សុខភាព

តិចនិកល្អៗ ការពារតម្រងនោមអ្នកមានជំងឺទឹកនោមផ្អែម

បានផុស

២ years មុន

នៅ

ថ្ងៃពុធ ២៩ ធ្នូ ២០២១

ដោយ

ជំងឺទឹកនោមផ្អែមជាប្រភេទជំងឺរ៉ាំរ៉ៃ ដែលកើតឡើងដោយសារតែការផលិត ឬបញ្ចេញអាំងស៊ុយលីនមិនគ្រប់គ្រាន់ ជាហេតុធ្វើឲ្យជាតិស្ករក្នុងឈាមឡើងខ្ពស់។ ពិតណាស់ ជំងឺមួយប្រភេទនេះ អាចបណ្ដាលឲ្យមានផលវិបាកធ្ងន់ធ្ងរទាក់ទងនឹងភ្នែក តម្រងនោម សរសៃឈាម បេះដូង ព្រមទាំងសរសៃប្រសាទផងដែរ។

កត្តារួមចំណែកដល់ការខូចតម្រងនោមចំពោះអ្នកជំងឺទឹកនោមផ្អែម

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កម្រិតជាតិស្ករកើនឡើងរារាំងបំពង់ចម្រោះឈាម និងធ្វើឲ្យរួមតូច។ ដូច្នេះហើយ លំហូរឈាមថយចុះ ហើយតម្រងនោមត្រូវខូចខាតបន្តិចម្ដងៗ
សរសៃឈាមលេចធ្លាយ និងបាត់បង់ប្រូតេអ៊ីនក្នុងទឹកនោម
ជំងឺទឹកនោមផ្អែមធ្វើឲ្យខូចសរសៃប្រសាទនៅក្នុងប្លោកនោម ដែលធ្វើឲ្យអ្នកជំងឺមិនមានអារម្មណ៍ដឹងថាប្លោកនោមពេញ និងនាំឲ្យចាល់ទឹកនោម ព្រមទាំងបង្កើនសម្ពាធលើតម្រងនោម។ កត្តានេះក៏បង្កើនហានិភ័យនៃការឆ្លងមេរោគតាមទឹកនោមដូចគ្នា។
កម្រិតជាតិស្ករខ្ពស់ក្នុងទឹកនោម ក៏នាំឲ្យបាក់តេរីលូតលាស់យ៉ាងឆាប់រហ័ស ដែលបណ្ដាលឲ្យមានការឆ្លងមេរោគលើផ្លូវទឹកនោមឡើងវិញ។

កត្តាទាំងនេះអាចបំផ្លាញតម្រងនោមបន្តិចម្ដងៗ និងកើនឡើងជាលំដាប់។

តិចនិកមួយចំនួន ជួយឲ្យតម្រងនោមមានសុខភាពល្អ

រក្សាជាតិស្ករក្នុងឈាមក្នុងកម្រិតធម្មតា អាចជួយការពារតម្រងនោមពីការខូចខាតបន្ថែមទៀត
ពិនិត្យកម្រិតជាតិស្ករក្នុងឈាមឲ្យបានទៀងទាត់
ញ៉ាំរបបអាហារសុខភាព ដែលរួមមានបន្លែ ប្រូតេអ៊ីនគ្មានខ្លាញ់ ដោយកាត់បន្ថយកាបូអ៊ីដ្រាត និងជាតិខ្លាញ់
កាត់បន្ថយការញ៉ាំជាតិស្ករ ខ្លាញ់ និងអាហារចម្រាញ់ខ្ពស់ដូចជាសូកូឡា ដំឡូងចៀន និងភេសជ្ជៈដែលមានបន្ថែមជាតិស្ករ
គប្បីញ៉ាំអាហារតិចតួច តែញឹកញាប់
កាត់បន្ថយជាតិប្រៃ និងអាហារកែច្នៃ ដោយសារតែបរិមាណសូដ្យូមខ្ពស់ អាចធ្វើឲ្យចាល់ជាតិទឹក
បញ្ឈប់ការជក់បារី
កាត់បន្ថយការញ៉ាំគ្រឿងស្រវឹង ដើម្បីជៀសវាងការខូចតម្រងនោម
ហាត់ប្រាណឲ្យបានទៀងទាត់ យ៉ាងហោចណាស់ ២០នាទីក្នុងមួយថ្ងៃ និង ៥ថ្ងៃក្នុងមួយសប្ដាហ៍
គ្រប់គ្រងទម្ងន់ឲ្យបានល្អ
កាត់បន្ថយកម្រិតកូលេស្តេរ៉ូល ពីព្រោះកម្រិតកូលេស្តេរ៉ូលខ្ពស់បង្កើនហានិភ័យនៃជំងឺតម្រងនោម ជំងឺបេះដូង និងគ្រោះថ្នាក់សរសៃឈាមខួរក្បាល
ការធ្វើតេស្តជាទៀងទាត់ ជាគន្លឹះក្នុងការព្យាបាល និងគ្រប់គ្រងស្ថានភាពជំងឺដ៏ត្រឹមត្រូវ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ អ្នកជំងឺទឹកនោមផ្អែម មិនប្រយ័ត្នអាចខូចតម្រងនោម និងត្រូវលាងឈាម

ចុចអាន៖ អាហារ ៧មុខ អ្នកមានបញ្ហាតម្រងនោម មិនគួរទទួលទានច្រើន

ចុចអាន៖ ស្ករបង្កជំងឺទឹកនោមផ្អែម តែបើឈប់ញ៉ាំ តើរាងកាយយើងមានបញ្ហាអ្វីខ្លះ?