ព័ត៌មានអន្ដរជាតិ
អាមេរិក៖ សង្គ្រាមនុយក្លេអ៊ែរ មិនអាក្រក់ ដូចបម្រែបម្រួលអាកាសធាតុទេ
រដ្ឋមន្ត្រីការបរទេសអាមេរិក លោក Antony Blinken អះអាងថា ការគំរាមកំហែងនៃផលបំផ្លិចបំផ្លាញនុយក្លេអ៊ែរ គឺមិនធ្ងន់ធ្ងរជាងការគំរាមកំហែងនៃបម្រែបម្រួលអាកាសធាតុនោះទេ។
![](https://www.kampucheathmey.com/wp-content/uploads/2023/07/image-1272-1024x683.png)
ការអះអាងរបស់លោក Blinken បានធ្វើឡើង បន្ទាប់ពីមានមតិរិះគន់ថា រដ្ឋាភិបាលទីក្រុងវ៉ាស៊ីនតោន កំពុងប្រថុយជាមួយសង្គ្រាមនុយក្លេអ៊ែរ ដោយសារតែការបំពាក់អាវុធដល់ប្រទេសអ៊ុយក្រែន ។
ដោយបង្ហាញខ្លួនក្នុងកម្មវិធី 60 Minutes Australia កាលពីថ្ងៃអាទិត្យទី២៩ខែកក្កដា លោក Blinken ត្រូវបានគេសួរថា តើសង្រ្គាមនុយក្លេអ៊ែរឬបម្រែបម្រួលអាកាសធាតុ ដែលតំណាងឲ្យការគំរាមកំហែងកាន់តែខ្លាំងចំពោះមនុស្សជាតិ?
គាត់ឆ្លើយតបថា “មែនហើយ ខ្ញុំគិតថាមានឋានានុក្រម។ មានរឿងមួយចំនួនដែលនៅខាងមុខ និងកណ្តាល រួមទាំងជម្លោះដែលអាចកើតមានផងដែរ ប៉ុន្តែគ្មានអ្វីគួរឲ្យសង្ស័យទេដែលថា អាកាសធាតុ គឺតំណាងឲ្យបញ្ហាប្រឈមដែលអាចកើតមានចំពោះយើងទាំងអស់គ្នា។ ដូច្នេះសម្រាប់យើង នេះជាបញ្ហាប្រឈមក្នុងសម័យកាលរបស់យើង”។
![](https://www.kampucheathmey.com/wp-content/uploads/2023/07/image-1273-1024x731.png)
ខណៈខែកក្កដា នឹងក្លាយជាខែក្តៅបំផុតក្នុងប្រវត្តិសាស្ត្រ, អង្គការសហប្រជាជាតិបានអំពាវនាវឲ្យពន្លឿនសកម្មភាព ដើម្បីកាត់បន្ថយការបញ្ចេញកាបូន រួមទាំងបញ្ចប់ការប្រើប្រាស់ធ្យូងថ្មជាសកលនៅត្រឹមឆ្នាំ ២០៤០ ផងដែរ ។
នៅដើមរដូវក្តៅនេះ បេសកជនពិសេសរបស់ប្រធានាធិបតីសហរដ្ឋអាមេរិក ទទួលបន្ទុកអាកាសធាតុលោក John Kerry បានទាមទារឲ្យផ្លាស់ប្តូរប្រព័ន្ធកសិកម្មរបស់ពិភពលោក ដើម្បីកាត់បន្ថយការបំភាយឧស្ម័នកាបូនិចពីការធ្វើកសិកម្ម ក្នុងគោលបំណងបញ្ចៀស ការឡើងកម្តៅ កន្លះដឺក្រេ នៅត្រឹមពាក់កណ្តាលសតវត្សរ៍នេះ។
ទោះយ៉ាងណាក៏ដោយ នៅក្នុងប្រទេសអ៊ុយក្រែន រដ្ឋបាលរបស់ប្រធានាធិបតី ចូ បៃដិន នៅតែបន្តគោលនយោបាយគាំទ្រដោយបើកចំហសម្រាប់យោធា ទីក្រុងកៀវ។
សហរដ្ឋអាមេរិក និងសម្ព័ន្ធមិត្តរបស់អង្គការណាតូ បានបំពាក់មីស៊ីលរយៈចម្ងាយឆ្ងាយ ដល់អ៊ុយក្រែន ហើយបច្ចុប្បន្នកំពុងពិភាក្សាអំពីការផ្គត់ផ្គង់យន្តហោះចម្បាំងទៅឲ្យទីក្រុងកៀវ ចំពេលមានការព្រមានម្តងហើយម្តងទៀតពីទីក្រុងមូស្គូថា សព្វាវុធបែបនេះ នឹងបង្កើនឱកាសនៃសង្គ្រាមទាំងស្រុងរវាងរុស្ស៊ី និង ខាងលិច៕
ប្រែសម្រួល៖ Vann Vann
ប្រភព៖ RT
ចុចអាន៖ ខែកក្កដា ឆ្នាំ២០២៣ នឹងក្លាយជាខែក្តៅបំផុត ក្នុងប្រវត្តិសាស្ត្រភពផែនដី
-
សន្តិសុខសង្គម៦ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៦ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៦ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៥ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៦ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៣ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
សេដ្ឋកិច្ច២ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ៥ ថ្ងៃ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ