបាន​ទង់ជ័យលាភី​វិទ្យាល័យសិស្សពូកែពីក្រសួងអប់រំ យុវជន និងកីឡាផងដែរ។ 

លោកបានបន្តថា សាលាអន្តរជាតិភ្យូឆឺរប្រាយ មានការទទួលស្គាល់ពីមន្ទីរអប់រំ យុវជន និងកីឡាខេត្តសៀមរាប និងមានដៃគូសហប្រតិបត្តិការជាមួយគ្រឹះស្ថានសិក្សាអន្តរជាតិចំនួន ៨៤ នៅប្រទេសសឹង្ហបូរី ថៃ ឡាវ និងវៀតណាម ព្រមទាំងមានដៃគូសហប្រតិបត្តិការជាមួយអង្គការជាតិ និងអន្តរជាតិ និងមានការគាំទ្រពីអ្នកសិក្សាគ្រប់​មជ្ឈដ្ឋាន នៃព្រះរាជាណាចក្រកម្ពុជា ជាពិសេសខេត្តសៀមរាប ដែលមានសិស្សានុ-សិស្ស ចុះ​ឈ្មោះ​ចូលរៀន​មានចំនួនកើនឡើងជាលំដាប់រៀងរាល់ឆ្នាំសិក្សា ចំពោះសិស្សានុសិស្សថ្នាក់ទី ៧ ប្រឡងសញ្ញាបត្រមធ្យមសិក្សាបឋមភូមិ (ឌីប្លូម) ជាប់ ១០០% រៀងរាល់​ឆ្នាំសិក្សាផងដែរ។

ជាមួយនេះដែរ លោក គោស៊ុំ សារឿត ក៏បានផ្តាំផ្ញើរដល់លោកគ្រូ អ្នកគ្រូមានស្នាដៃឆ្នើមទាំងអស់ ត្រូវខិតខំបង្រៀនបន្ថែម​ទៀត ដើម្បីទទួលបានជ័យលាភីជាបន្តបន្ទាប់ទៀត និងលើកកម្ពស់គុណភាពបង្រៀនកម្រិតស្តង់ដារជាតិ និងអន្តរជាតិ សំដៅ​លើកកម្ពស់គុណភាពសិក្សាកម្រិតស្តង់ដារជាតិ និងអន្តរជាតិដល់សិស្សានុ-សិស្ស នៃសាលាអន្តរជាតិភ្យូឆឺរប្រាយ។ លោកក៏បានផ្តាំផ្ញើដល់សិស្សានុ-សិស្សជ័យលាភីទាំងអស់ ត្រូវខិតខំរៀនសូត្របន្ថែម​ទៀត ដើម្បីទទួលបានជ័យលាភីជាបន្តបន្ទាប់ ហើយត្រូវបន្តការសិក្សាកម្រិតឧត្តមសិក្សាទាំងអស់គ្នា សំដៅ​អភិវឌ្ឍជីវិតខ្លួនឯង អភិវឌ្ឍសង្គមគ្រួសារ រួមចំណែក​អភិវឌ្ឍសហគម និងសង្គមជាតិផងដែរ៕

អត្ថបទ៖ គឿនវេត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៥ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៥ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម