ព័ត៌មានអន្ដរជាតិ
អ៊ីរ៉ង់ប្តេជ្ញាសងសឹក លុះត្រាលោក Trump ត្រូវកាត់ទោសពាក់ព័ន្ធការសម្លាប់មេទ័ព Soleimani
ប្រធានាធិបតីអ៊ីរ៉ង់លោក Ebrahim Raisi បានប្តេជ្ញាសងសឹកលោក Donald Trump លុះត្រាតែអតីតប្រធានាធិបតីអាមេរិករូបនេះ ត្រូវបានកាត់ទោសពាក់ព័ន្ធការសម្លាប់មេទ័ព Qassem Soleimani។
ការប្តេជ្ញានេះធ្វើឡើង ខណៈទីក្រុង តេហេរ៉ង់ ប្រារព្ធខួបពីរឆ្នាំចាប់តាំងពីការស្លាប់របស់មេបញ្ជាការរូបនេះ។
សាធារណរដ្ឋឥស្លាម និងសម្ព័ន្ធមិត្តនៅទូទាំងតំបន់មជ្ឈិមបូព៌ា បានប្រារព្ធពិធីរំលឹកវិញ្ញាណក្ខន្ធដល់ឧត្តមសេនីយ៍ Soleimani និងអនុសេនីយ៍ឯកអ៊ីរ៉ាក់ ដែលត្រូវបានធ្វើឃាតក្នុងការវាយប្រហារដោយយន្តហោះគ្មានមនុស្សបើករបស់សហរដ្ឋអាមេរិក នៅអាកាសយានដ្ឋានក្រុងបាកដាដកាលពីថ្ងៃទី៣ខែមករាឆ្នាំ២០២០។
លោក Soleimani បានដឹកនាំកងកម្លាំង Quds ដែលជាសម្ព័ន្ធប្រតិបត្តិការបរទេសនៃកងឆ្មាំបដិវត្តន៍អ៊ីរ៉ង់ ដោយមានទំនាក់ទំនងជាមួយក្រុមប្រដាប់អាវុធនៅក្នុងប្រទេសអ៊ីរ៉ាក់ លីបង់ ទឹកដីប៉ាឡេស្ទីន ស៊ីរី និងយេម៉ែន។
លោក Raisi និយាយថា “អ្នកឈ្លានពាន និងជាអ្នកធ្វើឃាតដ៏សំខាន់ គឺអតីតប្រធានាធិបតីសហរដ្ឋអាមេរិក ត្រូវតែប្រឈមមុខនឹងយុត្តិធម៌ និងការសងសឹករួមជាមួយអតីតរដ្ឋមន្ត្រីការបរទេសសហរដ្ឋអាមេរិកលោក Mike Pompeo និងឧក្រិដ្ឋជនដទៃទៀត។ បើមិនដូច្នេះទេ ខ្ញុំនឹងប្រាប់មេដឹកនាំអាមេរិកទាំងអស់ថា ការសងសឹកទាំងអស់នឹងចេញពីដៃនៃប្រទេសមូស្លីមដោយគ្មានអ្វីត្រូវសង្ស័យឡើយ”។
គួរបញ្ជាក់ថា ការបញ្ជាឲ្យធ្វើឃាតរបស់លោក Trump បាននាំឲ្យសត្រូវទាំង២ ស្ថិតក្នុងហានិភ័យខ្ពស់បំផុតនៃការប្រឈមមុខគ្នាខាងយោធាដោយផ្ទាល់។
ទីក្រុងវ៉ាស៊ីនតោនបាននិយាយនៅពេលនោះថា លោក Soleimani កំពុងរៀបចំផែនការធ្វើសកម្មភាព ប្រឆាំងនឹងបុគ្គលិកអាមេរិកនៅក្នុងប្រទេសអ៊ីរ៉ាក់ ដែលជាប្រទេសហែកហួរដោយសង្គ្រាមជាយូរមកហើយ រវាងសម្ព័ន្ធមិត្តសំខាន់ៗរបស់ទីក្រុងវ៉ាស៊ីនតោន និងទីក្រុងតេហេរ៉ង់៕
ប្រែសម្រួល៖ Vann Vann
ប្រភព៖ Bangkok Post
ចុចអាន៖ អ៊ីរ៉ង់ស្នើឲ្យប៉ូលិសអន្តរជាតិជួយចាប់ខ្លួនលោក Trump ជុំវិញការសម្លាប់ឧត្តមសេនីយ៍
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល