Connect with us

ព័ត៌មានជាតិ

សាច់បង្កកខុសច្បាប់ ជិត ៤០ម៉ឺនគីឡូក្រាម នឹងត្រូវ​យកទៅបំផ្លាញចោល បើរកឃើញថាខូចគុណភាព

បានផុស

នៅ

​កញ្ញា អ៊ឹម រចនា ​អ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ ​មានប្រសាសន៍ប្រាប់កម្ពុជាថ្មី នៅថ្ងៃទី ៦ ខែធ្នូ ឆ្នាំ ២០២៣នេះថា ​សាច់បង្កកជិត ៤០ ម៉ឺនគីឡូក្រាម ដែល​សមត្ថកិច្ច​រកឃើញថាគ្មានច្បាប់នៅខណ្ឌសែនសុខ ​កាលពីថ្ងៃច័ន្ទ នឹងត្រូវកម្ទេចចោលបើ​រក​ឃើញថា ជាសាច់ខូចគុណភាព។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​ក្រុមការងារអន្តរាគមន៍បង្ក្រាបបទល្មើសចលនាសត្វនៃអគ្គនាយកដ្ឋានសុខភាពសត្វ និងផលិត​កម្មសត្វចុះត្រួតពិនិត្យទីតាំងស្តុកសាច់សត្វបង្កក និងរកឃើញសាច់បង្កកអត់ច្បាប់ជិត ៤០​ ម៉ឺនគីឡូក្រាម (៣៧៧ ៨៧០) ស្ថិតនៅទីតាំងស្តុកសាច់សត្វបង្កកមួយកន្លែងក្នុងភូមិសំរោងទាវ សង្កាត់​ក្រាំងធ្នង់ ខណ្ឌសែនសុខ រាជធានីភ្នំពេញកាលពីថ្ងៃច័ន្ទ ទី ៤ ខែធ្នូនេះ។

​កញ្ញា អ៊ឹម រចនា ​អ្នកនាំពាក្យក្រសួងកសិកម្ម រុក្ខាប្រមាញ់ និងនេសាទបានឱ្យដឹងថា ការនាំចូលសាច់​បង្កកចូលមកកម្ពុជា​​​មានការសុំអនុញ្ញាតពីក្រុមហ៊ុនមានបំណងនាំចូលមកលក់ដែលមាននាំមកពីអាមេរិកដែលយើងឃើញដាក់លក់នៅតាមភោជនីយដ្ឋានល្បីៗហើយមានតម្លៃថ្លៃ។

កញ្ញាបានបន្តថា ក្រុមហ៊ុនទាំងនោះ នៅពេលដែលទទួលបានលិខិតអនុញ្ញាត គឺគាត់នាំចូលទៅតាមបរិមាណ ស្របតាមគុណភាព និងធានាសុវត្ថិភាពសម្រាប់អ្នកបរិភោគ ប៉ុន្តែនៅតែមានសាច់បង្កកមួយចំនួន នៅតែមានការលួចលាក់នាំចូលខុសច្បាប់ដែលចំនួនខ្លះសាច់ខូចគុណភាព ខណៈបច្ចុប្បន្នសាច់​ខូចគុណភាពទាំងនោះ ជាមុខសញ្ញារបស់ក្រសួងកសិកម្មឈានទៅស្រាវជ្រាវបង្ក្រាប និងដុត​កម្ទេច​ចោល។

កញ្ញា អ៊ឹម រចនាបញ្ជាក់ថា៖ «សាច់បង្កកមិនមែនខុសច្បាប់ និងគ្រោះថ្នាក់ដល់សុខ​ភាពទាំង​អស់នោះទេ ក្រុមហ៊ុនដែលគាត់សុំអនុញ្ញាតច្បាប់ត្រឹមត្រូវ ហើយគាត់នាំ​ចូលមកសាច់មាន​គុណភាព អាហ្នឹងគាត់ស្របច្បាប់អាចដាក់លក់បានធម្មតា លើកលែងតែយើងរកឃើញថា ក្រុមហ៊ុនគាត់នាំចូលមកខុសច្បាប់ ហើយខូចគុណភាព»។

កញ្ញា អ៊ឹម រចនាបានបញ្ជាក់បន្ថែមថា ចំពោះជនល្មើសដែលនាំចូលសាច់ខុសច្បាប់ និងខូចគុណភាព នឹង​ប្រឈម​មុខច្បាប់។

លោក ស្រ៊ុន ពៅ ប្រធានសមាគមអ្នកចិញ្ចឹមសត្វកម្ពុជាបានសាទរចំពោះចំណាត់ការរបស់ក្រសួង-ស្ថាប័នពាក់ព័ន្ធទៅ​លើសាច់បង្កកគ្មានច្បាប់អនុញ្ញាតជាបន្តបន្ទាប់ ជាពិសេសកាលពីថ្ងៃទី ៤ ខែធ្នូ ឆ្នាំ ២០២៣ បានរកឃើញសាច់បង្កកគ្មានច្បាប់អនុញ្ញាតជិត ៤០ម៉ឺនគីឡូក្រាម នៅរាជធានីភ្នំពេញ។

លោកបន្ថែមថា ចំណាត់ការទៅលើសាច់បង្កកគ្មានច្បាប់អនុញ្ញាតជាបន្តបន្តាប់នេះ ជាក្ដីសង្ឃឹមរបស់ប្រជាពលរដ្ឋ ក៏ដូចជាអ្នកចិញ្ចឹមសត្វនៅកម្ពុជា។

សាច់បង្កកគ្មានឯកសារច្បាប់ទាំងនេះ រួមមាន គ្រឿងក្នុងមាន់ សាច់មាន់ សាច់ជ្រូក និងក្របី សរុប ២ ម៉ឺន ៤ ពាន់ ៤២៤ កេះ។

លោក ហ៊ុន សារ៉ាត់ អនុប្រធាននាយកដ្ឋានសុខភាពសត្វ និងសុខភាពសាធារណៈបសុព្យាបាល បានអះអាងថា សាច់សត្វបង្កកទាំងនេះ ត្រូវបាននាំចូលពីបរទេស មកស្តុកទុកនៅក្នុងឃ្លាំង ដោយពុំទាន់មានឯកសារបញ្ជាក់ច្បាស់លាស់ឡើយ។

លោកបានគូសបញ្ជាក់ថា ក្រុមការងាររបស់លោកបានស្នើសុំទៅព្រះរាជអាជ្ញាសាលាដំបូងរាជធានីភ្នំពេញឱ្យបិទឃ្លាំងបង្កកសាច់សត្វនេះ ជាបណ្ដោះអាសន្ន ដោយតម្រូវឱ្យម្ចាស់ទីតាំងរកឯកសារពាក់ព័ន្ធទៅបំភ្លឺនៅអគ្គនាយកដ្ឋានសុខភាពសត្វ និងផលិតកម្មសត្វ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ៦ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៣ ថ្ងៃ មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានអន្ដរជាតិ៦ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៣ ម៉ោង មុន

សម្តេចតេជោ ហ៊ុន សែន សម្រេចជួយកសាងកុដិ-ទិញដីពង្រីកវត្តសម្រាប់ព្រះសង្ឃ និងកូននេនសីហា

ព័ត៌មានជាតិ៥ ថ្ងៃ មុន

មន្រ្តី​ក្រសួង​បកស្រាយវីដេអូរថភ្លើង​បើក​​​លើ​​ផ្លូវជាតិ ពលរដ្ឋ​សង្ស័យបើក​ខុស​បច្ចេកទេស

Sokha Hotels

ព័ត៌មានពេញនិយម