អតីតព្រះនាង Mako និងស្វាមី ចាប់ផ្ដើមជីវិតថ្មីជារាស្ត្រសាមញ្ញលើទឹកដី អាមេរិក

អតីតម្ចាស់ក្សត្រី Mako Komuro និងស្វាមី Komuro Kei គ្រោងនឹងចាកចេញពីប្រទេសជប៉ុនទៅកាន់ទីក្រុង New York នៅថ្ងៃអាទិត្យនេះ ។ នបើតាមប្រភពដែលដឹងអំពីបញ្ហានេះបាននិយាយនៅថ្ងៃសុក្រនេះ ។

គូស្វាមីភរិយាថ្មីថ្មោងទាំងពីរនាក់ដែលមានអាយុ ៣០ ឆ្នាំគ្រោងនឹងចាកចេញពីអាកាសយានដ្ឋាន Haneda ដើម្បីចាប់ផ្តើមជីវិតថ្មីរបស់ពួកគេក្នុងទីក្រុងញូវយ៉ក ជាកន្លែងដែលលោក Kei Komuro ធ្វើការជាស្មៀននៅក្រុមហ៊ុនច្បាប់មួយ បន្ទាប់ពីបានបញ្ចប់ការសិក្សាពីសាលាច្បាប់នៃសាកលវិទ្យាល័យ Fordham ជាមួយនឹងសញ្ញាប័ត្របណ្ឌិតក្នុងខែឧសភា ។

យោងតាមប្រភពបានឲ្យដឹងថា លោក Komuro Kei បានធានាកន្លែងស្នាក់នៅក្នុងទីក្រុងសហរដ្ឋអាមេរិករួចហើយ​ ។

ដើមឡើយលោក Komuro Kei នឹងធ្វើដំណើរទៅសហរដ្ឋអាមេរិកមុនគេ ដោយសារការតាំងចិត្តការងារ ហើយអតីតព្រះនាងដែលបានចាកចេញពីគ្រួសារអធិរាជ នៅពេលរៀបការជាមួយមនុស្សសាមញ្ញនឹងយាងទៅតាមនៅពេលក្រោយ បន្ទាប់ពីទទួលបានលិខិតឆ្លងដែន ។

ប៉ុន្តែការស្នាក់នៅរបស់ Kei នៅប្រទេសជប៉ុនត្រូវបានអូសបន្លាយ បន្ទាប់ពីជីតារបស់ព្រះនាង Mako និងព្រះបិតារបស់ព្រះចៅអធិរាជ Akishino គឺព្រះអង្គ Tatsuhiko Kawashima បានយាងសោយទិវង្គតកាលពីសប្តាហ៍មុន ហើយប្តីប្រពន្ធនេះបានចូលរួមពិធីបុណ្យសពកាលពីថ្ងៃសៅរ៍ ។

គួរបញ្ជាក់ថា បុត្រីច្បងរបស់ព្រះចៅអធិរាជ Akishino និងមិត្តប្រុសបានរៀបការកាលពីថ្ងៃទី ២៦ ខែតុលា បន្ទាប់ពីមានភាពចម្រូងចម្រាសជាច្រើនឆ្នាំជុំវិញជម្លោះហិរញ្ញវត្ថុពាក់ព័ន្ធនឹងព្រះមាតារបស់លោក  Komuro Kei ដែលនាំឲ្យគូស្នេហ៍ទាំងពីរបោះបង់ចោលពិធីប្រពៃណីរៀបអភិសេករបស់ខ្សែរាជវង្ស ៕

ប្រែសម្រួលដោយ ៖ ជីវ័ន្ត

ប្រភព ៖ Japan Times

ចុចអាន ៖ ជប៉ុន រកឃើញថ្ងៃដែលគ្មានអ្នកស្លាប់ដោយសារកូវីដ ជាលើកដំបូង ក្នុងរយៈពេល ១៥ ខែ