Connect with us

ព័ត៌មានអន្ដរជាតិ

ស៊ីរី និងក្រុម Druze ឈានដល់បទឈប់បាញ់ថ្មី បន្ទាប់ពីអ៊ីស្រាអែលផ្លោង​គ្រាប់​ដាក់​ក្រុងដាម៉ាស

បានផុស

នៅ

កិច្ចព្រមព្រៀងបទឈប់បាញ់ថ្មីមួយ ត្រូវបានសម្រេច​ឡើង​កាលពីថ្ងៃពុធ​ទី​១៦​ខែ​កក្កដា រវាងរដ្ឋាភិបាលស៊ីរី និងមេដឹកនាំនៃ​ក្រុម​ជនជាតិភាគតិច Druze បន្ទាប់ពីមានការប៉ះទង្គិចគ្នាយ៉ាងខ្លាំងក្លាជាច្រើនថ្ងៃនៅទីក្រុង Suwayda និងការវាយប្រហារតាមអាកាស​ដ៏​គួរ​ឲ្យ​ភ្ញាក់ផ្អើល​របស់អ៊ីស្រាអែល​ចំ​កណ្ដាល​រដ្ឋធានី​ដាម៉ាស។

ការ​វាយ​ប្រហារ​របស់​អ៊ីស្រាអែល​នៅ​ទីក្រុង​ដាម៉ាស (រូបថត៖ បណ្ដាញ​សង្គម)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រព័ន្ធផ្សព្វផ្សាយរដ្ឋស៊ីរី និងមេដឹកនាំ Druze បានបញ្ជាក់ថា ភាគីទាំងពីរបានយល់ព្រមលើ«ការបញ្ឈប់ទាំងស្រុង និងជាបន្ទាន់ចំពោះអរិភាពទាំងអស់» ជាមួយនឹងគណៈកម្មាធិការរួមមួយ ដែលត្រូវបានបង្កើតឡើងដើម្បីត្រួតពិនិត្យការអនុវត្តបទឈប់បាញ់។

ក្រសួង​មហាផ្ទៃ​ស៊ីរី ​បាន​ប្រកាស​នៅ​ព្រឹក​ថ្ងៃ​ព្រហស្បតិ៍​​​ថា កងកម្លាំង​រដ្ឋាភិបាល​បាន​ចាប់​ផ្តើម​ដក​ខ្លួន​ចេញ​ពី​ទីតាំង​សំខាន់ៗ​ក្នុង​ទីក្រុង Suwayda ដែល​ជា​បន្ទាយ​រឹងមាំ​របស់​ Druze។

បទឈប់បាញ់នេះ ត្រូវបានប្រកាសត្រឹមតែប៉ុន្មានម៉ោងប៉ុណ្ណោះ បន្ទាប់ពីអ៊ីស្រាអែលបានបើកការវាយប្រហារតាមផ្លូវអាកាសដ៏កម្រ និងខ្លាំងក្លាមួយទៅលើទីក្រុង​ដាម៉ាស ដោយផ្តោតលើទីស្នាក់ការកណ្តាលរបស់ក្រសួងការពារជាតិស៊ីរី និងទីតាំងជាច្រើននៅជិតវិមានប្រធានាធិបតី។ យោងតាមក្រុមឃ្លាំមើលសិទ្ធិមនុស្សស៊ីរី យ៉ាងហោចណាស់ទាហានរដ្ឋាភិបាល ៣​នាក់ត្រូវបានសម្លាប់ និងជាង ៣០​នាក់ផ្សេងទៀតបានរងរបួស។

រដ្ឋមន្ត្រីការពារជាតិអ៊ីស្រាអែល លោក Israel Katz បានព្រមាន​ថា ការវាយប្រហារបន្ថែមទៀតនឹង​កើត​ឡើង​ ប្រសិនបើកងកម្លាំងស៊ីរីមិនដកខ្លួនចេញពី​ទីក្រុង Suwayda។ 

រដ្ឋាភិបាលស៊ីរីបានថ្កោលទោសការវាយប្រហាររបស់អ៊ីស្រាអែលថាជា «ការរំលោភលើអធិបតេយ្យភាព និងច្បាប់អន្តរជាតិរបស់ប្រទេសស៊ីរី» ខណៈដែលអង្គការសហប្រជាជាតិបានអំពាវនាវ​ឲ្យ​មាន«ការអត់ធ្មត់ជាអតិបរមា» និងកាត់​បន្ថយជម្លោះ។

ពាក់ព័ន្ធ​នឹង​ជម្លោះ​​មួយ​នេះ​ រដ្ឋមន្ត្រីការបរទេសអាមេរិក លោក Marco Rubio បាននិយាយថា សហរដ្ឋអាមេរិកបានធ្វើការ«តាមរយៈបណ្តាញការទូត» ដើម្បីគាំទ្របទឈប់បាញ់ និងជួយធ្វើ​​ឲ្យ​មានស្ថិរភាពក្នុងតំបន់។ ទីក្រុងវ៉ាស៊ីនតោនបានជំរុញ​ឲ្យ​ភាគីទាំងអស់ «គោរពបទឈប់បាញ់​ឲ្យបានពេញលេញ ហើយត្រឡប់​ទៅកិច្ច​សន្ទនាវិញ»។

សូម​ជម្រាប​ថា កាល​ពី​ខែ​មេសា និង​ខែ​​ឧសភា កងកម្លាំងរដ្ឋាភិបាល​ស៊ីរី បានប្រយុទ្ធជាមួយក្រុមយុទ្ធជន Druze នៅក្នុងទីក្រុង Suwayda និងនៅជិត​ទីក្រុងដាម៉ាស ដែលបានបណ្តាល​ឲ្យ​មនុស្សជាង ១០០​នាក់បានបាត់បង់​ជីវិត ខណៈសាលារៀន មន្ទីរពេទ្យ និងហេដ្ឋារចនាសម្ព័ន្ធនានា​ត្រូវ​​រងការខូចខាតយ៉ាងធ្ងន់ធ្ងរ៕

(រូបថត៖ WP)

ដោយ៖ ឈាង

Helistar Cambodia - Helicopter Charter Services
Sokimex Investment Group
ព័ត៌មានជាតិ២ ម៉ោង មុន

អភិបាលខេត្តក្រចេះ ៖ ការចូលរួមបរិច្ចាគធនធានពីពលរដ្ឋគ្រប់ទិសទី ជាថាមពលផ្តល់កម្លាំងចិត្តកងទ័ព

សេដ្ឋកិច្ច៣ ម៉ោង មុន

រដ្ឋមន្ត្រីកសិកម្ម ណែនាំឱ្យកសិករភ្នំគូលែន សិក្សាលទ្ធភាពចិញ្ចឹមមាន់ស្រែ និងជ្រូក ដែលកំពុងមានតម្រូវការ

ព័ត៌មានជាតិ៤ ម៉ោង មុន

អភិបាលខេត្តប៉ៃលិន អំពាវនាវដល់ព្រះសង្ឃ និងមន្ត្រីរាជការចូលរួមថែរក្សា និងលើកកម្ពស់វប្បធម៌ក៏ដូចជាវិស័យព្រះពុទ្ធសាសនា ដែលជាដួងព្រលឹងជាតិ

ព័ត៌មានអន្ដរជាតិ៤ ម៉ោង មុន

ជនកំសាកថៃ អួតខ្លួនថា វាយទាហានកម្ពុជាដើម្បីការពារទឹកដី, ចុះរត់ធ្វើអីបើក្នុងដីខ្លួនមែន?

ព័ត៌មានជាតិ៤ ម៉ោង មុន

ឯកឧត្តម ហ៊ុន ម៉ានី៖ ការជួបជុំគ្នារបស់ពលរដ្ឋកម្ពុជា គឺដើម្បីចងចាំថា ទាំងអស់គ្នាគឺជាផ្នែកមួយនៃខឿនការពារជាតិ

Sokha Hotels

ព័ត៌មានពេញនិយម