ជីវិតកម្សាន្ដ

ភ្ងាក់ផ្អើលក្រោយ អាចារ្យធំ និង ម៉ៃ សុគន្ធ ប្រែមកស្និទ្ធស្នាលជាមួយគ្នាវិញ

បានផុស

២ years មុន

នៅ

ថ្ងៃអង្គារ ១ កុម្ភៈ ២០២២

ដោយ

តារាចម្រៀងប្រុស ២ រូប គឺអាចារ្យធំ និងលោក ម៉ៃ សុគន្ធ កន្លងមកត្រូវបានមហាជន និងអ្នកប្រើប្រាស់បណ្តាញសង្គមដឹងហើយថា តារាប្រុសទាំង ២ ដួងនេះ គឺតែងផ្ទុះជម្លោះរិះគន់ជេរគ្នាជាបន្តបន្ទាប់បង្កការភ្ញាក់ផ្អើលដល់អ្នកគាំទ្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ ក្រោយពេលស្ងប់ស្ងាត់អស់មួយសន្ទុះធំពេលនេះ ក៏លេចដំណឹងដ៏ចាប់អារម្មណ៍ជាថ្មីមកថា រវាងតារារ៉េបអាចារ្យធំ និងលោក ម៉ៃ សុគន្ធ បានត្រូវរ៉ូវគ្នាវិញហើយនឹងថែមទាំងបង្ហាញពីភាពស្និទ្ធស្នាលខ្លាំងជាមួយគ្នាទៀតផង។

ដោយឡែកចាប់អារម្មណ៍នៅលើគណនីហ្វេសប៊ុករបស់តារាចម្រៀងលោក ម៉ៃ សុគន្ធ កាលពីប៉ុន្មានថ្ងៃមុនបានបង្ហោះសំណេរភ្ជាប់ និងរូបភាពជាមួយអាចារ្យធំ ដូច្នេះថា Ramos និង Messi អាចត្រូវគ្នាកៀកស្មាគ្នាបានអញ្ចឹងពូងោល និងអាចារ្យធំ ក៏ដូចគ្នា ព្រោះយើងជាខ្មែរតែមួយរួមគ្នា ដើម្បីវប្បធម៌និយាយពិតធ្វើពិត។ លោក ម៉ៃ សុគន្ធ ក៏បានបង្ហោះសារចុងក្រោយទៀតថាPrankអាចារ្យធំ មួយសិនគេត្រូវគ្នាវិញហើយម៉េចដែរ?។

ជាមួយគ្នានេះដែរ បើតាមការបញ្ជាក់បន្ថែមពីសាមីខ្លួនតារាចម្រៀងលោក ម៉ៃ សុគន្ធ បានប្រាប់កម្ពុជាថ្មីដោយខ្លីតាមរយ:សង្គមហ្វេសប៊ុកថា ពេលនេះលោក និងអាចារ្យធំ ដែលកន្លងមកធ្លាប់ តែកើតមានសង្គ្រាមពាក្យសម្តីជាមួយគ្នានោះឥឡូវបានសម្រុះសម្រួលត្រូវគ្នាវិញហើយ៕

អត្ថបទ៖ ចាន់រ៉ា