កូវីដ-១៩
វាសនាអ្នករត់តាក់ស៊ី៥៥នាក់សម្រុកទៅយកកម្មករនៅតំបន់ក្រហម នឹងសម្រេចក្រោយការធ្វើចត្តាឡីស័ក១៤ថ្ងៃ
លោក វរសេនីយ៍ឯក សាន សុខសីហា អ្នកនាំពាក្យស្នងការដ្ឋាននគរបាលរាជធានីភ្នំពេញបានមានប្រសាសន៍នៅព្រឹកថ្ងៃទី ០៩ ឧសភានេះថា ករណីអ្នករត់តាក់ស៊ី និងប្រូឡានចំនួន៥៥នាក់ដែលព្យាយាមសម្រុកទៅយកកម្មករនៅតំបន់ក្រហមនៅសង្កាត់ចោមចៅ២ ខណ្ឌពោធិ៍សែនជ័យ សមត្ថកិច្ចនៅមិនទាន់សម្រេចដាក់ពិន័យឬយ៉ាងណានោះទេដោយរង់ចាំឲ្យពួកគាត់ធ្វើចត្តាឡីស័កគ្រប់ចំនួន១៤ថ្ងៃសិន។
លោកបានបន្តថានៅវេលាម៉ោង១២និង៣០នាទីថ្ងៃទី ០៨ ខែ ឧសភា ឆ្នាំ២០២១ មានករណីកម្មករកម្មការិនីរស់នៅតំបន់ក្រហមក្នុងសង្កាត់ចោមចៅ២ ខណ្ឌពោធិសែនជ័យ បានទាក់ទងជាមួយរថយន្តឈ្នួលក្នុងគោលបំណងដើម្បីចេញទៅស្រុកកំណើត។
លោកបានបន្តទៀតថា ដោយបានឃើញស្ថានភាពបែបនេះសមត្ថកិច្ចយើងបានធ្វើការឃាត់សួរនាំដោយមានកម្មរកម្មការិនីចំនួន៤៩នាក់ ហើយបានអប់រំណែនាំពួកគាត់ដោយមិនអនុញ្ញាតចាកចេញទេ និងឲ្យវិលត្រឡប់ទៅកន្លែងស្នាក់នៅក្នុងតំបន់ក្រហមវិញ។
លោកបានបន្ថែមថា ក្រៅពីនេះសមត្ថកិច្ចបានធ្វើការឃាត់រថយន្តម៉ាកសាំយ៉ុងចំនួន៤២គ្រឿងនិងផាសាអាប់ចំនួន១គ្រឿងនិងអ្នកបើកបររួមទាំងប្រ៊ូឡានសរុបចំនួន៥៥នាក់។
លោកបានបញ្ជាក់ថាបន្ទាប់ពីបានសួរនាំនៅប៉ុស្តិ៍រដ្ឋបាលចោមចៅ២រួច សមត្ថកិច្ចបានបញ្ជួនអ្នកទាំង៥៥នាក់ទៅធ្វើចត្តាឡីស័កនៅមណ្ឌលចត្តាឡីស័កព្រែកព្នៅចំនួន១៤ថ្ងៃ។ អ្នកនាំពាក្យស្នងការក្រុងបានបញ្ជាក់ថាចំពោះរឿងការផាកពិន័យអន្តរកាលឬនីតីវិធីផ្សេងៗទៀតយើងនឹងរង់ចាំការសម្រេចនៅពេលក្រោយតែពីដំបូងនេះយើងត្រូវយកគាត់ទៅធ្វើចត្តាឡីស័ក១៤ថ្ងៃសិន។
ចំណែក លោក មាន ចាន់យ៉ាដា អភិបាលរងរាជធានីភ្នំពេញដែលជាអ្នកចុះអនុវត្តការងារនេះផ្ទាល់ការងារនេះបានធ្វើការអំពាវនាវទៅដល់បងប្អូនប្រជាពលរដ្ឋដទៃទៀត ដែលរស់នៅក្នុងតំបន់ក្រហមសូមកុំធ្វើអ្វីដែលល្មើសដូចបងប្អូនប្រជាពលរដ្ឋទាំង១០៤នាក់ខាងលើនេះ សូមកុំព្យាយាមចាកចេញពីតំបន់ក្រហមដែលជាតំបន់មានហានិភ័យខ្ពស់នៃការផ្ទុះរាលដាលនៃជំងឺកូវីដ-១៩ ។
លោកបានណែនាំដល់បងប្អូនទាំងអស់ចូលរួមអនុវត្តទៅតាមការណែនាំរបស់អាជ្ញាធរ ក៏ដូចជាកម្លាំងមានសមត្ថកិច្ចដើម្បីកាត់ផ្ដាច់ឲ្យបាននូវការរីករាលដាលជំងឺកូវីដ-១៩នេះទាំងអស់គ្នា៕
អត្ថបទ៖សំអឿន
ចុចអាន៖ឃាត់រថយន្តរត់ឈ្នួលជាច្រើនគ្រឿង ដែលសម្រុកចូលដឹកកម្មករចេញពីតំបន់ក្រហម
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង