ព័ត៌មានអន្ដរជាតិ
នេះចំនួនវ៉ាក់សាំង និងប្រទេសដែល អាមេរិក បរិច្ចាគទៅឲ្យ
សេតវិមានបានប្រកាសកាលពីថ្ងៃអង្គារថា សហរដ្ឋអាមេរិកបានបញ្ជូនវ៉ាក់សាំងការពារជំងឺកូវីដ ១៩ ជាង ១១០ លានដូសទៅកាន់ប្រទេសជាង ៦០ ហើយ ក្នុងនាមជាមេដឹកនាំពិភពលោក ។
រដ្ឋបាលលោក បៃដិន បានហៅវាថាជាព្រឹត្តិការណ៍ដ៏សំខាន់មួយ ដោយកត់សម្គាល់ថា វាច្រើនជាងការបរិច្ចាគរបស់ប្រទេសដទៃទៀត និងឆ្លុះបញ្ចាំងពីទឹកចិត្តសប្បុរសរបស់អាមេរិក ។
នៅពេលសម្រេចចិត្តថា ប្រទេសណាដែលទទួលវ៉ាក់សាំង និងចំនួនប៉ុន្មាន សេតវិមានបាននិយាយថា សហរដ្ឋអាមេរិកពិចារណាលើកត្តាជាច្រើនរួមមាន អត្រាករណីឆ្លង អត្រាស្លាប់ ការចូលសម្រាកព្យាបាលនៅមន្ទីរពេទ្យ និងសមត្ថភាពរបស់ប្រទេសនោះ ក្នុងការចាក់វ៉ាក់សាំងដល់ប្រជាជនរបស់ខ្លួន ។
សេចក្តីថ្លែងការណ៍មួយបាននិយាយថា “នេះគឺជាគ្រាដ៏ពិសេសមួយនៅក្នុងប្រវត្តិសាស្ត្រ ។ យើងនឹងបន្តធ្វើការជាមួយដៃគូក្នុងតំបន់ ដើម្បីធានាថា វ៉ាក់សាំងទាំងនេះត្រូវបានចែកចាយតាមវិធីដែលមានភាពស្មើគ្នា និងតាមទិន្នន័យវិទ្យាសាស្ត្រ និងសុខភាពសាធារណៈ” ។
វ៉ាក់សាំងភាគច្រើនត្រូវបានបរិច្ចាគដល់បណ្តាប្រទេសអាហ្វ្រិក ខណៈប្រទេសដទៃទៀតក៏ទទួលបានចំនួនដ៏ច្រើនលើសលុបផងដែរ ដោយផ្អែកលើចំនួនករណីឆ្លងជំងឺកូវីដ ១៩ ។
ទន្ទឹមនោះ ប្រេស៊ីលបានទទួលវ៉ាក់សាំងចំនួន ៣ លានដូស អាហ្សង់ទីន ៣.៥ លានដូស ម៉ិកស៊ិក ៤ លាន និងបង់ក្លាដែស ៥.៥ លានដូស ។
ស្របពេលជាមួយគ្នានេះ រដ្ឋបាលលោក បៃដិន ក៏បានប្រកាសកាលពីថ្ងៃចន្ទដែរថា ការផ្តល់វ៉ាក់សាំងបច្ចុប្បន្នគឺជា “គ្រាន់តែជាការចាប់ផ្តើម” នៃកិច្ចខិតខំប្រឹងប្រែងជាសកលប៉ុណ្ណោះ ដោយនិយាយថា នៅចុងខែសីហានេះ អាមេរិកនឹងចាប់ផ្តើមដឹកជញ្ជូនវ៉ាក់សាំង Pfizer ចំនួនកន្លះពាន់លានដូស ដែលខ្លួនបានសន្យាទិញ និងបរិច្ចាគដល់ប្រទេសដែលមានប្រាក់ចំណូលទាប ចំនួន ១០០ ប្រទេស ៕
ប្រែសម្រួលដោយ ៖ ជីវ័ន្ត
ប្រភព ៖ Anadolu
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៣ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)