កីឡា
Juventus ធ្លាក់ចេញពីវគ្គចែកពូល Champions League ជាលើកដំបូងចាប់តាំងពីឆ្នាំ២០១៣
ក្រុមរហស្សនាមសេះបង្កង់ Juventus បានធ្លាក់ចេញពីវគ្គចែកពូល UEFA Champions League ជាលើកដំបូងចាប់តាំងពីឆ្នាំ២០១៣ បន្ទាប់ពីចាញ់ Benfica ៤-២ ក្នុងទីក្រុង Lisbon យប់មិញ។
វាជាលើកទី១ ផងដែរ ដែលលោក Massimiliano Allegri មិនអាចឈានដល់វក្គ ១៦ក្រុមចុងក្រោយ ក្នុងអាជីពជាគ្រូបង្វឹករបស់គាត់។
លើកចុងក្រោយដែល Juventus ត្រូវបានជម្រុះក្នុងវគ្គចែកពូល Champions League គឺក្នុងឆ្នាំ២០១៣-១៤នៅពេលដែលក្រុមនេះ ដឹកនាំដោយលោក Antonio Conte បានចាញ់ការប្រកួតក្រៅដីចុងក្រោយ និងដាច់ឆ្ងាយនៅឯ Galatasaray ។
លោក Allegri បានប្រាប់អ្នកសារព័ត៌មានថា “វិធីសាស្រ្តខុសជាច្រើន ខ្ញុំគិតថាយើងទន់ពេកក្នុងការការពារក្នុងតង់ទីមួយ”។ “យើងខកចិត្តនិងខឹងព្រោះយើងធ្លាក់ចេញពី Champions League។ ឥឡូវនេះ យើងត្រូវផ្តោតលើលីគ [អ៊ីតាលី] ហើយនៅតែផ្តោតលើការប្រកួតនៅប៉ារីស ជាមួយ (Paris Saint-Germain នៅថ្ងៃពុធសប្តាហ៍ក្រោយ) ពីព្រោះយ៉ាងហោចណាស់យើងត្រូវកក់កៅអីលេង Europa League ។
វាជារដូវកាលមិនល្អសម្រាប់ Juve ក្នុងក្របខណ្ឌ Serie A ខណៈពួកគេធ្លាក់ក្នុងចំណាត់ថ្នាក់លេខ៨ ដោយតាមពីក្រោយក្រុមកំពូលតារាង ១០ពិន្ទុ ប៉ុន្តែ លោក Allegri សង្ឃឹមថាកីឡាករនឹងយកស្មារតីប្រយុទ្ធដែលពួកគេបានបង្ហាញក្នុងទីក្រុង Lisbon ទៅក្នុងការប្រកួតក្នុងស្រុក។
យប់មិញក៏បានរកឃើញ ៤ក្រុមបន្ថែមទៀតដែលបានឡើងទៅវគ្គ ១៦ក្រុមចុងក្រោយផងដែរ គឺ PSG, Chelsea, Benfica និង Borussia Dortmund។ សរុបពេលនេះរកឃើញ ៩ក្រុមហើយ បន្ទាប់ពីក្លិប Manchester City, Real Madrid, Napoli, Bayern Munich និង Club Brugge៕
លទ្ធផលគូដទៃទៀត៖
ប្រភព៖ espn.com
អត្ថបទ៖ មន្នីរ័ត្ន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង