ព័ត៌មានជាតិ
ខេត្តព្រះសីហនុជ្រើសរើសបានសិស្សពូកែ ត្រៀមចូលរួមប្រឡងថ្នាក់ជាតិ
លោកស្រី អ៊ូច សោភា ប្រធានមន្ទីរអប់រំយុវជននិងកីឡាខេត្តព្រះសីហនុបានមានប្រសាសន៍ថា ខេត្តព្រះសីហនុជ្រើសរើសសិស្សពូកែបានចំនួន ៦ នាក់ក្នុងនោះសិស្សពូកែថ្នាក់ទី៩ចំនួន ៣ នាក់និងសិស្សពូកែថ្នាក់ទី ១២ ចំនួន ៣នាក់ទៅចូលរួមប្រឡងសិស្សពូកែថ្នាក់ជាតិ នៅខេត្តសៀមរាប នាថ្ងៃទី១៣ ដល់ថ្ងៃទី១៥ ខែមិថុនា ឆ្នាំ២០២២ ខាងមុខនេះ។
ការប្រឡងជ្រើសរើសសិស្សពូកែប្រចាំខេត្តព្រះសីហនុឆ្នាំ២០២២ ដើម្បីចូលរួមប្រឡងថ្នាក់ជាតិនេះ ដោយបានធ្វើការប្រឡងជ្រើសរើសសិស្សពូកែថ្នាក់ទី៩ និងទី១២ នៅតាមសាលានីមួយៗជាមុនសិន។ បន្ទាប់មកប្រឡងយកសិស្សពូកែតាមក្រុង ស្រុកនិងចុងក្រោយប្រឡងជ្រើសរើសសិស្សពូកែប្រចាំខេត្ត។
លោកស្រីបានបន្ថែមថា ចុងក្រោយជ្រើសរើសសិស្សពូកែបានចំនួន ៦នាក់ ក្នុងនោះថ្នាក់ទី៩ ចំនួន ៣នាក់ និងថ្នាក់ទី១២ ចំនួន៣នាក់ ដែលមានមុខវិជ្ជាចំនួន ៣ គឺភាសារខ្មែរ គណិតវិទ្យា និងរូបវិទ្យា ដោយក្នុងមួយមុខវិទ្យាជ្រើសរើសសិស្សពូកែម្នាក់។
ថ្លែងក្នុងពិធីសំណេះសំណាលជាមួយសិស្សពូកែប្រចាំខេត្តព្រះសីហនុ ដែលត្រូវត្រៀមចូលរួមប្រឡងសិស្សពូកែថ្នាក់ជាតិ នៅខេត្តសៀមរាប កាលពីរសៀលថ្ងៃទី០៧មិថុនា លោក គួច ចំរើន អភិបាល នៃគណៈអភិបាលខេត្តព្រះសីហនុបានចូលរួមអបអរសាទរដល់សិស្សានុសិស្ស ចំពោះជោគជ័យកន្លងមក និងនាំមកនូវកិត្តិយសសម្រាប់ខេត្ត គ្រួសារ និងសហគមន៍ ហើយនេះក៏ជាជោគជ័យរបស់លោកគ្រូ អ្នកគ្រូ ដែលបានចូលរួមសហការជាមួយរដ្ឋបាលខេត្តព្រះសីហនុនាពេលកន្លងមក។
លោកអភិបាលខេត្តក៏បានធ្វើការផ្តាំផ្ញើដល់ក្មួយៗសិស្សពូកែទាំងអស់ ត្រូវខិតខំសិក្សាស្រាវជ្រាវបន្ថែម បង្កើនស្មារតី ចេះចែករំលែកបទពិសោធន៍ឱ្យគ្នាទៅវិញទៅមក និងសូមអោយក្មួយៗត្រឡប់មកវិញស្ពាយនូវជ័យលាភីថ្នាក់ជាតិជូនខេត្ត សាលា និងក្រុមគ្រួសារ។
ទន្ទឹមនឹងនេះ លោកអភិបាលខេត្ត ក៏បានឧបត្ថម្ភថវិកាជូនសិស្សពូកែ ៦នាក់ និងគ្រូដឹកនាំ២នាក់ ក្នុងម្នាក់ទទួលបានថវិការចំនួន ៣០០ដុល្លា ដោយឡែកលោកគ្រូ អ្នកគ្រូ និងសិស្សដែលបានចូលរូមចំនួន ៨៤នាក់ ក្នុងម្នាក់ ៥ម៉ឺនរៀលផងដែរ៕
អត្ថបទ៖ សំអឿន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៧ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង