កីឡា
កីឡាករម្នាក់តាមជិតទាន់ Beckham លើការទាត់ Free-kick ចូលច្រើនជាងគេនៅ Premier League
ពេលនិយាយពីការទាត់បាល់ហ្វ្រីឃីក (Freekick) មនុស្សដំបូងគេតែងតែនឹកឃើញគឺជា David Beckham ជាមួយនឹងជំនាញ នៃការទាត់ដ៏ល្អប៉ិនប្រសប់របស់គេ។ យ៉ាងណាមិញ វាជារឿងអតីតកាល ប៉ុន្តែបើក្រឡេកមកមើលបច្ចុប្បន្នវិញ កីឡាកររបស់ក្លិប Southampton ខ្សែបម្រើ James Ward-Prowse កំពុងត្រូវបានគេចាត់ទុកថាជាអ្នកជំនួសថ្មី។
តើគេអាចក្លាយជាអ្នកជំនួសដោយរបៀបណា?
ជាមួយនឹងការស៊ុតបាល់ Free-kick ចូលបន្ថែមទៀតរបស់កីឡាករ James Ward-Prowse នៅតង់ទី ១ នាកីឡដ្ឋាន Stamford Bridge ជួយឲ្យ Southampton យកឈ្នះ Chelsea កាលពីថ្ងៃសៅរ៍ចុងសប្ដាហ៍ ខ្សែបម្រើរូបនេះក៏បានរំកិលខ្លួនក្នុងកំណត់ត្រា Premier League ដែលកំពុងគ្រប់គ្រងដោយ David Beckham។
វាត្រូវបានកត់ចូលរួចទៅហើយ វីរបុរសរបស់ Manchester United ស៊ុតបញ្ចូលទីបាន ១៨ ដង ពីការទាត់បាល់ហ្វ្រីឃីក (Freekick) ក្នុងក្របខ័ណ្ឌ Premier League ក្នុងអំឡុងពេល ១១ រដូវកាលរបស់គេនៅ Old Trafford។
យ៉ាងណាមិញ គ្រាប់បាល់របស់ Ward-Prowse កាលពីថ្ងៃសៅរ៍ គឺជាគ្រាប់ទី ១៧ ពីការទាត់ Freekick បានស៊ុតបញ្ចូលទីក្នុង ១១ រដូវកាលដូចគ្នា ស្មើនឹង ៣២៨ ប្រកួត នៅក្របខណ្ឌលីគកំពូលអង់គ្លេស (Premier League) សម្រាប់ Southampton។
Ward-Prowse បានប្រាប់ BBC Match of the Day ថា “វាជាការល្អសម្រាប់ខ្ញុំដែលដឹងថាជាមួយនឹងជំនាញណាមួយក្នុងជីវិត ប្រសិនបើអ្នកប្រឹងប្រែងឲ្យវាចប់ អ្នកអាចធ្វើវាឲ្យល្អឥតខ្ចោះ”។ “កាលខ្ញុំនៅក្មេងធ្វើបែបនេះនៅក្នុងសួនឪពុកម្ដាយរបស់ខ្ញុំ នេះជាអ្វីដែលខ្ញុំសុបិនចង់ធ្វើ។ វាពិតជាអស្ចារ្យណាស់ក្នុងការធ្វើវានៅថ្ងៃនេះ”។
ក្នុងចំណោម ១៧ គ្រាប់ មានតែបាល់ហ្វ្រីឃីកចំនួន ៤ គ្រាប់ប៉ុណ្ណោះ ដែលបានចូលលេងនៅកីឡដ្ឋាន St Mary’s ហើយ ៨ គ្រាប់ចុងក្រោយ គឺស្ថិតនៅទឹកដីក្រុមផ្សេង។
គួររំលឹកថា កំណត់ត្រារបស់ Beckham ត្រូវបានកត់ក្នុងការប្រកួតសរុបចំនួន ២៦៥ ប្រកួត ជាមួយនឹងគ្រាប់បាល់ហ្វ្រីឃីកក្នុងរដូវកាលនីមួយៗរបស់លោកនៅ Man Utd រួមទាំង ៨ ដង ក្នុងឆ្នាំ ២០០០/២០០១។ ដូច Ward-Prowse ភាគច្រើនដែលមានអាយុ ១១ ឆ្នាំ បានមកក្នុងការប្រកួតក្រៅដី៕
អត្ថបទ ៖ មន្នីរ័ត្ន
-
ព័ត៌មានអន្ដរជាតិ២០ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ