KPT+

សារមន្ទីរនៅ ចិន ជាសំណង់អច្ឆរិយ នៃស្ថាបត្យកម្មអស្ចារ្យខ្លាំង ផ្ទុករឿងរ៉ាវប្រវត្តិសាស្ត្រ ចាក់ស្រេះម៉ឺនឆ្នាំ

បានផុស

២ years មុន

នៅ

ថ្ងៃពុធ ៥ មករា ២០២២

ដោយ

ប៉េកាំង ជាទីក្រុងមួយក្នុងចំណោមទីក្រុងដែលមានការអភិវឌ្ឍន៍ខ្លាំង នៅក្នុងប្រទេសចិន ហើយមានទ្រព្យសម្បត្តិដ៏អស្ចារ្យ នៃប្រវត្តិសាស្រ្ត វប្បធម៌ និងសិល្បៈដើម្បីទស្សនា។

សារមន្ទីរនៅទីក្រុងប៉េកាំង ណែនាំអំពីសមិទ្ធិផលនៃអរិយធម៌ចិន និងព្រឹត្តិការណ៍សំខាន់ៗក្នុងប្រវត្តិសាស្ត្រ។ អ្នកទស្សនាមកពីជុំវិញពិភពលោក អាចរៀនបានច្រើនពីទីនោះ ដោយចំណាយពេលខ្លះ ដើម្បីពិនិត្យមើលកំណប់បុរាណ និងវត្ថុបុរាណ។

នេះគឺជាសារមន្ទីរល្អបំផុតទាំង ១០ ស្ថិតក្នុងទីក្រុងប៉េកាំង ៖

១ សារមន្ទីរ Palace (ទីក្រុងហាមឃាត់)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អតីតលំនៅដ្ឋានរបស់ត្រកូលអធិរាជកាន់កាប់កណ្ដាលទីក្រុងប៉េកាំង ភាគខាងជើងនៃទីលានធានអានមេននេះ សាងសង់ក្នុងសម័យរាជវង្ស Ming (១៣៦៨-១៦៤៤) ហើយជាវិមានដ៏ធំបំផុត និងត្រូវបានថែរក្សាល្អបំផុតរបស់ពិភពលោក។ សារមន្ទីរ Palace ត្រូវបានបញ្ចូលទៅក្នុងបញ្ជីបេតិកភណ្ឌវប្បធម៌ពិភពលោក ដោយអង្គការយូណេស្កូក្នុងឆ្នាំ ១៩៨៧។

វាគឺជាកន្លែងទាក់ទាញមួយ ដែលត្រូវទៅទស្សនានៅទីក្រុងប៉េកាំង រួមជាមួយមហាកំផែង។ កំណប់ទ្រព្យដ៏កម្រ និងការចង់ដឹងចង់ឃើញជាច្រើន នៃគ្រួសារអធិរាជបុរាណចិន ដែលមានតម្លៃប្រវត្តិសាស្ត្រដ៏អស្ចារ្យ ត្រូវបានដាក់នៅក្នុងសារមន្ទីរ Palace ។ មិនត្រឹមតែជាសម្បត្តិជាតិដ៏មានតម្លៃប៉ុណ្ណោះទេ ប៉ុន្តែអគារសារមន្ទីរព្រះបរមរាជវាំង ក៏ជាវត្ថុសំខាន់ផងដែរ។ ដំបូលស្រោបមាស រួមជាមួយនឹងជញ្ជាំងក្រហម និងការតុបតែងបែបរាជវង្សបុរាណចិនដ៏អស្ចារ្យ គឺជាអច្ឆរិយនៃស្ថាបត្យកម្មតែមួយនៅចិន។

២ សារមន្ទីជាតិ ទស្សនាច្រើនបំផុតលំដាប់ទី ៣ នៅលើពិភពលោក

សារមន្ទីរជាតិគឺនៅជិតទីក្រុងហាមប្រាម ជាសារមន្ទីរដែលមានអ្នកចូលទស្សនាច្រើនជាងគេទីបី។ ប៉ុន្តែជាមួយនឹងកន្លែងគួរឲ្យចាប់អារម្មណ៍ជាច្រើនទៀត នៅក្នុងទីក្រុងប៉េកាំង។ តែវានៅតែជាសារមន្ទីរដែលភ្ញៀវបរទេស ចូលទស្សនាច្រើនបំផុតទីពីរក្នុងទីក្រុង។ ការតាំងពិពណ៌វត្ថុបុរាណ គឺស្ថិតក្នុងចំណោមកន្លែងដ៏ល្អបំផុតនៅក្នុងប្រទេស ប៉ុន្តែសារមន្ទីរនេះសង្កត់ធ្ងន់លើប្រវត្តិសាស្ត្រជាចម្បង។ សារមន្ទីរនេះ មានទំហំធំមិនធម្មតា ហើយអ្នកទេសចរជាច្រើនបានរកឃើញថាពួកគេអាចចំណាយពេលពីរម៉ោង នៅក្នុងសាលធំមួយ ក្នុងចំណោមសាលធំជាច្រើន។

៣ Antiquarium នៃសារមន្ទីរ Palace (នៅក្នុងទីក្រុងហាមឃាត់)

សារមន្ទីរនេះ ស្ថិតនៅខាងក្នុងទីក្រុងហាមឃាត់ ប៉ុន្តែការចូលតម្រូវមានសំបុត្រដាច់ដោយឡែក បើទោះបីជាអ្នកមានសំបុត្រសម្រាប់ទីក្រុងហាមឃាត់រួចហើយក៏ដោយ។ វាមានកំណប់ទ្រព្យ និងវត្ថុបុរាណពីរាជវង្ស Qing នៅក្នុងកញ្ចក់។ ដូច្នេះអ្នកអាចឃើញវត្ថុបុរាណមួយចំនួន ។ មានអេក្រង់ដ៏ល្បីល្បាញមួយដែលមានឈ្មោះថា Nine Dragon Screen ហើយមានគ្រឿងអលង្ការជាច្រើន នៅក្នុងប្រអប់កញ្ចក់។ វាក៏មានរបស់ប្រើប្រាស់ក្នុងផ្ទះជាច្រើន ដូចជាគ្រឿងសង្ហារិម និងវត្ថុមានតម្លៃជាច្រើនទៀត។

៤ សារមន្ទីរអាកាសចរណ៍ចិន

សារមន្ទីរអាកាសចរណ៍នេះ មានទំហំធំ ហើយត្រូវបានកោតសរសើរដោយអ្នកទេសចរដែលចាប់អារម្មណ៍លើអាកាសចរណ៍ សង្គ្រាមអតីតកាល និងសព្វាវុធ។ វាកាន់កាប់មូលដ្ឋានទ័ពអាកាសចាស់មួយ ដ៏ធំប្រវែង ៦០០ម៉ែត្រ និងទទឹង ៤០ ម៉ែត្រ និងបន្ទប់ផ្សេងទៀត ដែលឆ្លាក់នៅចំហៀងភ្នំ ដើម្បីធ្វើឲ្យមូលដ្ឋានរឹងប្រឆាំងនឹងការវាយប្រហារ។

មានឧបករណ៍ជាច្រើន រាប់ចាប់ពីយន្តហោះសម័យសង្គ្រាមលោកលើកទី ២ រហូតដល់យន្តហោះចម្បាំង និងគ្រាប់រ៉ុក្កែតទំនើបៗរបស់ចិន។ គ្រឿងបរិក្ខារភាគច្រើន ជារបស់ចិន ឬ រុស្ស៊ីផលិត។

៥ សារមន្ទីររាជធានីប៉េកាំង

ដំបូងឡើយត្រូវបានបើកជាសាធារណៈនៅឆ្នាំ ២០០៦ នៅក្នុងអគារនេះ ផ្ទុកនូវបណ្តុំដ៏ធំនៃវត្ថុបុរាណ និងវប្បធម៌ដ៏មានតម្លៃរបស់ចិន ហើយវាមានបទបង្ហាញបច្ចេកវិទ្យាខ្ពស់។ វាគឺជាការពេញចិត្តមួយរបស់អ្នកទេសចរជាចម្បងសម្រាប់ទំហំអគារ និងការប្រមូលវត្ថុបុរាណ និងកំណប់បុរាណ។ សារមន្ទីររាជធានីប៉េកាំង ជាអគារដ៏ធំមួយ ដែលបែងចែកជាប្រាំជាន់ពីលើដី និងពីរជាន់ក្រោមដី ដែលមានផ្ទៃដី ៦៣,៣៩០ ម៉ែត្រការ៉េ។

អគារដ៏ធំ ការតាំងពិពណ៌ផ្សេងៗ និងសេវាកម្មកម្រិតខ្ពស់ ធ្វើឲ្យវាក្លាយជាសារមន្ទីរដ៏ល្អបំផុតមួយនៅក្នុងទីក្រុងប៉េកាំង។ វាមានភាពល្បីល្បាញដោយសារសំរិទ្ធ ប៉សឺឡែនពីសម័យជាច្រើន ស្នាដៃសរសេរអក្សរផ្ចង់ និងរូបបដិមាព្រះពុទ្ធ។

៦ សារមន្ទីរសិល្បៈជាតិនៃប្រទេសចិន

សារមន្ទីរសិល្បៈជាតិនៃប្រទេសចិន ត្រូវបានឧទ្ទិសដល់ការប្រមូល ការស្រាវជ្រាវ និងការតាំងពិព័រណ៍ស្នាដៃសិល្បៈទំនើប និងសហសម័យនៅក្នុងប្រទេស។ វាគ្របដណ្តប់លើផ្ទៃដីជាង ១៨,០០០ ម៉ែត្រការ៉េ ហើយបែងចែកទៅជាប្រាំជាន់។ បំណែកជាង ១០០,០០០ ត្រូវបានដាក់នៅក្នុងសារមន្ទីរដ៏ធំនេះ។ បណ្តុំនៃស្នាដៃរបស់វិចិត្រករចិនល្បីៗ និងស្នាដៃដែលទទួលបានពានរង្វាន់ពីរាជវង្សមីង រាជវង្សឈីង និងសម័យសាធារណៈរដ្ឋចិនដើម គឺជាកំណប់ទ្រព្យរបស់សារមន្ទីរនេះ។ ក្រៅពីស្នាដៃក្នុងស្រុក ស្នាដៃសិល្បៈបរទេសជាច្រើន កំពុងពេញនិយមក្នុងសារមន្ទីរនេះ។

៧ សារមន្ទីរផ្លូវដែកចិន

គឺជាសារមន្ទីរជាតិ ដែលគ្របដណ្តប់ផ្លូវរថភ្លើងក្នុងប្រទេសចិន ជាមួយនឹងវត្ថុបុរាណ និងវប្បធម៌ជាច្រើនដែលត្រូវបានប្រមូល និងដាក់តាំងបង្ហាញ។ វាជាទីតាំងដ៏សំខាន់ សម្រាប់ការការពារបេតិកភណ្ឌផ្លូវដែក និងការសាងសង់ផ្លូវដែក និងពិព័រណ៍បច្ចេកវិទ្យា។ ម៉ាស៊ីនចំហាយទឹកដំបូងបំផុតរបស់ប្រទេសចិន ក្បាលរថភ្លើងបរទេស និងម៉ាស៊ីនហ្គាស និងក្បាលរថភ្លើងម៉ាស៊ីនអគ្គិសនី ត្រូវបានបង្ហាញនៅក្នុងតំបន់ទំហំ ១៦,៥០០ ម៉ែត្រការ៉េ។

៨ សារមន្ទីរភាពយន្តជាតិចិន

គឺជាសារមន្ទីរដ៏ធំបំផុតនៅក្នុងប្រទេសចិន ជាមួយនឹងគោលបំណងសំខាន់នៃការបង្ហាញប្រវត្តិសាស្ត្រ និងវប្បធម៌នៃភាពយន្តចិន និងរៀបចំការតាំងពិព័រណ៍បច្ចេកវិទ្យាភាពយន្ត។ ការប្រមូលផ្ដុំនៃសាលពហុមុខងារកម្រិតខ្ពស់ រួមទាំងសាលតាំងពិពណ៌ជាង ២០ រោងកុន IMAX មួយនិងរោងកុនឌីជីថលពីរ ដែលផ្តល់នូវបទពិសោធន៍ពេញលេញនៃវប្បធម៌ភាពយន្តសហសម័យ។

៩ សារមន្ទីរវិទ្យាសាស្ត្រ និងបច្ចេកវិទ្យាចិន

គឺជាសារមន្ទីរជាតិនៃវិទ្យាសាស្ត្រ និងបច្ចេកវិទ្យា ដែលពិព័រណ៍អចិន្ត្រៃយ៍ និងរយៈពេលខ្លីត្រូវបានបង្ហាញ។ សារមន្ទីរនេះត្រូវបានបង្កើតឡើងដើម្បីផ្ដល់ចំណេះដឹង ផ្នែកវិទ្យាសាស្ត្រ និងបច្ចេកវិទ្យា និងលើកកម្ពស់ការអភិវឌ្ឍន៍វិទ្យាសាស្ត្រ និងបច្ចេកវិទ្យា។ ក្នុងចំណោមសាលតាំងពិព័រណ៍ទាំងបីនៅក្នុងសារមន្ទីរ ក៏មានកន្លែងបង្ហាញបច្ចេកវិទ្យាចិនបុរាណដែរ។

១០ សារមន្ទីរប្រវត្តិសាស្ត្រធម្មជាតិទីក្រុងប៉េកាំង

គឺជាសារមន្ទីរវិទ្យាសាស្ត្រធម្មជាតិ ដ៏ទូលំទូលាយដំបូងគេ នៅក្នុងប្រទេសចិន ខណៈវាបើកជាសាធារណៈនៅឆ្នាំ ១៩៥៩ ដោយផ្តោតជាសំខាន់លើការស្រាវជ្រាវវិទ្យាសាស្ត្រ និងការពេញនិយមវិទ្យាសាស្ត្រ លើប្រធានបទមួយចំនួនដូចជា សត្វវិទ្យា និងរុក្ខសាស្ត្រ។ ហ្វូស៊ីលថនិកសត្វបុរាណធំៗរាប់រយ ក៏ដូចជាវត្ថុបុរាណជាច្រើន ដែលត្រូវបានថែរក្សាយ៉ាងល្អ ត្រូវបានដាក់នៅក្នុងសារមន្ទីរនេះ។ ការតាំងពិពណ៌អចិន្ត្រៃយ៍និងបណ្តោះអាសន្ន ត្រូវបានធ្វើឡើងនៅក្នុងសារមន្ទីរពេញមួយឆ្នាំ។

វិចិត្រសាលនៃសត្វល្មូនបុរាណ និងដាយណូស័រ វិចិត្រសាលនៃថនិកសត្វបុរាណ ប្រភពដើមនៃវិចិត្រសាលជីវិត និងការអភិវឌ្ឍន៍នៃសត្វឆ្អឹងខ្នងបុរាណ រុក្ខជាតិ សម្រស់សត្វវិចិត្រសាល និងវិចិត្រសាលសត្វ សុទ្ធតែមានក្នុង សារមន្ទីរវិទ្យាសាស្ត្រធម្មជាតិទាំងអស់៕

ប្រែសម្រួល៖ សាង ស្រីល័ក្ខ

ចុចអាន៖គុក ១០ កន្លែង ល្បីថា សាហាវឃោរឃៅ និងហិង្សាលើអ្នកទោសជាងគេ លើពិភពលោក

ចុចអាន៖មិនធម្មតា! ឆ្នាំ ២០២១ មហាសេដ្ឋី ចិន នាំមុខគេក្នុងបញ្ជីខាតចំណូលច្រើន មិនធ្លាប់មាន