វប្បធម៌ ជំនឿ

យល់សប្ដិឃើញសត្វកណ្ដុរ អត្ថន័យល្អអាក្រក់មកទាំងព្រមគ្នា

បានផុស

៤ years មុន

នៅ

ថ្ងៃពុធ ៣០ មិថុនា ២០២១

ដោយ

សុបិនឃើញកណ្ដុរមានន័យថាសំណាងល្អ ប៉ុន្តែកាលៈទេសៈខ្លះក៏មិនល្អ វាអាស្រ័យលើរូបភាពដែលឃើញក្នុងសុបិន។

កណ្ដុររស់នៅក្នុងទីងងឹត ហើយភាគច្រើនវាចេញក្រៅពេលយប់។ សុបិនឃើញកណ្តុរបង្ហាញថា អ្នកអាចធ្វើឲ្យអ្នកដទៃឈឺចាប់ដោយសម្ងាត់។ ម៉្យាងទៀតវាមានន័យថា ផ្នែកខាងងងឹតនៃបេះដូងរបស់យើង នឹងលេចចេញមក។ ត្រង់ចំណុចនេះ យើងត្រូវតែឆ្លុះបញ្ចាំងខ្លួនឯងយ៉ាងសកម្ម និងកែសម្រួល ប្រសិនបើយើងត្រូវបានជះឥទ្ធិពលអវិជ្ជមានខ្លាំងចំពោះអ្នកណាម្នាក់មិនដឹងខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សុបិនឃើញកណ្ដុរខ្មៅមានន័យថា អ្វីៗនឹងល្អសម្រាប់អ្នកនៅថ្ងៃនោះ ហើយអ្នកនឹងមានសំណាងល្អ។ អ្នកអាចកំពុងព្យាយាមសម្រេចបំណងប្រាថ្នាដែលបានរង់ចាំជាយូរមកហើយ។

សុបិន្តឃើញកណ្តុរពណ៌ស បង្ហាញថា សំណាងបច្ចុប្បន្នរបស់អ្នកគឺល្អណាស់។ ត្រូវចាំថែរក្សាអ្នកដទៃ ដើម្បីឲ្យសំណាងល្អរបស់អ្នកមានអាយុយឺនយូរ។

ប៉ុន្តែបើសុបិនឃើញកណ្តុរពណ៌ប្រផេះបង្ហាញថា កិច្ចការរបស់អ្នកអាចនៅទ្រឹង ដែលធ្វើឲ្យអ្នកមានអារម្មណ៍ធ្លាក់ទឹកចិត្ត។ គួរតែពិគ្រោះជាមួយដៃគូឬមិត្តភក្តិដែលអ្នកទុកចិត្ត ដើម្បីរកដំណោះស្រាយ។

សុបិនឃើញសត្វកណ្តុរធំជាងសត្វដទៃបង្ហាញថា មាននរណាម្នាក់អាចនឹងកំពុងប្រើល្បិចបញ្ឆោតអ្នកឬអ្នកជិតខាងដើម្បីធ្វើបាបអ្នកដូចជាលាបពណ៏បង្ខូចឈ្មោះជាដើម។ ក្តីសុបិននេះក៏បង្ហាញផងដែរថានឹងមានការទាស់សំដីគ្នារវាងអ្នកនិងមិត្តភ័ក្ដិ។

សុបិន្តឃើញកណ្តុរតូចៗមានន័យថា អ្នកនឹងខំប្រឹងខ្លាំងក្នុងអាជីពការងារ ចំណែកទំនាក់ទំនងស្នេហារបស់អ្នក នឹងប្រសើរឡើងបន្តិចដោយសារការព្យាយាម។

ឃើញកណ្តុរស្លាប់មានន័យថា ទាំងសំណាងនិងរឿងល្អៗ អាចនឹងចូលមករកអ្នកឆាប់ៗ ជាពិសេសគូប្រជែងក៏ជៀសឆ្ងាយ ហើយទ្រព្យសម្បត្តិឬប្រាក់ចំណូលអាចនឹងកើនឡើងទ្វេ។

សុបិនឃើញកណ្តុរតូចៗទើបនឹងកើត បង្ហាញថា សំណាងរបស់អ្នកមិនល្អសម្រាប់អនាគតដ៏ខ្លី។ អំណាចនៃសត្រូវរបស់អ្នកនឹងកើនឡើងពីមួយថ្ងៃទៅមួយថ្ងៃ ហើយអ្នកនឹងជួបគ្រោះមហន្តរាយឬសំណាងអាក្រក់។

ឃើញកណ្តុរច្រើនមានន័យថា នៅពេលអនាគតដ៏ខ្លីអ្នកអាចនឹងមានបញ្ហាជាប់លាប់។ បញ្ហាអាចមានគ្រប់ប្រភេទ ពីមួយទៅមួយមិនចេះអស់រឿង។

សុបិន្តឃើញទាំងកណ្តុរនិងឆ្មាមានន័យថា អ្នកអាចរីករាយនឹងសុភមង្គលនៃជីវិតបច្ចុប្បន្ននេះ។

សុបិន្តឃើញកណ្តុរនៅក្នុងផ្ទះបង្ហាញថា អ្នកនឹងស្ថិតក្នុងស្ថានភាពលំបាកនាពេលអនាគត។ ក្នុងជីវិតខាងក្រៅអ្នកកំពុងតស៊ូដើម្បីជំនះបញ្ហាអស់នោះ ហើយការព្យាយាមរបស់អ្នកនឹងអាចរកផ្លូវចេញពីការលំបាកនេះឆាប់ៗ។ ប៉ុន្តែត្រូវប្រយ័ត្នកុំបារម្ភពីជំនួញរបស់អ្នកដទៃពេក ចូរផ្តោតលើការកែលំអជំនាញផ្ទាល់ខ្លួនវិញជាការប្រសើរ៕

ប្រែសម្រួល៖ សាង ស្រីល័ក្ខ

ចុចអាន៖យល់សប្ដិឃើញរឿងចម្លែកៗ អាចជាមនុស្សឆ្លាតវៃខាងច្នៃប្រឌិត?

ចុចអាន៖បកស្រាយអត្ថន័យនៃសុបិន ឃើញមនុស្សដដែលៗជាប់គ្នាច្រើនថ្ងៃ