ព័ត៌មានអន្ដរជាតិ
រថយន្តដឹកផ្លែឈើ វៀតណាម រាប់ពាន់គ្រឿងជាប់នៅព្រំដែន ចិន កំពុងភ័យស្អុយរលួយ (មានវីដេអូ)
រថយន្តដឹកផលិតផលកសិកម្មរបស់វៀតណាមជិត ៥,០០០ គ្រឿងដែលត្រូវនាំចេញទៅ ប្រទេសចិនបានជាប់គាំងនៅ ច្រកព្រំដែនចំនួន ៣ នៅ ភាគខាងជើងប្រទេសវៀតណាមក្នុងរយៈពេលប៉ុន្មានសប្តាហ៍កន្លងមកនេះ ។
យោងតាមស្ថិតិពីមន្ទីរឧស្សាហកម្ម និងពាណិជ្ជកម្មខេត្ត Lang Son បានឲ្យដឹងថា គិតត្រឹមថ្ងៃសៅ រ៍ រថយន្តដឹកទំនិញប្រហែល ៤,៨០០ គ្រឿងកំពុងរង់ចាំការបញ្ចេញផលិតផលនៅ ច្រក Tan Thanh ច្រក Huu Nghia និងច្រកព្រំដែន Chi Ma ក្នុងខេត្ត Lang Son ។
នៅ ច្រកព្រំដែន Tan Thanh មានរថយន្តប្រមាណ ២,៨០០ គ្រឿង ដែលភាគច្រើនដឹកផ្លែខ្នុរ ស្វាយ ស្រកានាគ និងឪឡឹកពីខេត្តភាគខាងត្បូងវៀតណាម ។
ទន្ទឹមនោះលោក Huynh Tan Dung អាយុ ៥៧ ឆ្នាំ ជាអ្នកដឹកទំនិញបាននិយាយថា គាត់បានស្នាក់នៅ ច្រកព្រំដែនអស់រយៈពេល ២០ ថ្ងៃហើយ ។ លោក Dung ដែលមានបទពិសោធជិត ២ ទសវត្សរ៍បាននិយាយថា លោកមិនដែលឆ្លងកាត់ស្ថានភាពបែបនេះពីមុនមក ។
លោកបានពន្យល់ថា “យើងត្រូវចំណាយ ៤០០,០០០ ដុង (១៧ ដុល្លារ) ក្នុងមួយថ្ងៃលើថ្លៃចតរថយន្ត និង ៣០០,០០០ ដុង (១៣ ដុល្លារ) ក្នុងមួយថ្ងៃលើប្រេងឥន្ធនៈដែលចាំបាច់សម្រាប់ដំណើរការទូទឹកកកដើម្បីរក្សាផ្លែឈើឲ្យនៅ ស្រស់ ហើយយើងក៏ត្រូវបង់ថ្លៃអាហារ ថ្លៃងូតទឹក និងថ្លៃបង្គន់ដែរ” ។
លោក Dung បាននិយាយថា ប្រសិនបើស្ថានការណ៍បន្តអូសបន្លាយរយៈពេលពីរបីថ្ងៃទៀត ផ្លែឈើនឹងរលួយ និងមិនអាចលក់បានទេ ហើយនឹងបណ្តាលឲ្យមានការខាតបង់យ៉ាងធ្ងន់ធ្ងរសម្រាប់ទាំងអ្នកបើកបរ និងអាជីវកម្ម ។
លោក Dinh Trung Kien អនុប្រធានមជ្ឈមណ្ឌលគ្រប់គ្រងច្រកទ្វារព្រំដែន Tan Thanh បាននិយាយថា ប្រទេសចិនបានបញ្ឈប់សកម្មភាពនាំចូល-នាំចេញនៅ ច្រកព្រំដែនកាលពីថ្ងៃពុធ ដោយសារ “កំហុសបណ្តាញមួយចំនួន” ។ ប៉ុន្តែសកម្មភាពត្រូវបានបន្តនៅ ថ្ងៃសៅ រ៍ ក្រោយមកត្រូវបានផ្អាកម្តងទៀតនៅ ថ្ងៃដដែលនោះ ខណៈភាគីចិនមិនបានប្រកាសពីហេតុផលណាមួយនៅ ពេលនេះនោះទេ ហើយការនាំចូល និងនាំចេញក៏ត្រូវបានផ្អាកនៅ ច្រកព្រំដែន Chi Ma នៅ ថ្ងៃទី ៨ ខែធ្នូផងដែរ ។
ចំណែកអាជ្ញាធរនៅ ខេត្ត Lang Son បាននិងកំពុងចរចាជាមួយសមភាគីចិន ដើម្បីពន្លឿនដំណើរការបញ្ចេញផលិតផលរបស់ខ្លួន ហើយបច្ចុប្បន្នអាជីវកម្មក្នុងស្រុកត្រូវបានណែនាំប្រឆាំងនឹងការដឹកជញ្ជូនផលិតផលបន្ថែមទៀតទៅកាន់ច្រកព្រំដែនទាំងនេះក្នុងអំឡុងពេលនេះ ៕
សូមទស្សនាវីដេអូ!
ប្រែសម្រួលដោយ ៖ ជីវ័ន្ត
ប្រភព ៖ Tuoi Tre
ចុចអាន ៖ វៀតណាម លេងធម៌ក្ដៅ ដាក់ទណ្ឌកម្មអ្នកមិនចាក់វ៉ាក់សាំងកូវីដ
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)