ព័ត៌មានអន្ដរជាតិ
លោក ពូទីន ចាត់វិធានការសងសឹក ហាមឃាត់ការលក់ប្រេង ទៅឲ្យប្រទេសកំណត់តម្លៃទាំងអស់ (មានវីដេអូ)
ប្រធានាធិបតីរុស្ស៊ី លោក វ្ល៉ាឌីមៀរ ពូទីន បានចុះហត្ថលេខាលើក្រឹត្យមួយ ស្តីពីវិធានការសងសឹកចំពោះការកំណត់តម្លៃរបស់លោកខាងលិច លើការនាំចេញប្រេងរបស់រុស្ស៊ី។ ការផ្តល់សច្ចាប័ននៅថ្ងៃពុធទី២៨ខែធ្នូនេះ គឺដើម្បីឆ្លើយតបទៅនឹងវិធានការដាក់ទណ្ឌកម្មដែលធ្វើឡើងដោយ EU, G7 និងអូស្ត្រាលីដែលចូលជាធរមានកាលពីដើមខែនេះ។
ក្រឹត្យរបស់ប្រធានាធិបតី បានហាមឃាត់ការផ្គត់ផ្គង់ប្រេង និងផលិតផលប្រេងឥន្ធនៈពីរុស្ស៊ីទៅកាន់ប្រទេសណាដែលអនុវត្តតម្លៃកំណត់ ក្នុងកិច្ចសន្យារបស់ពួកគេ។ ក្រឹត្យនេះ ក៏ហាមឃាត់ការដឹកជញ្ជូនផងដែរ ប្រសិនបើកិច្ចសន្យានោះបញ្ជាក់អំពីការកំណត់តម្លៃដោយផ្ទាល់ ឬដោយប្រយោល។
យោងតាមក្រឹត្យដែលផ្សព្វផ្សាយលើគេហទំព័ររបស់រដ្ឋាភិបាល, បម្រាមផ្គត់ផ្គង់ប្រេងដើម្បីឆ្លើយតបទៅនឹងតម្លៃកំណត់ នឹងចូលជាធរមាននៅថ្ងៃទី ០១ ខែកុម្ភៈ ឆ្នាំ២០២៣ និងមានសុពលភាពដល់ថ្ងៃទី១ខែកក្កដា ឆ្នាំ២០២៣។ ចំណែក កាលបរិច្ឆេទនៃបម្រាមផ្គត់ផ្គង់ផលិតផលប្រេងឥន្ធនៈ នឹងត្រូវបានកំណត់នៅពេលក្រោយដោយរដ្ឋាភិបាល។
ការកំណត់តម្លៃ៦០ដុល្លារក្នុងមួយបារ៉ែល លើការនាំចេញប្រេងតាមសមុទ្ររបស់រុស្ស៊ី ត្រូវបានណែនាំដោយប្រទេស EU, G7 និងអូស្ត្រាលីកាលពីថ្ងៃទី៥ខែធ្នូ។ ពួកគេបានហាមឃាត់ក្រុមហ៊ុនលោកខាងលិច មិនឲ្យផ្តល់ការធានារ៉ាប់រង និងសេវាកម្មផ្សេងទៀតសម្រាប់ការនាំចេញប្រេងរបស់រុស្ស៊ី លុះត្រាតែទំនិញត្រូវបានទិញក្នុងតម្លៃនេះ ឬទាបជាងតម្លៃដែលបានកំណត់។
ទោះបីជាយ៉ាងណាក៏ដោយ វិមានក្រឹមឡាំងបានប្តេជ្ញាឆ្លើយតបទៅនឹងវិធានការនេះ តាមរបៀបមួយដែលនឹងបម្រើផលប្រយោជន៍របស់ទីក្រុងមូស្គូឲ្យបានល្អបំផុត ដោយព្រមានថា ខ្លួននឹងមិនធ្វើពាណិជ្ជកម្មជាមួយប្រទេសដែលគាំទ្រដល់ការកំណត់តម្លៃនោះទេ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ RT
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង