ព័ត៌មានអន្ដរជាតិ
ក្រសួងសុខាភិបាលថៃ គ្រោងចែកស្រោមអនាម័យឲ្យសិស្សតាមសាលារៀន
ក្រសួងសុខាភិបាលរបស់ប្រទេសថៃ បានប្រកាសផែនការចែកចាយស្រោមអនាម័យនៅតាមសាលារៀន និងពង្រីកការអប់រំសុខភាពផ្លូវភេទ ដើម្បីឆ្លើយតបទៅនឹងការកើនឡើងនៃការឆ្លងមេរោគអេដស៍ក្នុងចំណោមយុវវ័យ។
យោងតាមការចុះផ្សាយកាលពីថ្ងៃទី៧ខែក្កដារបស់សារព័ត៌មាន Bangkok Post លោក Chaichana Dechdecho អនុរដ្ឋមន្ត្រីក្រសួងសុខាភិបាល បានប្រាប់សភាថា ទោះអត្រាមេរោគអេដស៍សរុបនៅក្នុងប្រទេសថៃកំពុងធ្លាក់ចុះ តែបើក្រឡេកមើលតួលេខយុវជនឥឡូវនេះកំពុងមានការកើនឡើងករណីថ្មីគួរឲ្យកត់សម្គាល់។ ក្នុងឆ្នាំ២០២៥ ការឆ្លងមេរោគអេដស៍ថ្មីជិត ៨ ៨៦២ករណីត្រូវបានកត់ត្រា ដោយមនុស្សវ័យជំទង់(១៥-២៤ឆ្នាំ) មានហានិភ័យខ្ពស់បំផុត។
ដើម្បីដោះស្រាយបញ្ហានេះ ក្រសួងសុខាភិបាលថៃ នឹងចុះហត្ថលេខាលើអនុស្សរណៈនៃការយោគយល់គ្នា (MOU) ជាមួយសាលារៀន និងសាកលវិទ្យាល័យ ដោយអនុញ្ញាតឲ្យ៖
- មានការចែកចាយស្រោមអនាម័យក្នុងបរិវេណសាលា
- ពង្រឹងការអប់រំផ្លូវភេទដោយសុវត្ថិភាព
- បង្កើតភាពជាដៃគូជាមួយវិស័យឯកជនក្នុងឧស្សាហកម្មដែលមានហានិភ័យខ្ពស់
- ពង្រីកកន្លែងធ្វើតេស្តមេរោគអេដស៍នៅតាមសាលារៀន និងសហគមន៍មូលដ្ឋាន។
ប្រទេសថៃ មានគោលដៅកំណត់ការឆ្លងមេរោគអេដស៍ថ្មីឲ្យនៅក្រោម ១ ០០០នាក់ក្នុងមួយឆ្នាំ និងកាត់បន្ថយការស្លាប់ឲ្យនៅក្រោម ៤ ០០០នាក់ក្នុងមួយឆ្នាំ។ បច្ចុប្បន្ននេះ ក្រសួងបានផ្តល់ថវិកាចំនួន ៨,៤ពាន់លានបាតជារៀងរាល់ឆ្នាំ សម្រាប់កិច្ចខិតខំប្រឹងប្រែងបង្ការ និងព្យាបាល៕
ដោយ៖ ឈាង
-
សេដ្ឋកិច្ច៥ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានអន្ដរជាតិ២ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានអន្ដរជាតិ៥ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
ព័ត៌មានជាតិ៣ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
សន្តិសុខសង្គម៣ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ៥ ថ្ងៃ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
ព័ត៌មានអន្ដរជាតិ៥ ថ្ងៃ agoមានការផ្ទុះគ្រាប់បែក ក្បែរសណ្ឋាគារលោក Macron ស្នាក់នៅ អំឡុងដំណើរទស្សនកិច្ច ប្រទេសស៊ីរី
-
ព័ត៌មានជាតិ៦ ថ្ងៃ agoអាជ្ញាធរសង្កាត់ចោមចៅទី ៣ បន្តចុះបូមស្តារប្រព័ន្ធលូជូនប្រជាពលរដ្ឋ