KPT+

រៀនដោះលែងកំហឹងតាមវិធីត្រឹមត្រូវ ដោយមិនធ្វើឲ្យអ្នកដទៃឈឺចាប់ជាមួយយើង

បានផុស

៤ years មុន

នៅ

ថ្ងៃសៅរ៍ ១៧ មេសា ២០២១

ដោយ

កំហឹងអាចបង្កបញ្ហានៅក្នុងជីវិតរបស់អ្នក! ការបញ្ចេញកំហឹងអវិជ្ជមាន មិនត្រឹមតែជះឥទ្ធិពលដល់អ្នកជុំវិញខ្លួនប៉ុណ្ណោះទេ ថែមទាំងប៉ះពាល់ដល់គុណភាពជីវិត និងសុខភាពរបស់អ្នកទៀតផង។

ដូច្នេះខាងក្រោមនេះ ជាវិធីរៀនដោះលែងកំហឹង ចេញពីឆ្ងាយពីអ្នក នឹងមិនឲ្យអ្នកផ្សេងឈឺចាប់ជាមួយ ៖

១. កុំដោះស្រាយកំហឹងតាមអារម្មណ៍

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើសិនអ្នកឱបក្រសោបនិងដោះស្រាយកំហឹងជាមួយនឹងអារម្មណ៍មិនល្អ នោះអ្នកនឹងអាចធ្វើឲ្យអ្នកដទៃឈឺចាប់ជាមួយដែរ។ សូមផ្ដល់ឲ្យខ្លួនឯងនូវការសម្រាកបន្តិច ហើយលួងលោមខ្លួនឯង ថាមិនអីទេ។ សម្រួលអារម្មណ៍ រក្សាចិត្តឲ្យធ្ងន់ ហើយដង្ហើមៗចេញចូលមួយៗ។

២. ដើរចេញពីកំហឹង

នៅពេលដែលអ្នកមានអារម្មណ៍ខឹង ដាច់ខាតត្រូវតែដើរចេញជាបន្ទាន់។ ជំហាននេះ តម្រូវឲ្យអ្នកផ្ដាច់ខ្លួនអ្នកចេញពីអារម្មណ៍ឆេះឈួលដោយកំហឹង កន្លែងណាសន្សំរឿងបង្កជម្លោះកុំសំងំនៅ ហើយក៏កុំទោរទន់តាមគេដុតឲ្យអ្នកក្ដៅ គេកាន់តែដុតអ្នកកាន់តែក្ដៅ នោះគេសមតាមបំណងគេហើយ ដូច្នេះត្រូវបោះជំហានទៅមុខ និងសង្កេតមើលគំនិតនិងអារម្មណ៍ដែលអ្នកបានពុះកញ្ជ្រោលអម្បាញ់មិញវិញ។

៣. រកមូលហេតុនៃកំហឹង

ការដឹងថាខ្លួនឯងជានរណា គឺជារឿងដែលសំខាន់បំផុត សម្រាប់ផ្ដល់ឲ្យអ្នកនូវភាពច្បាស់លាស់និងទិសដៅ នៅពេលអ្នកកំពុងតែស្មុគស្មាញដោយសារតែកំហឹង។

ការដែលអ្នកបានដឹងពីឫសគល់នៃបញ្ហា ផ្ដល់ឲ្យអ្នកនូវមូលដ្ឋានគ្រឹះដែលអ្នកអាចពង្រឹងបានទាំង ឆន្ទៈ ភាពធន់និងប្រាជ្ញា ដើម្បីជួយអ្នករកវិធីដោះស្រាយកំហឹងបានលឿន។ ចងចាំថា កំហឹងមិនមែនជាបញ្ហាទេ តែវាជាឥរិយាបថដែលយើងប្រើដើម្បីបង្ហាញកំហឹងរបស់យើងចំពោះអ្នកដទៃតែប៉ុណ្ណោះ។

៤. រៀនគ្រប់គ្រង

បើអ្នករៀនគ្រប់គ្រងកំហឹងតាមរបៀបត្រឹមត្រូវ នឹងនាំមកនូវលទ្ធផលល្អប្រសើរ ជាងការបង្ហាញកំហឹងតាមរបៀបដែលធ្វើឲ្យអ្នកដទៃឈឺចាប់។ តួយ៉ាងមនុស្សខ្លះឃើញគេមានសុខ ក៏ទៅបង្កកំហឹងដាក់គេ អ្នកខ្លះទៀតបង្កដោយប្រយោលមិនឲ្យដៃខ្លួនឯងប្រលាក់ឈាម។ នេះក៏ព្រោះគេមានចិត្តមិនស្រលះ មិនត្រង់ត្រាប់តាមការប្រៀបប្រដៅរបស់ពុទ្ធសាសនា ក្នុងចិត្តមានតែកំហឹងនិងកំហឹង។

យ៉ាងណាក៏ដោយ កំហឹងគឺជាអារម្មណ៍ធម្មជាតិដែលយើងទាំងអស់គ្នាមាន វាមិនមែនជាអារម្មណ៍ទោលទេ ព្រោះមានអារម្មណ៍ជាច្រើនបានស្ថិតនៅពីក្រោយកំហឹងទាំងអស់។

អារម្មណ៍ទាំងនោះ អាចមកពីការថប់បារម្ភ ភាពទុក្ខព្រួយ ការភ័យខ្លាច ភាពអាម៉ាស់ ការឈ្នានីស អារម្មណ៍រងការគំរាមកំហែង ឬការខកចិត្តជាដើម៕

ប្រែសម្រួល៖ សាង ស្រីល័ក្ខ

ចុចអាន៖កំហឹងមិនដឹងមុខ ឬការគុំគួនយូរ អាចជាបញ្ហាសុខភាពផ្លូវចិត្តធ្ងន់ធ្ងរ

ចុចអាន៖ថ្នាក់នាយកប្រតិបត្តិ (CEO)ទប់កំហឹងដោយវិធីសាស្ត្របែបណាខ្លះ

Related Topics:សិល្បៈគ្រប់គ្រងកំហឹង