ធ្វើ​ម៉េច​អាចកម្ចាត់​ស្នាម​​មុនឲ្យ​បាត់ ១០០%​ បាន?
Connect with us
Helistar Cambodia - Helicopter Charter Services

KPT+

ធ្វើ​ម៉េច​អាចកម្ចាត់​ស្នាម​​មុនឲ្យ​បាត់ ១០០%​ បាន?

បានផុស

នៅ

គួរ​ឲ្យ​ពិបាក​ចិត្ត​ប៉ុនណា ក្រោយ​ពី​មុន​ពេញ​មុខ​ ហើយ​មាន​ស្នាម​ទៀត។ ​គ្នាយើង​ទាំងអស់​សុទ្ធ​​តែ​​ធ្លាប់​កើត​​មុន ញេច កេះ ធ្វើ​ឲ្យ​មាន​ស្នាម។ ​ស្នាម​ទាំង​នោះ​អាច​បាត់ ១០០% ទេ? ចម្លើយ​គឺ អាច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១- ក្រែម និងផលិតផលជំនួយ

Best Moisturizer for Oily Skin: Why You Should Moisturize Greasy Skin | SPY

– សម្លាក​ថ្មីៗ៖​ ​មាន​ពណ៌​​ក្រហម​ហើម​ប៉ោង ដោយសារ​​រលាក។ ក្រែម​ គ័រទីហ្សូន ​អាច​​ជួយ​​បន្ថយ​​ការ​រលាក និង​ធ្វើ​ឲ្យ​ស្ថានភាព​ស្បែក​ល្អ​​វិញ​បាន។ គ្នា​យើង​​អាច​ទិញ​​ក្រែម​ គ័រទីហ្សូន ដោយ​មិន​ចាំបាច់​វេជ្ជបញ្ជា​​។

– សម្លាកក្រមៅ៖ ស្លាកស្នាម​​ពណ៌​ក្រមៅ ​ផលិតផល​​ត្រូវប្រើ មាន​​អាស៊ីដ​កូហ្ស៊ិច (Kojic acid) វីតាមីន C ​និង​អាប៊ុយទីន​ (arbutin)​ ដើម្បីជួយ​បំបាត់​ចំណុចក្រមៅ​លើ​មុខ។ គួរប្រយ័ត្ន​​ចំពោះ​ការ​រើស​ផលិតផល​មក​ប្រើ (លាប) ព្រោះ​សាច់​មុខ​អាច​មិន​ត្រូវ ពេល​ខ្លះ​វា​អាច​ធ្វើឲ្យ​ស្បែក​រោល ឬ​បង្ក​ជា​មហា​រីក​បាន។

២- បាញ់កាំរស្មី និងចាក់ថ្នាំបន្តឹង​

Skin Tightening – Beauty Central Clinic

– បាញ់កាំរស្មី៖ សម្លាកមុន​ធ្ងន់ធ្ងរ គួរ​ពិគ្រោះ និង​ព្យាបាល​​ជាមួយពេទ្យ​សើស្បែក ដើម្បី​ស្វែងយល់​ពី​វិធី ឬ​ជម្រើស​ព្យាបាល ដូច​ជា ​បាញ់កាំរស្មីឡាសែ៊រ។ គេបាញ់​ដើម្បី​បំបែក​ស្នាម​លើ​មុខ ​ធ្វើ​ឲ្យ​​ស្បែក​រលោង ​បង្កើន​ការផលិត​ជាតិ​ខូលេជែន ​មក​​បំពេញ​សម្លាក​​មុន​ឲ្យ​ជិតវិញ។

– ចាក់ថ្នាំបន្ដឹង ឬបំពេញ៖ ​សម្រាប់​អ្នក​មាន​សម្លាក​​មុនខូង​ជ្រៅៗ ​ត្រូវចាក់ថ្នាំ​​បំពេញ​បន្តឹងស្បែក និង​​​ព្យាបាលឲ្យ​​ទៀងទាត់ ឬ​រៀង​រាល់ ៤-៦ ខែម្តង ព្រោះស្បែកត្រូវ​ការ​​ស្រូប​ជាតិ​ថ្នាំ​ចាក់​ទៅ​បំពេញ​ស្នាម​ជ្រៅៗ។

៣- របៀបបង្ការ និងបន្ថយឥទ្ធិពលមុន

– កុំប៉ះពន្លឺថ្ងៃ៖ កម្ដៅ​ថ្ងៃ​ធ្វើ​ឲ្យ​ស្នាម​កាន់​តែ​ឡើងពណ៌​ក្រមៅខ្លាំងឡើងៗ ព្រោះ​​កាំរស្មីយូវី (UV) ​ក្នុងពន្លឺ​ព្រះអាទិត្យ ភ្ញោច​​កោសិកា​ផលិត​ជាតិ​ពណ៌ត្នោត​ ​បណ្តាល​ឲ្យមាន​ការប្រែប្រួលសម្បុរ​​ស្បែក​ខុស​ធម្មតា។ ពន្លឺ និង​កម្ដៅ​​ព្រះអាទិត្យ​ក្ដៅ​ខ្លាំង អាក្រក់​បំផុត​លើ​ស្បែក​ចន្លោះ​ពី​ម៉ោង ១០ ព្រឹកដល់​ ២ រសៀល។

– កុំកេះសម្លាក៖ សម្លាកកើត​ដោយ​សារ​​បាត់បង់​ជាតិខូលេជែន កាន់​តែ​កេះ ​កាន់តែ​ធ្ងន់ធ្ងរ​។ កេះ និង​​ញេច មិនអាច​ជួយ​ឲ្យ​ស្លាកស្នាម​ប្រសើរ​ឡើង ឬ​ជា​ទេ អ៊ីចឹងកុំ​រពឹស​ដៃ សូម្បី​ប៉ះ​ ឬ​អង្អែល​។ ញេចមុន​ធ្វើឲ្យខ្ទុះ ​និង​បាក់តេ​រីចូល​ទៅ​កាន់​តែជ្រៅ​ក្នុងស្រទាប់​ស្បែក ​បណ្តាល​ឲ្យមាន​ការ​ខូចខាត​កាន់​តែច្រើន​ឡើង​ៗ រហូត​បង្ក​ជា​ស្នាម។

– កុំប្រើវីតាមីន E លើសម្លាក៖ ផ្ទុយពី​ជំនឿ​ដែល​ថា​វីតាមីន E ​ជួយ​ពន្លឿន​ល្បឿន​នៃ​ការ​ជាសះ តែ​តាមពិតវា​​​វីតាមីន​នេះបែរ​ជា​ពន្យឺត​ទៅវិញ ហើយថែមទាំងអាចធ្វើឲ្យស្បែករមាស់រោលទៀតផង៕

អត្ថបទផ្ដល់សិទ្ធិ៖ ​Hello គ្រូពេទ្យ

ចុចអាន៖ រូបមន្តខាត់ស្បែកធម្មជាតិ ជួយឲ្យស្បែកភ្លឺថ្លា មិនចាំបាច់ប្រើឡេគីមី

ចុចអាន៖ កំពូល​តិចនិក​ទាំង​៥​​ ព្យាបាល​មុន​ឲ្យ​ឆាប់​ជា​ បន្ទាប់​ពី​ញេច​រួច

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services