សន្តិសុខសង្គម

ស្នងការដ្ឋាននគរបាលជាតិ កោះហៅមន្ត្រីនគរបាលម្នាក់ ករណីឆបោករត់ការចូលបម្រើជាក្របខណ្ឌនគរបាលជាតិ

បានផុស

៣ years មុន

នៅ

ថ្ងៃពុធ ១៥ ធ្នូ ២០២១

ដោយ

ភ្នំពេញ ៖ ស្នងការដ្ឋាននគរបាលរាជធានីភ្នំពេញ ចេញលិខិតកោះហៅមន្ត្រីនគរបាលម្នាក់ឈ្មោះ គ្រី រ៉ាឌី ចូលឆ្លើយបំភ្លឺ នៅថ្ងៃទី២២ ខែធ្នូ ឆ្នាំ២០២១ខាងមុខនេះ ករណីឆបោករឿងរត់ការចូលបម្រើក្របខណ្ឌនគរបាលជាតិមិនបានសម្រេច តាមពាក្យបណ្តឹងជនរងគ្រោះឈ្មោះ ឈៀង សំរុង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមលិខិតកោះហៅរបស់ស្នងការដ្ឋាននគរបាលរាជធានីភ្នំពេញ បានឲ្យដឹងថា ជនរងគ្រោះឈ្មោះ ឈៀង សំរុង អាយុ៣០ឆ្នាំ មានទីលំនៅភូមិក្អាត់យំ ឃុំបូរីជលសារ ស្រុកបូរីជលសារ ខេត្តតាកែវ បានដាក់ពាក្យបណ្ដឹងឈ្មោះ គ្រី រ៉ាឌី មានទីលំនៅបច្ចុប្បន្នផ្ទះលេខ១២២អា ផ្លូវលេខ១១បុរីពិភពថ្មីព្រៃស ភូមិប្រការ សង្កាត់ព្រៃស ខណ្ឌដង្កោ រាជធានីភ្នំពេញ ករណី«មិនបំពេញកាតព្វកិច្ចចំពោះឧបករណ៍អាចជួញដូរបាន ចេញមូលប្បទានបត្រគ្មានសាច់ប្រាក់» ទើបបែកធ្លាយរឿងរត់ការចូលបម្រើជាក្របខណ្ឌនគរបាលជាតិ។

បើតាមប្រភពព័ត៌មានបានឲ្យដឹងថា ឈ្មោះ គ្រី រ៉ាឌី បានទទួលប្រាក់ពីឈ្មោះឈៀង សំរុងដើម្បីយកទៅរត់ការឱ្យចូលបម្រើការងារក្នុងក្របខណ្ឌកងកម្លាំងនគរបាលជាតិ ប៉ុន្តែបន្ទាប់ពីទទួលបានប្រាក់ពីជនរងគ្រោះហើយ បុគ្គលរូបនេះមិនបានរត់ការឲ្យខ្លួន បានចូលដូចការធានាអះអាងនោះទេ។ ទើបជនរងគ្រោះបាត់បង់ទំនុកចិត្ត និងព្យាយាមសុំទារប្រាក់ត្រឡប់មកវិញក្រៅប្រព័ន្ធផ្លូវច្បាប់ជាច្រើនលើកតែមិនមានប្រសិទ្ធភាពដោយបុគ្គល គ្រី រ៉ាឌី នេះបានចេញមូលប្បទានប័ត្រ (សែកស្អុយ) ចំនួន២លើកមិនមាន សាច់ប្រាក់ និងព្យាយាមភូតកុហកដោះសារគ្រប់រូបភាពដោយមិនព្រមសងប្រាក់តាមការសន្យាឡើយ។

ដោយសារការចាញ់បោកនេះ ទើបលោកសម្រេចចិត្តដាក់ពាក្យបណ្តឹងនៅស្នងការដ្ឋាននគរបាលរាជធានីភ្នំពេញ ឲ្យជួយរកយុត្តិធម៌៕

កែសម្រួលដោយ ៖ នាគព័ន្ធ