ព័ត៌មានជាតិ
ល្អាងភ្នំទាក់ទ្រាំង មានប្រវត្តិរាប់ពាន់ឆ្នាំ ពលរដ្ឋញញើតមិនហ៊ានចូលទៅលេង
ខេត្តបាត់ដំបង៖ ភ្នំទាក់ទ្រាំងស្ថិតនៅ ភូមិគីឡូ៣៨ ឃុំត្រែង ស្រុករតនមណ្ឌលខេត្តបាត់ដំបង អាចធ្វើដំណើរតាមផ្លូវជាតិលេខ ៥៧ ចេញពីក្រុងបាត់ដំបងឆ្ពោះទៅ ខេត្តប៉ៃលិនមកដល់គីឡូម៉ែត្រលេខ៤០ បត់ចូលចម្ងាយជិត ៤ គីឡូម៉ែត្រនឹងទៅ ដល់ភ្នំទាក់ទ្រាំងតែម្តង។
បើតាមន្ត្រីនៃមន្ទីរទេសចរណ៍បានឲ្យដឹងថា ល្អាងភ្នំទាក់ទ្រាំងនេះមិនសូវមានចំណាប់អារម្មណ៍ពីអ្នកទេសចរណ៍នោះទេ ក្រៅ ពីក្រុមនិស្សិតដែលចុះទៅធ្វើការស្រាវវជ្រាវ។
យោងតាមឯកសាររដ្ឋបាលសាលាខេត្តបាត់ដំបង ល្អាងភ្នំទាក់ទ្រាំងមានវត្ថុបុរាណអាយុកាលរាប់ពាន់ឆ្នាំ ហើយត្រូវបានរាជរដ្ឋាភិបាលកម្ពុជាបានចេញច្បាប់លេខ៦៧អនក្រ.បកចុះថ្ងៃទី២៥ខែឧសភាឆ្នាំ២០២០ អនុញ្ញាតឱ្យក្រសួងបរិស្ថានរៀបចំអភិរក្សភ្នំទាក់ទ្រាំងទំហំ ៧៩,៨២ហិកតា ជាតំបន់បេតិកភណ្ឌធម្មជាតិសម្រាប់ជាមរតកមនុស្សគ្រប់ជំនាន់។
លោកគឹម សោភ័ណ្ឌ ប្រធានមន្ទីរវប្បធម៌និងវិចិត្រសិល្បះខេត្តបាត់ដំបងបានឲ្យដឹងថា លោកតែងតែដឹកនាំក្រុមនិស្សិតទៅសិក្សាស្រាវជ្រាវ និងធ្វើកំណាយហើយបានរកឃើញវត្ថុបុរាណជាច្រើនប្រភេទដូចជា ក្នុងសម័យបុរេប្រវត្តិក្នុងអំឡុងពី ៤ទៅ ៥ ពាន់ឆ្នាំមុន និងសម័យទំនើប និងបាននាំទៅ រក្សាទុកនៅ ក្នុងសារះមន្ទីរខេត្ត។
លោកបន្តថា ក្រុមការងារនិសិត្យដែលលោកដឹកនាំទៅ គឺផ្តោតលើការស្រាវជ្រាវរកប្រវត្តិបន្ថែមទៀត និងបានធ្វើកំណាយរក”ប៉ុស្សុីល” ស្លាកស្នាមបុរាណវិទ្យា ដើម្បីកំណត់អត្តសញ្ញាណអាយុកាល និងធ្វើការវាយតម្លៃថាតើទីនោះមានមនុស្សរស់នៅ កាលពីពេលណាមក។
ស្ថានីយល្អាងភ្នំទាក់ទ្រាំង បើតាមមន្រ្តីជំនាញប្រាប់ថាមានអាយុកាលចាស់ជាងគេបង្អស់ក្នុងប្រវត្តិសាស្ត្រនិងនៅ ប៉ែកអាសុី។
បើតាមការរៀបរាប់ពីប្រជាពលរដ្ឋនៅ ទីនោះ ល្អាងភ្នំនេះមើលទៅ ពិតតជាប្រណិតណាស់ តែក៏គួរឲ្យញញើតដែរព្រោះគេនៅ មិនទាន់ដឹងថាមានសត្វអ្វីចម្លែកៗខ្លះរស់នៅ ទីនោះឡើយ ដូច្នេះហើយទើបអ្នកចង់ទស្សនាមិនហ៊ានចូលទៅ ក្រៅ ពីក្រុមអ្នកសិក្សាស្រាវជ្រាវ៕
អត្ថបទ៖ សៅ សារិទ្ធ
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សន្តិសុខសង្គម៨ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ