KPT+

កុំគិតថាមិនអី! សញ្ញាគ្រោះថ្នាក់នៃជំងឺធ្លាក់ទឹកចិត្តពីការងារ និងវិធីដោះស្រាយទាន់ពេលវេលា

បានផុស

៥ years មុន

នៅ

ថ្ងៃព្រហស្បតិ៍ ៨ កក្កដា ២០២១

ដោយ

ការងាគឺជាបុព្វហេតុចំបងមួយនៃភាពតានតឹង។ បន្ទុកសេដ្ឋកិច្ចកាន់តែច្រើន វាកាន់តែជំរុញការងារ ច្រើនរហូតធ្វើឲ្យស្រ្តេស។ បច្ចុប្បន្ននេះមនុស្សជាច្រើនក៏ត្រូវធ្វើការពីផ្ទះ ហើយអាចនឹងស្ត្រេសខ្លាំងជាងមុន ព្រោះខួរក្បាលត្រូវស្ថិតនៅកន្លែងតែមួយដដែលៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះយ៉ាងណា ការសិក្សាថ្មីៗនេះបង្ហាញថា រាងកាយមិនបណ្ដាលឲ្យធ្លាក់ទឹកចិត្តទេ ប៉ុន្តែបរិស្ថានជុំវិញ អាចនឹងកាន់តែអាក្រក់សម្រាប់អ្នកដែលមានជំងឺធ្លាក់ទឹកចិត្តស្រាប់។

អង្គការសុខភាពពិភពលោក (WHO) បាននិយាយថា បរិយាកាសមិនល្អនៅកន្លែងធ្វើការ អាចនាំឲ្យមានបញ្ហាដូចជា៖ បញ្ហាសុខភាព សុខភាពផ្លូវចិត្តនិងរាងកាយ អវត្តមានច្រើនដង ខ្ជិលច្រអូស ឬឈានទៅដល់ករណីធ្ងន់ធ្ងរ បណ្ដាលឲ្យមានជំងឺធ្លាក់ទឹកចិត្តរហូតដល់ប្រើថ្នាំព្យាបាល។

គ្រោះថ្នាក់នៃជំងឺធ្លាក់ទឹកចិត្តពីកន្លែងការងារអាចបង្កហានិភ័យដូចជា៖ មានអារម្មណ៍ធុញថប់កាន់តែខ្លាំងឡើងពេលទាក់ទងនឹងការងារ ស្ថានភាពស្ត្រេសខ្លាំង លែងសប្បាយពេលទៅដល់អូហ្វីស។ ក្រៀមក្រំឬមិនមានពេលធ្វើអ្វីទាំងអស់រយៈពេលយូរ។ មានកំហុសកាន់តែច្រើន ឈឺក្បាលឬមកយឺតញឹក តែងតែចង់លាឈប់ភ្លាមៗ ជាពិសេសស្រែកថ្ងូរពេលធ្វើការជាដើម។

មូលហេតុដែលអាចកើតមាននៃការធ្លាក់ទឹកចិត្តនៅកន្លែងធ្វើការ

ការងារកំពុងធ្វើគឺប្រថុយប្រថានតែឯង មានអារម្មណ៍ភិតភ័យ រហូតមិនអាចគ្រប់គ្រងបាន។ មិត្តរួមការងារមិនយល់ចិត្ត ឬដាក់បន្ទុក មានអតិថិជនមិនពេញចិត្តផលិតផល ។ បរិយាកាសការងារអាប់អួរ គ្មានហុងស៊ុយ។ មានអារម្មណ៍ថាធ្វើការហួសកម្លាំង ឬមិនសមនឹងប្រាក់ឈ្នួល។ ពេលវេលាធ្វើការជាមួយពេលវេលាជីវិតគ្មានតុល្យភាព បរិយាកាសកន្លែងធ្វើការមិនត្រូវតាមតម្រូវការ ។

ជាពិសេសការងារដែលមិនបំពេញតាមគោលដៅជីវិត វាក៏មានកត្តាផ្សេងទៀតដែរ ដូចជាថៅកែមិនចាប់អារម្មណ៍។ នយោបាយនៅកន្លែងធ្វើការ ការនិយាយដើមគេ ភាពមិនស្មោះត្រង់ ភាពមិនច្បាស់លាស់ នៅកន្លែងធ្វើការជាដើម។

តើធ្វើដូចម្តេចដើម្បីព្យាបាលការធ្លាក់ទឹកចិត្តនៅកន្លែងធ្វើការបានទាន់ពេល?

ចូរចាប់ផ្ដើមនូវអ្វីដែលយើងអាចធ្វើបាន៖ កុំនាំយកបញ្ហាទៅផ្ទះ ធ្វើលំហាត់ប្រាណសម្រាកឲ្យបានគ្រប់គ្រាន់ ហើយនិយាយជាមួយក្រុមចែករំលែក ចេញទៅក្រៅ និងធ្វើសកម្មភាពថ្មីៗ ជួបមនុស្សថ្មី ទទួលយកអ្វីដែលកំពុងកើតឡើង។

ទោះយ៉ាងណា បញ្ហាខ្លះអាចជារចនាសម្ព័ន្ធ ដែលតាមពិតពិបាកដោះស្រាយ ហើយប្រសិនមានអារម្មណ៍ថាជះឥទ្ធិពលខ្លាំងពេក ទៅលើជីវិត គួរតែពិគ្រោះជាមួយអ្នកឯកទេសផ្នែកចិត្តសាស្ត្រ៕

ប្រែសម្រួល៖ សាង ស្រីល័ក្ខ

ប្រភព៖sanook

ចុចអាន៖បង្កើនការប្រុងប្រយ័ត្នទាំងអស់គ្នា! បិទខ្ទប់យូរអង្វែងអាចធ្វើឲ្យខួរក្បាល មានរោគសញ្ញាមួយនេះ

ចុចអាន៖ធ្វើការពីផ្ទះ ចង់ឲ្យសុខភាពរាងកាយនៅតែមាំមួនល្អ គួរអនុវត្តវិធីទាំងនេះ