ជីវិតកម្សាន្ដ

ណុប បាយ៉ារិទ្ធ ឆ្លើយតបភ្លាមៗមិនទុកយូរ ក្រោយគេរិះគន់ថា តារារៀបលិច

បានផុស

៤ years មុន

នៅ

ថ្ងៃសុក្រ ២៦ សីហា ២០២២

ដោយ

នៅលើទំព័រហ្វេសប៊ុករបស់លោក ណុប បាយ៉ារិទ្ធ មុននេះបានបង្ហោះសារដ៏វែងអន្លាយមួយពាក់ព័ន្ធកំណើននៃការគាំទ្ររបស់ទស្សនិកជននៅក្នុងកម្មវិធីប្រឡងចម្រៀង Cambodian Idol រដូវកាលទី ៤ក្នុងវគ្គពាក់កណ្តាលផ្តាច់ព្រ័ត្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈខ្លឹមសាររបស់លោក ណុប បាយ៉ារិទ្ធនេះដែរ ក្រៅតែពីការបង្ហាញអារម្មណ៍រំភើប ខណៈដែលឃើញចំនួន view កើនរហូតដល់ 255K ក្នុងផេកផ្លូវការ និងតាមកញ្ចក់ទូរទស្សន៍ស្ទើរតែគ្រប់ផ្ទះនោះ លោកក៏បានបង្ហាញពីមោទកភាពដោយចាត់ទុកថា នេះគឺជាជោគជ័យដ៏ធំមួយដែលកើតចេញពីការស្រលាញ់គាំទ្រអស់ពីបេះដូងរបស់មហាគ្រួសារខ្មែរជាង ១៦ លាននាក់ ដែលបានបង្កើតនៅប្រវត្តិសាស្ត្រថ្មីនៃការគាំទ្រដ៏អស្ចារ្យមិនធ្លាប់មានក្នុងវិស័យប្រឡងចម្រៀង។

បន្ទាប់ពីមានការបង្ហោះសារយ៉ាងវែងអន្លាយពីលោក ណុប បាយ៉ារិទ្ធ ភ្លាមនោះក៏ស្រាប់តែមានគណនីហ្វេសប៊ុកមួយ បានចូលទៅខមិនដោយរិះគន់ក្នុងគោលបំណងមិនល្អថា តារារៀបលិច។ ភ្លាមៗនៃការរិះគន់នេះលោក ណុ ប បាយ៉ារិទ្ធ បានឆ្លើយតបវិញថា ទោះលិចក៏មានកិត្តិយស និងស្នាដៃរាប់មិនអស់ទុកឲ្យមនុស្សជំនាន់ក្រោយ ហើយក៏ប្រហែលជាមិនលិចស្រួលៗដែរ។

លោក ណុប បាយ៉ារិទ្ធ បានលើកឡើងទៀតថា ខ្ញុំមានគោរមងារមេដៃ និងខ្សែឆៀងថ្នាក់មហាសេនដែលប្រទានពីព្រះមហាក្សត្រ និងបំពាក់ដោយសម្តេចកិតិ្តព្រឹទ្ធបណ្ឌិត ខ្ញុំមានកិត្តិយសដែលបានពីមហាជនទូទាំងប្រទេស។ ខ្ញុំធ្លាប់គេអញ្ជើញទៅច្រៀងឲ្យខ្មែរនៅក្រៅប្រទេស បាន ៨ ប្រទេសប្រាក់កម្រៃការងារដែលខ្ញុំទទួលបានមកអ្នកអាចនឹកស្មានមិនដល់ ព្រោះខ្ញុំយកសមត្ថភាពរបស់ខ្ញុំទៅយកវា។

តារាចម្រៀងលោក ណុប បាយ៉ារិទ្ធ បានបន្ថែមដែរថាបើទោះលោកស្លាប់ ក្នុងប្រជាជន ១៦ លាននាក់ក៏មាន ១ លាននាក់យំស្តាយលោកដែរ។ ចុះអ្នកដែលហ៊ានមើលងាយលោកកសាងស្អីបានខ្លះនៅ សម្រាប់ជីវិតខ្លួនឯងសល់អ្វីខ្លះហើយ?៕

អត្ថបទ៖ ចាន់រ៉ា

Related Topics:តារាចម្រៀង Cambodian idol

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា