កំហុសទាំង ៦ យ៉ាង ស្ត្រីតែងធ្វើការថែរក្សាស្បែកនៅរដូវក្តៅ

រដូវក្តៅគឺជារដូវកាលដែលស្បែកងាយរងនឹងកំដៅ កាំរស្មី UV ខ្ពស់ ញើស និងជាតិកខ្វក់ ប៉ុន្តែមានស្ត្រីជាច្រើនដែលតែងតែធ្វើឲ្យមានកំហុសទូទៅក្នុងការថែរក្សាស្បែកនៅរដូវក្តៅ ដែលវាប៉ះពាល់ដល់សុខភាពស្បែក ។

ខាងក្រោមនេះគឺជាកំហុសទាំង ៦ យ៉ាងស្ត្រីធ្វើការថែរក្សាស្បែកនៅរដូវក្តៅ៖

១. ជម្រុះកោសិកាស្បែកច្រើនពេក

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការជម្រុះកោសិកាស្បែកច្រើនពេក ជាពិសេសក្នុងរដូវក្តៅនឹងធ្វើឱ្យស្បែកស្តើង ហើយនេះនឹងបណ្តាលឱ្យខូចខាតស្បែកងាយនឹងកើតមុន និងខ្មៅ។ដូច្នេះហើយ អ្នកជំនាញផ្នែកសម្រស់ ណែនាំឲ្យអ្នកជម្រុះកោសិកា២ដងក្នុងមួយសប្តាហ៍ ជាមួយនឹងសារធាតុស្រាល ដើម្បីការពារសុវត្ថិភាពស្បែក។

២. ការប្រើប្រភេទសាប៊ូសម្អាត

លើសពីនេះ ការប្រើសាប៊ូដែលមានពពុះច្រើនពេកនឹងធ្វើឱ្យស្បែកស្ងួត បណ្តាលឱ្យរលាក និងធ្វើឱ្យស្បែកផលិតជាតិប្រេងច្រើន នាំឱ្យកើតមុន។ អ្នកជំនាញផ្នែកថែរក្សាសម្ផស្សបាននិយាយថា ស្ត្រីគួរតែជ្រើសរើសប្រើហ្វូមលាងមុខដែលសមស្របនឹងស្បែករបស់ពួកគេ ហើយលាងមុខនៅពេល ព្រឹក-រសៀលជារៀងរាល់ថ្ងៃ ដើម្បីសម្អាតស្បែករបស់ពួកគេ។

៣. ឡេការពារកម្តៅថ្ងៃ

ការប្រើឡេការពារកម្តៅថ្ងៃខុសក៏ជាមូលហេតុមួយដែលធ្វើឱ្យស្បែករបស់ស្ត្រីរងការខូចខាតក្នុងរដូវក្តៅ ការលាបឡេការពារកម្តៅថ្ងៃច្រើនពេកមិនអាចការពារស្បែកបានល្អទេ ប៉ុន្តែក៏បណ្តាលឱ្យរលាកផងដែរ។ ជ្រើសរើសឡេការពារកំដៅថ្ងៃដែលមាន SPF ពី ៣០ទៅ៥០ ហើយលាបវា ១៥នាទីមុន ពេលចេញទៅខាងក្រៅ បន្ទាប់មកបន្ទាប់ពី ២ ម៉ោងជាលាបឡេការពារម្តងទៀតក្នុងអំឡុងពេលថ្ងៃ។

៤. ការខាត់ស្បែក

ការលាបសារធាតុមិនមានសុវត្ថិភាពនឹងធ្វើឱ្យអ្នកងាយរងការខូចខាតស្បែក ផលិតផលដែលមានជាតិគីមីមិនត្រឹមតែធ្វើឱ្យស្បែកស្ងួត និងរលាកប៉ុណ្ណោះទេ ថែមទាំងគ្រោះថ្នាក់ បង្កើនហានិភ័យនៃជំងឺ មហារីកស្បែក។ អ្នកគួរពិចារណាឱ្យបានហ្មត់ចត់មុននឹងប្រើផលិតផលខាត់ស្បែកឱ្យសហើយប្រើ តែគ្រឿងផ្សំធម្មជាតិដូចជា ទឹកដោះគោស្រស់ ម្សៅកាហ្វេ ដើម្បីឱ្យស្បែក សដោយសុវត្ថិភាព។

៥. លាបក្រែមសំណើម

ការខ្ជិលលាបក្រែមផ្តល់សំណើមដល់ស្បែកនិងធ្វើឲ្យស្បែករបស់ស្ងួត របក និងកើតមុនជាដើម ដូច្នេះ ចាំបាច់ត្រូវបំពេញ និងផ្តល់សំណើមដល់ស្បែកឱ្យបានទៀងទាត់ ដោយប្រើក្រែមផ្តល់សំណើម។ សូមចំណាំថា អ្នកគួរតែជ្រើសរើសក្រែមផ្តល់សំណើមដែលមានជាតិប្រេងទាប និងឆាប់ជ្រាប ចូលស្បែក ដើម្បីផ្តល់សំណើមដល់ស្បែកដោយមិនធ្វើឱ្យរលាក ។

៦. ការទទួលទានទឹកមិនគ្រប់គ្រាន់

ការមិនបានផ្តល់ជាតិទឹកគ្រប់គ្រាន់ដល់រាងកាយនៅរដូវក្តៅក៏បណ្តាលឱ្យខូចស្បែកច្រើនដែរ ការមិន បានទទួលទានទឹកគ្រប់គ្រាន់នឹងធ្វើឱ្យស្បែកខ្វះជាតិទឹក ស្ងួត និងចាស់ជាវ័យ។ដូច្នេះហើយ ស្ត្រីគួរ តែផឹកទឹកឲ្យបានយ៉ាងហោចណាស់១លីត្រកន្លះក្នុងមួយថ្ងៃ អាចជំនួសដោយទឹកដូង ទឹកតែបៃតង ឬទឹកផ្លែឈើ ដើម្បីបន្ថែមសារធាតុចិញ្ចឹមទទួលបានវីតាមីនគ្រប់គ្រាន់សម្រាប់ស្បែក ៕

ប្រែសម្រួល៖នាងតូច

ប្រភព៖laodong

ចុចអាន៖សញ្ញាទាំង ៤ ពេលគេងបង្ហាញថាថ្លើមរបស់អ្នកមានសុខភាពល្អ