ព័ត៌មានជាតិ
ក្រសួងកសិកម្ម ឧបត្ថម្ភថវិកា ២៥០០ ដុល្លារ ជួយអន្តរាគមន៍បូមទឹកសង្គ្រោះស្រូវប្រាំងនៅស្រុកឆ្លូង
អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ កញ្ញា អ៉ឹម រចនា ចុះពិនិត្យស្ថានភាពស្រែប្រាំងរបស់ប្រជាកសិករ និងបាននាំយកថវិកាចំនួន ២៥០០ ដុល្លារអាមេរិក របស់ក្រសួងកសិកម្ម ដើម្បីទិញប្រេងម៉ាស៊ូត ជួយអន្តរាគមន៍បូមទឹកពីក្នុងទន្លេមេគង្គបញ្ចូលទៅស្រែរបស់ប្រជាកសិករ ដែលស្ថិតនៅក្នុងឃុំព្រែកសាម៉ាន់ ស្រុកឆ្លូង ខេត្តក្រចេះ នៅថ្ងៃទី២១ ខែមករា ឆ្នាំ២០២៥ នេះ។
ក្នុងដំណើរចុះពិនិត្យនេះដែរ កញ្ញា អ៉ឹម រចនា អនុរដ្ឋលេខាធិការ បានជំរុញដល់ប្រជាកសិករ ក្រោយពីទទួលបានទឹកបញ្ចូលស្រែគ្រប់គ្រាន់ហើយនោះ ត្រូវតាមដានយកចិត្តទុកដាក់ថែទាំជាប្រចាំទៅលើដំណាំស្រូវរបស់ខ្លួនឱ្យមានការលូតលាស់បានល្អ និងទទួលបានទិន្នផលខ្ពស់។ មិនតែប៉ុណ្ណោះ ក៏ត្រូវបន្តតាមដានទៅលើ ពពួកសត្វល្អិត ដែលបំផ្លាញដាំណាំស្រូវ ប្រសិនជាមាន គឺត្រូវរកវិធីកម្ចាត់ចោល ដូចជាបាញ់ថ្នាំសម្លាប់ចោលក៏បាន។
តាមការបញ្ជាក់ពីអាជ្ញាធរឃុំព្រែកសាម៉ាន់ បានឲ្យដឹងថា ផ្ទៃដីស្រែត្រូវបូមទឹកជួយសង្គ្រោះនាពេលនេះ មានចំនួនសរុប ៤៨៣ ហិតា និងត្រូវប្រើរយៈពេល ១ ខែ ដោយម៉ាស៊ីន ប្រភេទធំ ២ គ្រឿង ដែលមានមុខកាត់ទុយោ ២តឹក។ ដោយក្នុង ១ ថ្ងៃ បូមទឹកបានចន្លោះពី ៨០០ ទៅ ៩០០ ម៉ែត្រគីប។
បើគិតមកដល់ថ្ងៃនេះ ការបូមទឹកមានរយៈពេល ៥ ថ្ងៃមកហើយ និងបានបូមទឹកបញ្ចូលទៅក្នុងស្រែ បានចំនួនប្រមាណជាង ១៨០ ហិតា ជាពិសេស បានបង្ហូរទៅដល់គោលដៅអាងស្តុបទឹកទុក ដើម្បីបង្ហូរបន្តបញ្ចូលទៅស្រែ ទើបតែបានចំនួនជាង ៣០ ហិតា តែប៉ុណ្ណោះ ។
អាជ្ញាធរឃុំព្រែកសាម៉ាន់ បានឲ្យដឹងបន្តថា បើតាមការគណនា ផ្ទៃដីស្រែនៅខ្វះទឹក ស្រោចស្រប់ប្រមាណជាង ៣០០ ហិតា ទៀត ដើម្បីសង្គ្រោះដំណាំស្រូវបានទាន់ពេលវេលា៕
អត្ថបទ ប្រុញ វិធិន
-
ព័ត៌មានអន្ដរជាតិ១៩ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ