វ៉ាក់សាំងកូវីដផលិតពីរុក្ខជាតិ មានតម្លៃថោកនិង បង្កើតភាពស៊ាំកាន់តែខ្លាំង ជាពិសេស មិនចាំបាច់ចាក់

អ្នកវិទ្យាសាស្ត្រ២រូប កំពុងសិក្សាលើវិធីសាស្រ្ត បង្កើតវ៉ាក់សាំងផលិតពីរុក្ខជាតិ ក្នុងគោលបំណងកាត់បន្ថយថ្លៃដើម និងបន្ថយថ្លៃព្យាបាល ដើម្បីបំពេញតម្រូវការរបស់មនុស្ស។

អ្នកវិទ្យាសាស្រ្ត Hugues Fausther-Bovendo ជនជាតិកាណាដា និង Gary Kobinger ជនជាតិអាមេរិក បានស្នើឲ្យប្រើ “កម្មវិធីបណ្តុះម៉ូលេគុល” ដែលដាក់ DNA បង្កើតប្រូតេអ៊ីននៅក្នុងកោសិការុក្ខជាតិ។

បន្ទាប់មក កោសិកានោះ ត្រូវបានប្រែក្លាយទៅជាសារធាតុចម្រាញ់ ដើម្បីយកបង្កើតវ៉ាក់សាំង។

ការបណ្ដុះម៉ូលេគុល ត្រូវបានគេស្នើឡើងដំបូង ជាជម្រើសមួយសម្រាប់ផលិតកម្មជីវសាស្ត្រក្នុងឆ្នាំ១៩៨៦ ពីព្រោះអ្វីដែលអ្នកវិទ្យាសាស្ត្រទាំងអស់ត្រូវការ គឺការរៀបចំផ្ទះកញ្ចក់ដែលមានតម្លៃថោកជាងបន្ទប់ឡជីវឧស្ម័ន។

វិធីសាស្រ្តនេះ បានបង្ហាញពីជោគជ័យក្នុងការសាកល្បងគ្លីនិកដំណាក់កាលទី៣ ចំពោះបេក្ខជនវ៉ាក់សាំងកូវីដមួយប្រភេទឈ្មោះ CoVLP និងវ៉ាក់សាំងប្រឆាំងជំងឺគ្រុនផ្តាសាយ ដែលវ៉ាក់សាំងទាំងពីរនេះ នឹងត្រូវផលិតជាថ្នាំបង្ការលេបតាមមាត់ មិនមែនជាថ្នាំ ចាក់ទេ។

លោក Fausther-Bovendo និងលោក Kobinger បានសរសេរនៅក្នុងអត្ថបទមួយដែលចុះផ្សាយក្នុងទស្សនាវដ្តីវិទ្យាសាស្ត្រថា វ៉ាក់សាំងដែលផលិតពីរុក្ខជាតិប្រឆាំងនឹងវីរុសផ្តាសាយនិងមេរោគ SARS-CoV-2 ត្រូវបានគេរំពឹងថា នឹងក្លាយជាប្រូតេអ៊ីនព្យាបាលរោគដំបូងគេ ដែលផលិតនៅក្នុងរុក្ខជាតិទាំងមូលសម្រាប់ការប្រើប្រាស់របស់មនុស្ស។

Fausther-Bovendo និង Kobinger មិនត្រឹមតែនិយាយម្តងហើយម្តងទៀតអំពីថ្លៃដើមនៃវិធីសាស្រ្តប្រពៃណីនៅក្នុងអត្ថបទទស្សនាវដ្តីវិទ្យាសាស្ត្រនោះទេ ប៉ុន្តែពួកគេក៏បានកត់សម្គាល់ផងដែរថា ប្រូតេអ៊ីនដែលផលិតដោយរុក្ខជាតិ គឺផ្តល់នូវការឆ្លើយតបនៃប្រព័ន្ធភាពស៊ាំខ្លាំងជាងមុន ពីព្រោះវាជាប្រភេទលេបតាមមាត់៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ កុមារមួយចំនួនតូច នៅតែមានរោគសញ្ញា២នេះ រយៈពេលយូរ ក្រោយជាសះស្បើយពីកូវីដ