ក្រុមប្រឹក្សាធម្មនុញ្ញ ច្រាន​ចោលបណ្តឹង​ របស់​ LDP និងបិទផ្លូវតវ៉ា

បណ្តឹងចំនួន ២៣ របស់គណបក្សសម្ព័ន្ឋដើម្បីប្រជាធិបតេយ្យ ដែលប្ដឹងតវ៉ានឹងសេចក្ដីសម្រេចរបស់ គណៈកម្មារធិការជាតិរៀបចំការបោះឆ្នោត ពាក់ព័ន្ឋនឹងបញ្ជីបោះឆ្នោតដំបូង ត្រូវបានក្រុមប្រឹក្សាធម្មនុញ្ញ ច្រានចោលទាំងអស់។

យោងតាមសេចក្ដីប្រកាសព័ត៌មាន អគ្គលេខាធិការដ្ឋាន ក្រុមប្រឹក្សាធម្មនុញ្ញ នៅថ្ងៃទី២៣ ខែធ្នូ ឆ្នាំ២០២០នេះ បានឱ្យដឹងថា ក្រុមប្រឹក្សាធម្មនុញ្ញ បានសម្រេចច្រានចោលសំណុំរឿងលេខ៣៩១/០៣៣/២០២០ ដល់លេខ៤១៣/​០៥៥/​២០២០ របស់សមាជិក និងភ្ញាក់ងារ គណបក្សសម្ព័ន្ឋដើម្បីប្រជាធិបតេយ្យ។

ក្រុមប្រឹក្សាធម្មនុញ្ញ បញ្ជាក់ថា ការសម្រេចច្រានចោលបណ្ដឹងទាំង២៣នេះ ដោយហេតុថា អ្នកប្ដឹងបានបោះបង់បណ្ដឹងរបស់ខ្លួន ដោយមិនចូលរួមសវនាការ ហើយសេចក្ដីសម្រេចនេះ ជាសេចក្ដីសម្រេចស្ថាពរ បិទផ្លូវតវ៉ា ហើយមានអានុភាពអនុវត្តទៅលើអំណាចទាំងអស់ ដែលមានចែងក្នុងរដ្ឋធម្មនុញ្ញា និងត្រូវចុះផ្សាយក្នុងរាជកិច្ច៕

​