សុខភាព

ដុះសាច់ច្រមុះ និងអាឡ័កស៊ីច្រមុះ មានរោគសញ្ញាដូចម្ដេចខ្លះ?

បានផុស

១ year មុន

នៅ

ថ្ងៃពុធ ១៤ ធ្នូ ២០២២

ដោយ

មនុស្សមួយចំនួនអាចយល់ច្រឡំ លើរោគសញ្ញាដុះសាច់ច្រមុះ និងអាឡ័កស៊ីច្រមុះ ព្រោះថាបញ្ហាទាំងពីរអាចមានរោគសញ្ញាប្រហាក់ប្រហែលគ្នាដែរ។ ដោយសារតែរោគសញ្ញាប្រហាក់ប្រហែលគ្នានេះហើយ ទើបធ្វើឲ្យមានការយល់ច្រឡំ។ ខាងក្រោមនេះ គឺជាការប្រៀបធៀប និងបែងចែកឲ្យដាច់រវាងជំងឺទាំងពីរនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដុះសាច់ច្រមុះ

ដុំសាច់ក្នុងប្រមុះ មានសភាពទន់ មិនឈឺចាប់ មិនបង្កជាជំងឺមហារីក ហើយវាដុះជាប់នៅនឹងជញ្ជាំងនៃប្រហោងច្រមុះ ឬប្រហោងឆ្អឹងច្រមុះស៊ីនុស។ ដុំសាច់ច្រមុះ តោងជាប់នៅជញ្ជាំងប្រហោងច្រមុះ មានសណ្ឋានដូចជាទពាំងបានជូរអ៊ីចឹងដែរ។ ដុំសាច់ច្រមុះអាចបង្កឲ្យមានការរលាករ៉ាំរ៉ៃ និងអាចមានបង្កឲ្យកើតហឺត ធ្វើឲ្យងាយឆ្លងរោគ អាឡ័កស៊ី ប្រតិកម្មនឹងថ្នាំ ឬមានជំងឺប្រព័ន្ធភាពស៊ាំជាក់លាក់ណាមួយផង។

ដុំសាច់ច្រមុះតូចមិនបង្កឲ្យមានជារោគសញ្ញាអ្វីនោះទេ ប៉ុន្តែបើដុំសាច់ធំ ឬច្រើនអាចបិទប្រហោងច្រមុះ ឬធ្វើឲ្យពិបាកដកដងហើម បាត់បង់ក្លិន និងអាចឆ្លងរោគញឹកញាប់។

អាឡ័កស៊ីច្រមុះ

អាឡ័កស៊ីច្រមុះ គឺជាការរលាកក្នុងច្រមុះបង្កឡើងដោយសារធាតុបង្កអាអាឡ័កស៊ី ដែលគេហៅថា អាលែកហ្សែន មានដូចជាលម្អង ធូលី ឬរោមសត្វជាដើម។ អាឡ័កស៊ីនេះ កើតឡើងនៅពេលដែលប្រព័ន្ធភាពស៊ាំរបស់យើងមានប្រតិកម្ម និងចាត់ទុកសារធាតុខាងក្រៅទាំងនោះដែលចូលក្នុងខ្លួនថាជាធាតុបង្កគ្រោះថ្នាក់។ ជាលទ្ធផល កោសិកានឹងបញ្ចេញសារធាតុគីមីជាច្រើន ជាហេតុនាំ ឲ្យស្រទាប់ច្រមុះខាងក្នុងឡើងហើម និងផលិតស្លេស្មមកច្រើនដែរ។

ដោយសារដែលជំងឺទាំងពីរនេះមានរោគសញ្ញាតាមរយៈផ្លូវដង្ហើមដូចគ្នា ខាងក្រោមនេះជាជាការញែករោគសញ្ញារបស់ជំងឺនីមួយៗ៖

រោគសញ្ញាដុះសាច់ច្រមុះ

រោគសញ្ញាទូទៅ និងរោគសញ្ញានៃជំងឺរលាកភ្នាសច្រមុះរ៉ាំរ៉ៃ ឬជាសាច់ដុះក្នុងច្រមុះរួមមាន៖

រោគសញ្ញានៃជំងឺរលាកច្រមុះអាឡ័កស៊ី

រោគសញ្ញាទូទៅនៃជំងឺអាឡ័កស៊ីច្រមុះរួមមាន៖

កណ្តាស់
ហៀរសម្បោរ
ច្រមុះតឹង
រមាស់ច្រមុះ
ក្អក
ឈឺបំពង់ក ឬរលាកបំពង់ក
រមាស់ភ្នែក
ហៀរទឹកភ្នែក
រង្វង់ខ្មៅនៅក្រោមភ្នែក
ឈឺក្បាលញឹកញាប់
រោគសញ្ញាប្រភេទជំងឺស្បែកដូចជាស្បែកស្ងួត រមាស់ខ្លាំងដែលអាចឡើងជាពងបែក
កន្ទួលក្រហម
ច្រើនអស់កម្លាំង

ពេលណាត្រូវទៅជួបគ្រូពេទ្យ

គ្នាយើងគួរជួបពិភាក្សាជាមួយគ្រូពេទ្យ បើសិនជារោគសញ្ញាទាក់ទងនឹងដុះសាច់ច្រមុះមិនបាត់ទៅវិញក្នុងរយៈពេលយូរជាង១០ថ្ងៃ។ រោគសញ្ញានៃការរលាកប្រហោងច្រមុះស៊ីនុស និងដុំសាច់ច្រមុះ មានលក្ខណៈប្រហាក់ប្រហែលគ្នាទៅនឹងស្ថានភាពជំងឺផ្សេងទៀត ដូចជាផ្ដាសាយដែរ។

ដូចគ្នាដែរ បើរោគសញ្ញាមួយចំនួនទាក់ទងនឹងអាលែកហ្ស៊ីច្រមុះធ្វើទុក្ខ រំខានដំណេក រំខានដល់សកម្មភាពប្រចាំថ្ងៃ ពិសេសប៉ះពាល់ដល់ការងារទៀតនោះ យើងគប្បីពិភាគ្សាជាមួយគ្រូពេទ្យដូចគ្នា៕

អត្ថបទផ្ដល់ដោយ៖Hello Krupet

ចុចអាន៖ឡើងកូលេស្តេរ៉ុលខ្ពស់ អាចទទួលទានស៊ុតលឿងបានទេ?

ចុចអាន៖អ្នកជំងឺខ្សោយបេះដូង គួរកាត់បន្ថយការញ៉ាំមឹក