KPT+

៤ បច្ចេកទេសពីអ្នកចិត្តសាស្ត្រ ជួយគ្រប់គ្រងកំហឹងបានយ៉ាងល្អ

បានផុស

១ year មុន

នៅ

ថ្ងៃពុធ ១១ មករា ២០២៣

ដោយ

កំហឹងវាអាចកើតឡើងចំពោះមនុស្សគ្រប់គ្នា ហើយជាការពិតណាស់ វាប៉ះពាល់អវិជ្ជមានដល់ខ្លួនយើង និងអ្នកដែលនៅជុំវិញយ៉ាងខ្លាំង។ ប៉ុន្តែដូចដែលអ្នកបានដឹងហើយថាខឹង វាមិនតែងតែជាអ្វីដែលយើងអាចគ្រប់គ្រងបានទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខាងក្រោមនេះគឺជាវិធី៤យ៉ាងពីអ្នកចិត្តសាស្រ្ត Rubin Koddam ដើម្បីជួយយើងគ្រប់គ្រង ឲ្យកាន់តែងាយស្រួលក្នុងការគ្រប់គ្រងកំហឹងរបស់អ្នក។

១ ដឹងពីសញ្ញាព្រមានពីកំហឹងរបស់អ្នក

ជំហានដំបូងគឺត្រូវដឹងពីកំហឹងខ្លួនឯង។ ទទួលស្គាល់សញ្ញាព្រមានថាអ្នកកំពុងស្ថិតនៅចំណុចនៃការខឹងសម្បារ ដូចជាចាប់ផ្ដើមនិយាយខ្លាំងៗ ចាប់ផ្តើមធ្វើសកម្មភាព គំនិតអវិជ្ជមានចូលមក បេះដូងលោតញាប់ មុខឡើងកម្ដៅជាដើម។ ព្យាយាមសង្កេតមើលខ្លួនឯង សាកល្បងសួរមិត្តភក្តិ ឬមនុស្សជុំវិញខ្លួន។ អ្វីក៏ដោយដែលបង្ហាញថាអ្នកនឹងខឹង ហើយរៀនគ្រប់គ្រងវាឲ្យកាន់តែងាយស្រួល។

២ ដឹងពីរបៀបវាយតម្លៃកំហឹងខ្លួនឯង

ស្រមៃមើលថាតើអ្នកខឹងប៉ុណ្ណា ដោយការវាយតម្លៃវាប្រហែលជា ០-១០ ឧទាហរណ៍ ការខកចិត្តចំពោះរឿងតូចតាច។ បន្តិចហើយមានអារម្មណ៍ខឹង មិនពេញចិត្តប្រហែលបានតែ ១-៣ តែបើមិនពេញចិត្តខ្លាំង អាចឡើងដល់ ៧ ៨ ៩ ដូច្នេះយើងដឹងថាយើងពិតជាខឹងឬអត់។ ក្នុងកម្រិតនៃកំហឹងនេះ យើងប្រហែលជាអាចនិយាយដោយមិនដឹងខ្លួន ដាក់នរណាម្នាក់ក៏មាន។

៣ ដើរទៅកន្លែងស្ងាត់

កំហឹងដែលបណ្ដាលមកពីស្ថានភាពមួយចំនួនដូចជា ការឈ្លោះប្រកែកគ្នា ការវាយតប់គ្នា ស្ថានភាពច្របូកច្របល់នាំឲ្យយើងខឹង។ វិធីមួយល្អ វាមានន័យថា ការដើរចេញពីស្ថានភាពដើម្បីគ្រប់គ្រងអារម្មណ៍របស់អ្នក។

៤ ស្វែងរកវិធីសាស្រ្តដែលសក្ដិសមនឹងយើងបំផុត

ជាចុងក្រោយ ព្យាយាមស្វែងរកវិធីសាស្ត្រដែលមានប្រសិទ្ធភាពបំផុតសម្រាប់អ្នក។ តើយើងអាចគ្រប់គ្រងកំហឹងនេះបានយ៉ាងដូចម្តេច ជាការជួសជុលដង្ហើមរបស់យើង ស្រមៃមើលកន្លែងសន្តិភាព? និយាយទៅកាន់ខ្លួនអ្នកទៅឆ្ងាយ ហើយធ្វើអ្វីដែលអ្នកចូលចិត្ត ព្យាយាមរកវិធីគ្រប់គ្រងកំហឹងរបស់អ្នក៕