Connect with us

ព័ត៌មានអន្ដរជាតិ

Unicef៖ សិស្ស​សាលា​ ២៤២​លាន​នាក់បូក​កុមារ​​​កម្ពុជា​ផង ​រងផលប៉ះពាល់​ដោយសារបញ្ហាអាកាសធាតុ​ក្នុង​ឆ្នាំ​២០២៤

បានផុស

នៅ

ទីភ្នាក់ងារកុមាររបស់អង្គការសហប្រជាជាតិ (Unicef) បាន​ចេញ​របាយការណ៍​មួយ​កាលពីថ្ងៃព្រហស្បតិ៍ ឲ្យ​ដឹង​ថា អាកាសធាតុអាក្រក់​ក្នុងឆ្នាំ​២០២៤​ បានរំខានដល់ការសិក្សារបស់កុមារប្រហែល ២៤២ លាននាក់ពី​​ប្រទេស​ចំនួន៨៥ ​​រួម​ទាំងកម្ពុជា​ផង​។ យោង​សារព័ត៌មាន​ Bangkok Post នៅថ្ងៃទី២៤ខែមករានេះ។

(រូបភាព៖ Unicef)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

របាយការណ៍ បានបង្ហាញថា រលកកំដៅមានផលប៉ះពាល់ដ៏ធំបំផុត ខណៈដែលនាយកប្រតិបត្តិរបស់ Unicef ​​លោកស្រី Catherine Russell បានព្រមានថាកុមារ៖​«ងាយរងគ្រោះ ចំពោះអាកាសធាតុខ្លាំង ពួកគេឡើងកំដៅលឿន បែក​ញើស​លឿន ហើយ​ត្រជាក់យឺតជាងមនុស្សពេញវ័យ។ កុមារបាត់បង់ការផ្តោតអារម្មណ៍ក្នុងថ្នាក់រៀននៅពេលដែលកម្ដៅឡើងខ្លាំង ហើយពួកគេមិនអាចទៅសាលារៀនបានប្រសិនបើផ្លូវត្រូវបានជន់លិច ឬប្រសិនបើសាលារៀនត្រូវជន់លិច»។

ទិន្នន័យដែលមានបានបង្ហាញថា សិស្សចាប់ពីថ្នាក់មត្តេយ្យដល់វិទ្យាល័យ មានថ្នាក់រៀនខ្លះត្រូវបានផ្អាក វិស្សមកាលបានផ្លាស់ប្តូរ ការបើកឡើងវិញមានការពន្យារពេល កាលវិភាគផ្លាស់ប្តូរ និងរួមតាំងសាលារៀនបានខូចខាត ឬបំផ្លាញពេញមួយឆ្នាំ ដោយសារការប្រែប្រួលអាកាសធាតុ។

យ៉ាងហោចណាស់មានកុមារចំនួន ១៧១លាននាក់បានរងផលប៉ះពាល់ដោយរលកកំដៅ ដែលក្នុងនោះមាន ១១៨ លាន​នាក់ក្នុងខែមេសាតែមួយ ដោយសារសីតុណ្ហភាពកើនឡើងនៅក្នុងប្រទេសបង់ក្លាដែស កម្ពុជា ឥណ្ឌា ថៃ និងហ្វីលីពីន។ នៅក្នុងប្រទេសហ្វីលីពីន ជាពិសេសសាលារៀនដែលមិនប្រើម៉ាស៊ីនត្រជាក់រាប់ពាន់កន្លែងត្រូវបានបិទ ដោយមានកុមារប្រឈមនឹងជំងឺដាច់សរសៃរឈាមខួរក្បាលថែមទៀត។

ចំណែកឥណ្ឌា​មាន​កុមារ​រង​គ្រោះ​ច្រើន​ជាងគេ គឺ​៥៤​លាន​នាក់ ភាគច្រើន​ដោយសារ​រលក​កម្តៅ​។ ប្រទេសបង់ក្លាដែសមាន ៣៥លាននាក់រងផលប៉ះពាល់ដោយរលកកំដៅផងដែរ។

តួលេខនេះទំនងជានឹងកើនឡើងក្នុងប៉ុន្មានឆ្នាំខាងមុខ ដោយសារសីតុណ្ហភាពនៅតែបន្តកើនឡើង ដោយមានកុមារពាក់កណ្តាលពិភពលោក ប្រហែលមួយពាន់លាននាក់ រស់នៅក្នុងប្រទេសដែលមានហានិភ័យខ្ពស់នៃការប្រែប្រួលអាកាសធាតុ និងបរិស្ថាន។

(រូបភាព៖ ANI )

គួរបញ្ជាក់ថាសកម្មភាពរបស់មនុស្ស រួមទាំងការដុតឥន្ធនៈហ្វូស៊ីលដែលមិនមានការរឹតបន្តឹងក្នុងរយៈពេលជាច្រើនទសវត្សរ៍មកនេះ បានធ្វើឱ្យភពផែនដីឡើងកម្តៅ និងផ្លាស់ប្តូរលំនាំអាកាសធាតុ។ សីតុណ្ហភាពជាមធ្យមរបស់ពិភពលោកបានឡើងដល់កម្រិតខ្ពស់បំផុតក្នុងឆ្នាំ ២០២៤។ បញ្ហាទាំងនោះបានធ្វើឱ្យរយៈពេលសើមកាន់តែសើម ហើយរយៈពេលស្ងួតកាន់តែស្ងួត ធ្វើឱ្យកំដៅ និងព្យុះកាន់តែខ្លាំង ហើយធ្វើឱ្យប្រជាជនកាន់តែងាយរងគ្រោះទៅនឹងគ្រោះមហន្តរាយ។

បើយោងតាមការព្យាករណ៍របស់អង្គការ Unicef ​​ប្រសិនបើការបំភាយឧស្ម័នផ្ទះកញ្ចក់នៅតែបន្តលើគន្លងដូចបច្ចុប្បន្ន កុមារចំនួនច្រើនជាងនេះនឹងត្រូវប្រឈមនឹងរលកកំដៅនៅឆ្នាំ ២០៥០។ លើសពីអង្គការ Unicef ​​បានសម្តែងការភ័យខ្លាចថាផលប៉ះពាល់ភ្លាមៗ អាចបង្កើនហានិភ័យដល់កុមារមួយចំនួន ជាពិសេសកុមារី ក្នុងការបោះបង់ការសិក្សា។ Unicef បានអំពាវនាវឱ្យមានការវិនិយោគក្នុងថ្នាក់រៀនដែលធន់នឹងគ្រោះថ្នាក់អាកាសធាតុ៕

(រូបភាព៖ Reuters)

អត្ថបទ៖ ប៊ុន សុភាព

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ម៉ោង មុន

រដ្ឋមន្ត្រីសុខាភិបាល និងរដ្ឋមន្ត្រីការងារ ស្នើឱ្យកម្មករ និងពលរដ្ឋឈប់ពិសាភេសជ្ជៈផ្អែមប៉ូវកម្លាំង

ព័ត៌មានជាតិ៥ ម៉ោង មុន

អ្នក​រងរបួស​ដោយ​អគ្គិភ័យ ឆេះ​ក្លិប​កម្សាន្ដ មីតណាយព្រីមៀរ ៥នាក់ ទទួល​បាន​ថវិកា​ពី​អភិបាល​រាជធានីភ្នំពេញ

ព័ត៌មានជាតិ៦ ម៉ោង មុន

បុរសធ្លាប់ជាប់ពន្ធនាគារព្រោះកូនឆ្កែ បានក្លាយជាម្ចាស់ហាងនំប៉័ង ព្រោះទឹកចិត្តសណ្ដោសរបស់សម្ដេចតេជោ

ព័ត៌មានជាតិ៦ ម៉ោង មុន

ពលរដ្ឋកម្ពុជា​ថ្កោលទោស ស៊ន តារា ដែល​កំពុង​វង្វេង​ប្រវត្តិសាស្រ្ត​ដោយលើកឡើងថា “អាមេរិក​មិន​ដែល​ទម្លាក់​គ្រាប់​បែក​សម្លាប់​ខ្មែរ”

ព័ត៌មានជាតិ៨ ម៉ោង មុន

អ្នកនាំពាក្យ ថា មានអ្នកជាប់កាតព្វកិច្ច៧រូបមិនទាន់មកប្រកាសទ្រព្យសម្បត្តិ និងបំណុល

Sokha Hotels

ព័ត៌មានពេញនិយម