Connect with us

ព័ត៌មានជាតិ

វិធានការដោះស្រាយជាកញ្ចប់លើគម្រោងជាប់គាំង ៣៦៤អគារ នៅខេត្តព្រះសីហនុ

បានផុស

នៅ

វិធានការដោះស្រាយគម្រោងជាប់គាំងជាកញ្ចប់នៅខេត្តព្រះសីហនុ បានរៀបចំនួន៥ដងមកហើយ និងបានដាក់ចេញ​ផែនការសកម្មភាពនានា តាមកាលវិភាគដែលបានកំណត់ ក្នុងនោះរដ្ឋបាលខេត្តព្រះសីហនុ មានមន្ទីររៀបចំដែនដី នគរូបនីយកម្មសំណង់ និងសុរិយោដីខេត្ត ជាសេនាធិការបានធ្វើការកំណត់អត្តសញ្ញាណលម្អិត កំណត់តំបន់​ចូលរួមវិភាគការអនុវត្តគម្រោងសម្រាប់រៀបចំលិខិតបទដ្ឋានគតិយុត្តិ និងការជំរុញ​អនុវត្តយន្តការដោះស្រាយ​ក្រៅ​ប្រព័ន្ធតុលាការជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក គួច ចំរើន អភិបាលខេត្តព្រះសីហនុ បានលើកឡើងថា «វិធានការជាកញ្ចប់» សំដៅចូលរួមធ្វើ​យ៉ាងណា​បង្កើន​ប្រសិទ្ធភាព និងប្រសិទ្ធផល ដែលបានដាក់ចេញដោយរាជរដ្ឋាភិបាលកម្ពុជាកាលពីចុងខែមីនា ឆ្នាំ២០២៣កន្លងមក។

លោក ឡុង ឌីម៉ង់ អភិបាលរងខេត្ត បានប្រាប់កម្ពុជាថ្មីថា ជុំវិញដំណោះស្រាយបញ្ហានេះ រដ្ឋបាលខេត្ត បានបង្កើត​ការិយា​ល័យ​ទទួលពាក្យ និងទីស្តីការក្រសួងសេដ្ឋកិច្ច និងហិរញ្ញវត្ថុ ដើម្បីទទួលយកសំណុំបែបបទមួយចំនួន យកទៅពិគ្រោះ​យោបល់ជាមួយភាគីពាក់ព័ន្ធដោះស្រាយតាមយន្តការឈ្នះឈ្នះ។

លោក ឡុង ឌីម៉ង់ បន្ថែមដូច្នេះថា«លទ្ធផលឈ្នះឈ្នះសម្រេចទៅបាន ត្រូវមានការចូលរួមពីស្ថាបនពាក់ព័ន្ធ រួមទាំង​ដោះស្រាយវិវាទក្រៅប្រព័ន្ធតុលាការ សម្របសម្រួលនីតិវិធីច្បាប់សាងសង់ ក៏ដូចជាកញ្ចប់លើកទឹកចិត្ត ជាពិសេស​ផ្នែកពន្ធដារ»។

លោកបានគូសបញ្ជាក់ទៀតថា ក្រុមការងារពាក់ព័ន្ធបានចាប់ផ្តើមដោះស្រាយទៅលើគម្រោងជាប់គាំងនេះ ក្នុងមួយ​ករណីម្តង ជាក់ស្តែងកាលពីរសៀលថ្ងៃទី ៣១ តុលា បានកំពុងដោះស្រាយមួយករណីហើយ។

បើតាមលោក ឡុង ឌីម៉ង់ បច្ចុប្បន្នអគារដែលជាប់គាំងនៅខេត្តព្រះសីហនុ មានចំនួន ៣៦៤អគារ និងអគារដទៃទៀត ដែលបានសាងសង់រួច តែមិនដំណើរការ ក៏ត្រូវដោះស្រាយផងដែរ។

លោក ហ៊ាន សាហ៊ីប រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុមការងារដោះស្រាយ​គម្រោងវិនិ​យោគជាប់គាំងក្នុងខេត្តព្រះសីហនុ បានលើកឡើងថា រាជរដ្ឋាភិបាលបានដាក់ចេញវិធានការជាកញ្ចប់ ដើម្បីដោះស្រាយ​គម្រោងវិនិយោគជាប់គាំង ដោយផ្អែកតាមគោលការណ៍ ចំនួន២៖ ទី១. ឱ្យអគារដែលសាងសង់មិនទាន់ចប់ អាចសាង​សង់ចប់ និងទី២. ឱ្យអគារ ដែលបានសាងសង់ចប់ អាចមានសកម្មភាពវិនិយោគ ឬធុរកិច្ច។

លោក ហ៊ាន សាហ៊ីប បានលើកឡើងទៀតថា ខេត្តព្រះសីហនុ គឺជាខេត្តមួយ ដែលរាជរដ្ឋាភិបាលផ្តោតអាទិភាពខ្ពស់ និងម៉្យាងជាខេត្តដែលមានអគារច្រើន មានតម្លៃជាង១ ០០០ លានដុល្លារអាមេរិក ដែលត្រូវជួយដោះស្រាយ ដើម្បីជំរុញ​សកម្មភាព សេដ្ឋកិច្ច និងធុរកិច្ច ពិសេស ប្រែក្លាយពីស្ថានភាពជាប់គាំង ក្នុងអតីតកាល ទៅជាស្ថានភាពរស់រវើក ប្រកបដោយថាមពល ក្នុងបច្ចុប្បន្ន និងអនាគត។

សូមបញ្ជាក់ថា វិធានការដោះស្រាយគម្រោងវិនិយោគជាប់គាំង គឺជា “វិធានការជាកញ្ចប់ដែលត្រូវអនុវត្ត ដោយមាន​ការចូលរួមពីក្រសួងស្ថាប័នពាក់ព័ន្ធ ជាតួអង្គតែមួយ ប្រកបដោយឆន្ទៈខ្ពស់ និងមានភាពសកម្ម ដែលត្រូវធ្វើឡើង​តាមរយៈការទាក់ទាញវិនិយោគិន និងភ្ញៀវទេសចរ ការបង្កើតតម្រូវការទីផ្សារ សំដៅកាត់បន្ថយគម្រោង​វិនិយោគជាប់​គាំងជាអតិបរិមា និងការបង្កើតសកម្មភាពសេដ្ឋកិច្ចដ៏រស់រវើកឡើងវិញ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ចរាចរណ៍៤ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ជីវិតកម្សាន្ដ៣ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៥ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម