Connect with us

ព័ត៌មានអន្ដរជាតិ

រដ្ឋមន្ត្រីមហាផ្ទៃថៃ ចេញមុខបញ្ជាក់ ខណៈមានក្តីបារម្ភថា ទឹកជំនន់នឹងលិចក្រុង បាងកក

បានផុស

នៅ

រដ្ឋមន្ត្រីក្រសួងមហាផ្ទៃថៃ លោក Anupong Paojinda បានច្រានចោលការភ័យខ្លាចនៃទឹកជំនន់ដ៏ធំនៅក្នុងទីក្រុងបាងកក និងផ្នែកមួយចំនួនទៀតនៃប្រទេសនេះ ដោយនិយាយថា អាងស្តុកទឹកសំខាន់ៗរបស់ប្រទេសនេះ នៅតែអាចដាក់ទឹកបានបន្ថែមទៀត។

រដ្ឋមន្ត្រីក្រសួងមហាផ្ទៃថៃ លោក Anupong Paojinda

លោកឧត្តមសេនីយ៍ Anupong បានប្រាប់សម័យប្រជុំព្រឹទ្ធសភា កាលពីថ្ងៃចន្ទទី១២ខែកញ្ញាថា “ទោះបីជាមានព្យុះត្រូពិកមួយ ឬពីរត្រូវបានគេរំពឹងទុកនៅចុងឆ្នាំនេះក៏ដោយ ក៏ទំនប់ទាំងនេះនៅតែស្ថិតក្រោមសមត្ថភាពរក្សាទឹកបានយ៉ាងល្អ”។

លោកបានឆ្លើយតបបែបនេះ ទៅកាន់សំណើដែលដាក់ជូនដោយសមាជិកព្រឹទ្ធសភា Panthep Klanarongran ដែលបានស្នើឲ្យរដ្ឋាភិបាល ឆ្លើយតបចំពោះក្តីព្រួយបារម្ភរបស់សាធារណជនអំពីលទ្ធភាពនៃទឹកជំនន់កាន់តែអាក្រក់ទៅៗ។

ទឹកភ្លៀងសរុបក្នុងឆ្នាំនេះ ត្រូវបានគេរំពឹងថានឹងឡើងដល់ ១៥០០ មិល្លីម៉ែត្រ ពោលគឺខ្ពស់ជាងកម្រិតភ្លៀងធ្លាក់ជាមធ្យមប្រចាំឆ្នាំប្រហែល ២៦%។

លោកឧត្តមសេនីយ៍ Anupong បានកត់សម្គាល់ថា ប្រទេសថៃមិនទាន់ទទួលរងការវាយប្រហារដោយព្យុះត្រូពិកនៅឡើយទេក្នុងឆ្នាំនេះ។ កាល​ពី​ឆ្នាំ​មុន ទឹក​ជំនន់​ត្រូវ​បានបង្កឡើង​ដោយ​ខ្យល់​ព្យុះ ប៉ុន្តែ​ឆ្នាំ​នេះ​ការ​កើន​ឡើង​នៃកម្រិតទឹក​ភ្លៀង គឺ​ដោយ​សារ​ខ្យល់​មូសុង​សើម។

គួរបញ្ជាក់ថា បច្ចុប្បន្ននេះ ទឹកជំនន់ត្រូវបានរាយការណ៍នៅក្នុងខេត្តចំនួន ១៣ រួមមាន Phayao, Nan, Chiang Mai, Lamphun, Lampang, Phetchabun, Kalasin, Khon Kaen, Nong Bua Lam Phu, Pathum Thani, Samut Prakan, Rayong និង Chanthaburi៕

ប្រែសម្រួល៖ Vann Vann

ប្រភព៖ Bangkok

ចុចអាន៖ ថៃ ដាក់ពង្រាយទូកកងទ័ពជើងទឹក ដើម្បីរំដោះទឹក ចូលទៅសមុទ្រ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម