ព័ត៌មានជាតិ
ការសិក្សាថ្មីរកឃើញថា យុវជនកម្ពុជាអាយុពី១៥-២៥ឆ្នាំ មានអត្រាឆ្លងអេដស៍ថ្មីខ្ពស់រហូតដល់៤១ភាគរយ
តាមការសិក្សាថ្មីនៅឆ្នាំ២០២១បានរកឃើញថា ក្នុងចំណោមយុវជនកម្ពុជាអាយុពី១៥-២៥ឆ្នាំ មានអត្រាឆ្លងអេដស៍ថ្មី ប្រមាណ ៤១ភាគរយ ដែលជាអត្រាមួយខ្ពស់គួរឱ្យព្រួយបារម្ភ។
លោក ឈឹម ឃិនដារ៉េត អគ្គលេខាធិការនៃអាជ្ញាធរជាតិប្រយុទ្ធនឹងជំងឺអេសដ៍បានមានប្រសាសន៍នៅព្រឹកថ្ងៃទី០៧តុលានេះថា តាមការសិក្សាឆ្នាំ២០២១បានបង្ហាញឱ្យឃើញថា អ្នកឆ្លងមេរោគអេដស៍ថ្មីមានចំនួនប្រមាណ១.១០០នាក់ ក្នុងមួយឆ្នាំ និងអ្នកស្លាប់ដោយសារជំងឺអេដស៍មានចំនួនប្រមាណ ១.១០០នាក់ ក្នុងមួយឆ្នាំ។
លោកបានបន្តទៀតថាក្នុងនោះអ្នកឆ្លងមេរោគអេដស៍ថ្មីមានប្រមាណ៧៧ភាគរយ ស្ថិតក្នុងចំណោមប្រជាជនគន្លឹះ ដែលរួមមាន បុរសរួមភេទជាមួយបុរស(MSM) មានអត្រាប្រវ៉ាឡង់ប្រមាណ ៤ភាគរយ អ្នកបំប្លែងភេទ (TG) មានអត្រាប្រវ៉ាឡង់ប្រមាណ ៩.៦ភាគរយ ស្ត្រីបម្រើក្នុងសេវាកំសាន្ត (EW) មានអត្រាប្រវ៉ាឡង់ប្រមាណ ៤.៩ភាគរយ អ្នកប្រើប្រាស់គ្រឿងញៀន (PWUD) មានអត្រាប្រវ៉ាឡង់ប្រមាណ ៥.៧ភាគរយ។
លោកបានបន្ថែមថាជាមួយគ្នានេះដែរតាមការសិក្សា ក៏បានរកឃើញផងដែរថា ក្នុងចំណោមយុវជន អាយុពី១៥-២៥ឆ្នាំ មានអត្រាឆ្លងអេដស៍ថ្មី ប្រមាណ ៤១ភាគរយ ហើយការយល់ដឹងអំពីមេរោគអេដស៍ និងជំងឺអេដស៍ក្នុងចំណោមយុវជន មានការធ្លាក់ចុះក្រោម៣០ភាគរយ។
លោកបានបញ្ជាក់ថាស្របតាមគោលនយោបាយជាតិស្តីពីគោលដៅការអភិវឌ្ឍន៍ ប្រកបដោយនិរន្តភាព (SDG) របស់រាជរដ្ឋាភិបាល ការឆ្លើយតបនឹងមេរោគអេដស៍និងជំងឺអេដស៍ នៅតែជាកិច្ចការអាទិភាព តាមរយៈការខិតខំប្រែងប្រឹងក្នុងការប្រយុទ្ធនឹងជំងឺអេដស៍ទាំងផ្នែកបង្ការ និងថែទាំ ដោយមានការចូលរួមពីគ្រប់ពាក់ព័ន្ធទាំងអស់ ទាំងរដ្ឋាភិបាល ដៃគូអភិវឌ្ឍន៍ និងសង្គមស៊ីវិល ដើម្បីឈានសម្រេចបាននូវគោលដៅជាតិ ក្នុងការលុបបំបាត់អេដស៍ដែលជាបញ្ហាសុខភាពសាធារណៈ ក្នុងឆ្នាំ២០២៥។
លោកបានឱ្យដឹងទៀតថាឈរលើសរសរស្តម្ភបី រួមមាន មគ្គុទេសភាព (leadership) ជាដៃគូ (partnership) និងការវិនិយោគ (investment) លោក ទេសរដ្ឋមន្រ្តី អៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍ បានដឹកនាំ សម្របសម្រួលគ្រប់ក្រសួង ស្ថាប័ន រាជធានី ខេត្តជាសមាជិក ដៃគូជាតិ អន្តរជាតិ និងអង្គការសង្គមស៊ីវិល ខិតខំរិះរកគ្រប់វិធីសាស្រ្តក្នុងការឆ្លើយតបនឹងមេរោគអេដស៍ និងមេរោគអេដស៍ ឆ្ពោះទៅលុបបំបាត់ការឆ្លងថ្មីនៃមេរោគអេដស៍ ដោយសម្រេចឱ្យបាននូវគោលដៅ ៩៥-៩៥-៩៥ នៅឆ្នាំ២០២៥។
គួរបញ្ជាក់ថាតាមការប៉ាន់ប្រមាណតាមបែបវិទ្យាសាស្រ្ត ក្នុងឆ្នាំ២០២២នេះកម្ពុជានឹងមានអ្នកផ្ទុកមេរោគអេដស៍ប្រមាណជា ៧៤ ០០០នាក់នៅទូទាំងប្រទេស៕
អត្ថបទ៖ សំអឿន
-
ព័ត៌មានអន្ដរជាតិ១៤ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ