ព័ត៌មានអន្ដរជាតិ
ម៉ាឡេស៊ី ប្រាប់មន្ត្រីគ្រប់លំដាប់ថ្នាក់ ឲ្យត្រៀមទប់ទល់នឹងភ្លៀងធ្លាក់ខ្លាំង បង្កជាទឹកជំនន់ (មានវីដេអូ)
រដូវខ្យល់មូសុងឦសានដែលនឹងមកដល់នាពេលខាងមុខនេះ ត្រូវបានគេរំពឹងថា នឹងធ្វើឲ្យរដ្ឋចំនួនប្រាំមួយរបស់ម៉ាឡេស៊ីមានភ្លៀងធ្លាក់ខ្លាំងក្លា ហើយរដ្ឋាភិបាល កំពុងរៀបចំការត្រៀមលក្ខណៈជាមុន ដើម្បីទប់ស្កាត់បញ្ហាធំណាមួយ។
គណៈកម្មាធិការគ្រប់គ្រងគ្រោះមហន្តរាយថ្នាក់ស្រុក ត្រូវបានណែនាំឲ្យត្រៀមលក្ខណៈជាបន្ទាន់ ខណៈថវិកាចំនួន ៨លានរីងហ្គីត (១ ៧៧៥ ២១៤ដុល្លារ) ត្រូវបានបែងចែកទៅឲ្យ ១៦០ ស្រុកសម្រាប់ធ្វើប្រតិបត្តិការ។
លោកនាយករដ្ឋមន្ត្រី Ismail Sabri Yaakob បាននិយាយថា រដ្ឋាភិបាលក៏បានបែងចែកទឹកប្រាក់ ៤.៨លានរីងហ្គីត ដើម្បីផ្តល់ទូកល្បឿនលឿនចំនួន ៣២០គ្រឿង សម្រាប់ស្រុកផ្សេងៗផងដែរ។
ទន្ទឹមនឹងនេះ មជ្ឈមណ្ឌលសង្គ្រោះបន្ទាន់ (PPS) ចំនួន ៦០១០ កន្លែងនៅទូទាំងប្រទេស ដែលអាចផ្តល់ជម្រកដល់ជនរងគ្រោះដោយទឹកជំនន់ចំនួន ១ ៦២០ ៨៥៥នាក់ ត្រូវបាននាយកដ្ឋានសុខុមាលភាព រៀបចំរួចរាល់។
នាយកដ្ឋានឧតុនិយមម៉ាឡេស៊ី (MetMalaysia) បានព្យាករថា ខ្យល់មូសុងឦសាននឹងវាយប្រហាររដ្ឋចំនួនប្រាំមួយ ចាប់ពីខែវិច្ឆិកា ឆ្នាំនេះ ដល់ខែមីនា ឆ្នាំក្រោយ។
Kelantan, Terengganu និង Pahang ត្រូវបានគេរំពឹងថា នឹងជួបភ្លៀងធ្លាក់ខ្លាំងចាប់ពីខែវិច្ឆិកាដល់ខែធ្នូ ខណៈ Johor, Sabah និង Sarawak នឹងប្រឈមមុខដូចគ្នា ចាប់ពីខែធ្នូដល់ខែមករា។
ក្រសួងអប់រំ ក៏បានប្រាប់ឲ្យបើកអន្តេវាសិកដ្ឋានផងដែរ ជាពិសេសសម្រាប់ឲ្យមនុស្សចាស់ កុមារ និងស្ត្រីស្នាក់នៅ។
មន្ត្រី សមាជិកទីភ្នាក់ងារសន្តិសុខ និងអ្នកជួយសង្គ្រោះគ្រប់លំដាប់ថ្នាក់សរុប ៧៩ ៥៤៩ នាក់ កំពុងឈរជើងពេញលេញផងដែរ។ អ្នកដែលរស់នៅតំបន់ទំនាប ត្រូវបានស្នើឲ្យមានការប្រុងប្រយ័ត្នខ្ពស់ចំពោះគ្រោះមហន្តរាយ ហើយត្រូវជម្លៀសមនុស្សចេញជាបន្ទាន់ ប្រសិនបើមានការណែនាំពីអាជ្ញាធរ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Straits Times
ចុចអាន៖ រដ្ឋមន្ត្រីមហាផ្ទៃថៃ ចេញមុខបញ្ជាក់ ខណៈមានក្តីបារម្ភថា ទឹកជំនន់នឹងលិចក្រុង បាងកក
-
ព័ត៌មានអន្ដរជាតិ១ សប្តាហ៍ ago
ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?
-
ជីវិតកម្សាន្ដ៥ ថ្ងៃ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ចរាចរណ៍៧ ថ្ងៃ ago
ករណីបុករះស្លាប់៤នាក់នៅស្ពានអាកាសឫស្សីកែវ មានម្នាក់ជានិស្សិតពូកែជំនាញស្ថាបត្យកម្ម និងនគរូបនីយវិទ្យា
-
ចរាចរណ៍២ ថ្ងៃ ago
ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់
-
ព័ត៌មានអន្ដរជាតិ៥ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ១ សប្តាហ៍ ago
គម្រោងទឹកស្អាតធំបំផុតចាយទុនជាង ១០០ លានដុល្លារនៅបាក់ខែង គ្រោងចាប់ផ្តើមសាងសង់
-
ព័ត៌មានជាតិ៤ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានអន្ដរជាតិ៤ ថ្ងៃ ago
តើទីក្រុងណា ស្ទះចរាចរណ៍ខ្លាំងជាងគេ នៅអាស៊ីអាគ្នេយ៍?