អាជ្ញាធរខណ្ឌពោធិ៍សែនជ័យ ចុះឈូសឆាយ និងកាត់សំយាបសង់រំលោភចំណីផ្លូវ

អាជ្ញាធរខណ្ឌពោធិ៍សែនជ័យ នៅព្រឹកថ្ងៃទី១៦​ ខែមិថុនា​ ឆ្នាំ២០២៥នេះ​ បានដាក់គ្រឿងចក្រចុះឈួសឆាយកាយផ្លូវបេតុងដែលពលរដ្ឋមួយចំនួនចាក់តាមមុខផ្ទះលយចូលចំណីផ្លូវ​ និងកាត់ដំបូលសំយាបដេីម្បីបេីកផ្លូវឲ្យធំទូលាយសម្រួលដល់ចរាចរណ៍​ ស្ថិតនៅភូមិទួលពង្រ​ សង្កាត់ចោមចៅទី១​ ខណ្ឌពោធិ៍សែនជ័យ។

លោក​ ប៉ាង​ លីដា​ អភិបាលរងខណ្ឌបានឲ្យដឹងថា​ ផ្លូវនេះមានប្រហែងជាង២គីឡូដី​ ចាប់ពីផ្សារទួលពង្រ​ រហូតទៅដល់ចុងភូមិខាងកេីត។ នៅលើផ្លូវនេះមានប្រជាពលរដ្ឋមួយចំនួនបានសង់តសំយាបផ្ទះលយចេញមកចំណីផ្លូវ​ ហើយចាក់បេតុងហៀរមកចំណីផ្លូវ និងបិទមាត់រីហ្គែរធ្វេីឲ្យចរន្តទឹកហូរយឺត​ ពេលភ្លៀងមកម្តងៗដក់លេីដងផ្លូវមិនងាយស្រក។

លោក​អភិបាលរង​ ក៏សូមអរគុណដល់ប្រជាពលរដ្ឋដែលបានចូលរួមសហការ ​និងសូមជួយថែរក្សាបរិស្ថាន​ អនាម័យ​ សណ្តា​ប់ធ្នាប់ឲ្យបានល្អ។ ពលរដ្ឋក៏បានសារទក្នុងការឈួសឆាយបេីកផ្លូវខាងលេីនេះផងដែរ៕

អត្ថបទ៖ សុខា