វប្បធម៌ ជំនឿ
ជុំវិញមន្ទិល មិនឃើញឈើក្រហមបុរាណមានតម្លៃ ស្រង់ពីបាតសមុទ្រ ប្រគល់ជូនក្រសួងវប្បធម៌
តាមបណ្ដាញសង្គម មាននការចែករំលែកតៗគ្នា ដោយលើកឡើងថា ក្នុងចំណោមវត្ថុបុរាណដែលគេស្រង់បានពីបាតសមុទ្រដែលសំពៅបុរាណមួយបានលិច នៅចន្លោះកោះតាគាវ និងកោះឫស្សី ខេត្តព្រះសីហនុ គឺមានកំណាត់ឈើក្រហម ហាក់បីដូចជាឈើមានតម្លៃ តែពេលប្រគល់ជូនមន្ទីរវប្បធម៌ គឺឈើផ្សេងជាឈើឥតតម្លៃ។
ទាក់ទងករណីនេះ ថ្នាក់ដឹកនាំក្រសួងវប្បធម៌ និងវិចិត្រសិល្បៈ បានឱ្យ “កម្ពុជាថ្មី” ដឹងនៅថ្ងៃនេះថា ក្រសួងពុំអាចឆ្លើយតបថា ពិត ឬមិនពិត ចំពោះប្រភពព័ត៌មានដែលបានបង្ហោះនោះឡើយ ដ្បិតរូបភាពទាំងអស់នោះ ក្រសួងពុំបានដឹងប្រភព និងសាវតាជាក់លាក់ ហើយម្យ៉ាងទៀតស្ថានភាព នៃការប្រទះឃើញវត្ថុទាំងនេះ គឺមិនមែនស្ថិតក្រោមដែនសមត្ថកិច្ច នៃជំនាញរបស់ក្រសួងឡើយ។
ចំពោះសំណួរថា “តើឈើក្រហមនោះ ជាប្រភេទឈើអ្វី? មានចំនូនប៉ុន្មានដើម?” មន្ត្រីក្រសួងវប្បធម៌បាន ឆ្លើយតបថា ប្រភេទឈើក្រហមក្នុងរូបនោះ អ្នកជំនាញពុំអាចឆ្លើយតបបានឡើយ ដ្បិតស្ថានភាពឈើដែលក្រសួងទទួលបានគឺមានពណ៌ខ្មៅដូចភ្លើងឆេះ។ ចំនួនឈើដែលក្រសួងទទួលបានគឺ ៩០ដុំ។
មន្ត្រីក្រសួងបានឱ្យដឹងបន្ថែមថា បច្ចុប្បន្ននេះ វត្ថុពីសំពៅលិចនោះ កំពុងរក្សាទុកនៅ មន្ទីរវប្បធម៌ខេត្តព្រះសីហនុ ដោយឡែកគម្រោងសម្រាប់ការដាក់តាំង ក្រសួងនឹងជម្រាបជូននៅពេលក្រោយ ពោលគឺបន្ទាប់ពីបញ្ចប់ការងារចុះបញ្ជីលម្អិត កិច្ចការអភិរក្ស និងការងារស្រាវជ្រាវផ្ទៀងផ្ទាត់ទិន្នន័យលើវត្ថុទាំងនោះជាមួយទិន្នន័យដែលអ្នកប្រាជ្ញបរទេសបានសិក្សារួចរាល់នៅបណ្តាប្រទេសមួយចំនួនក្នុងតំបន់អាស៊ីអាគ្នេយ៍។ ដោយឡែកវត្ថុសំខាន់មួយចំនួន អាចនឹងត្រូវបញ្ជូនទៅសិក្សាវិភាគនៅបរទេសដើម្បើយល់ដឹងបន្ថែមពីសមាសធាតុផ្សំ និងអាយុកាលរបស់វា។
មន្ត្រីក្រសួងវប្បធម៌ និងវិចិត្រសិល្បៈ បានបញ្ជាក់ថា ការប្រគល់ទទួលវត្ថុពីសំពៅលិចនេះ ពុំមែនជាលើកទី១ ឡើយដែលក្រសួងទទួលបាន កន្លងមកក្រសួងធ្លាប់ទទួលបានកុលាលភាជន៍ និងបន្ទះក្តារសំពៅជាច្រើន ដែលគេបានស្រង់ចេញពីភូមិសាស្ត្រ ស្រុកគីរីសាគរ ក្នុងខេត្តកោះកុងនារវាងឆ្នាំ២០១២-២០១៨។ វត្ថុទាំងនោះ មានលក្ខណៈរូបរាង និងស្ថានភាព ប្រហាក់ប្រហែលលគ្នាវត្ថុសិល្បៈដែលស្រង់ចេញពីភូមិសាស្ត្រកោះតាគាវ ឬកោះឫស្សីដែរ។ ក្រោយការទទួលបានវត្ថុទាំងនោះពីខេត្តកោះកុង អ្នកជំនាញផ្នែកអភិរក្សរបស់ក្រសួងវប្បធម៌ បានចំណាយពេលវេលាជិត ៥ឆ្នាំ ក្នុងការងារអភិរក្ស និងរៀបចំទុកដាក់ឱ្យបានត្រឹមត្រូវនៅក្នុងបរិវេណអគារ នៃមន្ទីរ និងវិចិត្រសិល្បៈខេត្តកោះកុង។ ជារួមជំហររបស់ក្រសួង គឺផ្តោតយកចិត្តទុកបំផុត ចំពោះការងារអភិរក្ស ការការពារ និងលើកស្ទួយសម្បត្តិវប្បធម៌ជាតិ ឱ្យបានគង់វង្សប្រសើរបំផុតតាមលទ្ធភាព និងសមត្ថភាពជំនាញដែលក្រសួងមាន។
គួររម្លឹកថា កាលពីថ្ងៃទី៤ ខែកញ្ញា ឆ្នាំ២០២៣ មានរៀបចំពិធីផ្ទេរប្រគល់សមុច្ច័យក្រឡភាជន៍ និងវត្ថុផ្សេងៗ (វត្ថុបុរាណ) ដែលកម្លាំងទីបញ្ជាការជួរមុខ បានរកឃើញ និងស្រង់ចេញពីសំពៅលិចក្នុងបាតសមុទ្រ នៅទីតាំងភូមិសាស្ត្រចន្លោះ កោះតាគាវ និងកោះឬស្សី ប្រគល់ជូនក្រសួងវប្បធម៌ និងវិចិត្រសិល្ប: យកទៅរក្សាទុក នៅមន្ទីរវប្បធម៌ និងវិចិត្រសិល្ប: ខេត្តព្រះសីហនុ នៅទីបញ្ជាការជួរមុខ អគ្គលេខាធិការដ្ឋាន នៃគណៈកម្មាធិការជាតិសន្ដិសុខលម្ហសមុទ្រ (គ.ជ.ស.ស)។ កម្មវិធី បានធ្វើឡើង ក្រោមអធិបតីភាព លោក អ៊ុក សុខា អគ្គនាយក នៃអគ្គនាយកដ្ឋានបេតិកភណ្ឌ ក្រសួងវប្បធម៌ និងវិចិត្រសិល្ប: ដោយមានការចូលរួម ពីលោក ប៊ុត បុប្ផា ប្រធានមន្ទីរ វប្បធម៌ និងវិចិត្រសិល្បៈ ខេត្តព្រះសីហនុ។
ឧត្តមនាវីទោ លី ហួត មេបញ្ជាការទីបញ្ជាការជួរមុខ អគ្គលេខាធិការដ្ឋាន នៃ គ.ជ.ស.ស. បានលើកឡើងថា សមុច្ច័យក្រឡភាជន៍ និងវត្ថុផ្សេងៗ (វត្ថុបុរាណ) ប្រគល់ជូនក្រសួងវប្បធម៌ និងវិចិត្រសិល្ប: យកទៅរក្សាទុក នៅមន្ទីរវប្បធម៌ និងវិចិត្រសិល្ប: ខេត្តព្រះសីហនុ ដើម្បីឱ្យក្រុមមន្ត្រីជំនាញក្រសួងធ្វើការចុះបញ្ជីសារពើភណ្ឌ ជាសម្បត្តិបេតិកភណ្ឌជាតិ។
សូមរង់ចាំអានព័ត៌មានលម្អិតបន្ថែម ពីករណី ឈើក្រហម នេះ!
អត្ថបទ៖ ច័ន្ទ វីរៈ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ