ព័ត៌មានអន្ដរជាតិ

រុស្ស៊ី ឃុំខ្លួនមន្ត្រីកុងស៊ុល អេស្តូនី ពីបទ ចារកម្ម

បានផុស

៤ years មុន

នៅ

ថ្ងៃព្រហស្បតិ៍ ៨ កក្កដា ២០២១

ដោយ

សេវាកម្មសន្តិសុខសហព័ន្ធរុស្ស៊ី (FSB) បាននិយាយកាលពីថ្ងៃអង្គារថា ពួកគេបានឃុំខ្លួនមន្ត្រីកុងស៊ុលអេស្តូនី ប្រចាំទីក្រុង Saint Petersburg លើបទចោទប្រកាន់ ចារកម្ម។

នៅក្នុងសេចក្តីថ្លែងការណ៍មួយ FSB បាននិយាយថា លោក Mart Latte ត្រូវបានចាប់ខ្លួនខណៈពេលព្យាយាមចូលមើលព័ត៌មានសម្ងាត់។

FSB បន្តថា “សកម្មភាពបែបនេះ មិនត្រូវគ្នានឹងឋានៈជាបុគ្គលិកការទូតទេ ហើយមានលក្ខណៈអរិភាពយ៉ាងច្បាស់ចំពោះសហព័ន្ធរុស្ស៊ី”។

កាលពីខែមេសា ទីភ្នាក់ងារសន្តិសុខ ក៏បានចាប់ខ្លួនមន្ត្រីកុងស៊ុលអ៊ុយក្រែនលោក Alexander Sosonyuk នៅទីក្រុង Saint Petersburg ពីបទចោទប្រកាន់ស្រដៀងគ្នានេះ ផងដែរ។

លោក Mart Latte មន្ត្រីកុងស៊ុលអេស្តូនី ប្រចាំទីក្រុង Saint Petersburg

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Sosonyuk បានចំណាយពេលជាច្រើនម៉ោងនៅការិយាល័យ FSB ហើយត្រូវបានដោះលែងវិញ ប៉ុន្តែវត្តមានរបស់គាត់នៅក្នុងប្រទេស រុស្ស៊ី ត្រូវបានគេប្រកាសថា ជាមនុស្សដែលគេមិនត្រូវការ។

ក្រសួងការបរទេសរុស្ស៊ីបានផ្តល់អនុសាសន៍ឲ្យគាត់ចាកចេញពីប្រទេស ហើយគាត់ក៏ធ្វើតាម៕

ប្រែសម្រួល៖ Vann Vann

ប្រភព៖ Anadolu

ចុចអាន៖ ចារកម្មពីបរទេសក្នុងប្រទេសកាណាដាឈានដល់កម្រិតសង្គ្រាមត្រជាក់ព្រោះកូវីដ-១៩