ក្រសួងវប្បធម៌ ចាប់ផ្តើមទទួលពាក្យចូលរៀនវគ្គបណ្ដុះបណ្ដាលភាពយន្តខ្លីកម្ពុជា ២០២៥

នាថ្ងៃទី១ ខែមិថុនា ឆ្នាំ២០២៥ ក្រសួងវប្បធម៌ និងវិចិត្រសិល្បៈ បានប្រកាសបើកវគ្គបណ្ដុះបណ្ដាលភាពយន្តខ្លីកម្ពុជា ២០២៥ (Cambodia Film Lab2025) ដោយចាប់ផ្តើមទទួលពាក្យចូលរៀនចាប់ពីថ្ងៃជូនដំណឹងនេះ រហូតដល់ថ្ងៃទី២០ ខែមិថុនា ឆ្នាំ២០២៥។

វគ្គបណ្តុះបណ្តាលភាពយន្តខ្លីកម្ពុជា បង្កើតឡើងក្រោមគំនិតផ្តួចផ្តើមដោយក្រសួងវប្បធម៌ និងវិចិត្រសិល្បៈដែលមានគោលបំណងចូលរួមចំណែកក្នុងការធ្វើឱ្យប្រសើរឡើងនូវវិស័យឧស្សាហកម្មភាពយន្តកម្ពុជា ដោយធ្វើការកសាងសមត្ថភាព ពង្រឹងជំនាញ និងបង្កើតឱកាសសម្រាប់យុវជនដែលស្រលាញ់វិស័យភាពយន្ត។ វគ្គបណ្តុះបណ្តាលនេះ ផ្តោតសំខាន់លើ ការសរសេរអត្ថបទភាពយន្ត (Scipt), ការដឹកនាំរឿង (Directing), ការរៀបចំប្លង់ថត (Cinematography) ព្រមទាំងជំនាញមួយចំនួនទៀតដូចជា ការតុបតែងលើឆាក (Arts and Pop), ការដំឡើង និងកែពណ៌រូបភាព (Editing/ Color grading) និងការផ្គុំសម្លេង (Sound mixing)។

បើកទទួលពាក្យចូលរៀន ចាប់ពី ថ្ងៃទី១-២០ ខែមិថុនា ឆ្នាំ ២០២៥ និងបិទទទួលពាក្យចូលរៀន ម៉ោង ៥ល្ងាច ថ្ងៃទី២០ ខែមិថុនា ឆ្នាំ ២០២៥។ ប្រកាសលទ្ធផលបេក្ខជនដែលជាប់ជាស្ថាប នៅថ្ងៃទី៣០ ខែមិថុនា ឆ្នាំ២០២៥ និងចាប់ផ្តើមចូលរៀនពីថ្ងៃទី៥ ខែកក្កដា ឆ្នាំ២០២៥។

ចំពោះលក្ខខណ្ឌនៃការចូលរួម សញ្ជាតិខ្មែរ មានអាយុចាប់ពី ២០ឆ្នាំ ដល់ ៣៥ឆ្នាំ, មានបទពិសោធន៍ខ្លះ ឬមានចំណេះដឹងមូលដ្ឋានក្នុងវិស័យភាពយន្ត ឬប្រពន្ឋ័ផ្សព្វផ្សាយ៕