ព័ត៌មានអន្ដរជាតិ

ដឹងថាមិនអាចរស់បន្តបាន បុរសចិនមានជំងឺជាប់កាយ ចូលរួមថ្ងៃមង្គលកូនលើកចុងក្រោយ

បានផុស

១ នាទីute មុន

នៅ

ថ្ងៃសុក្រ ២០ មិថុនា ២០២៥

ដោយ

ពិធីរៀបអាពាហ៍ពិពាហ៍ដ៏ពិសេសមួយកាលពីពេលថ្មីៗនេះ បានធ្វើឡើងនៅក្នុងខេត្ត Shandong នៃប្រទេសចិន ដែលធ្វើឲ្យមហាជនជាច្រើនលួចស្រក់ទឹកភ្នែក នឹកអាណិតដល់បុរសចំណាស់ ថ្វីដ្បិតតែគាត់មានជំងឺមហារីកបំពង់អាហារក៏ដោយ ប៉ុន្តែនៅតែអាចចូលរួមក្នុងពិធីមង្គលការរបស់កូនប្រុស ទាំងភ្ចាប់បំពង់ IV(ការចាក់បញ្ចូលតាមសរសៃឈាម) ។

ឪពុកបានចូលរួមពិធីមង្គលការកូនប្រុស បើទោះជាមានជំងឺមហារីកចុងក្រោយ, រូបថត៖ Sohu

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមព័ត៌មានពីភ្នាក់ងារ Sohu បុរសចំណាស់ស្ទើរតែមិនអាចផឹកទឹកបាន ហើយត្រូវពឹងផ្អែកលើអាហារបំប៉នតាមសរសៃឈាមក្នុងថ្ងៃចុងក្រោយរបស់គាត់។ ប៉ុន្តែគាត់នៅតែស៊ូទ្រាំនឹងការឈឺចាប់ ហើយទទូចឲ្យខាងមន្ទីរពេទ្យអនុញ្ញាតិឲ្យគាត់ បានទៅចូលរួមពិធីមង្គលការកូនប្រុស ត្រឹមរយៈពេល៣នាទីប៉ុណ្ណោះ ។ យ៉ាងណា ៣នាទីដ៏ខ្លី ពិតជាមានតម្លៃណាស់សម្រាប់គាត់ ពីព្រោះគាត់បានទៅធ្វើជាសាក្សីកូនប្រុសនៅថ្ងៃដ៏សំខាន់ និងមិនអាចបំភ្លេចបានឡើយ។ នេះក៏ជាបំណងចុងក្រោយរបស់ឪពុក មុនពេលគាត់ទទួលមរណភាព។

នៅក្នុងទិដ្ធភាពនៃពិពីមង្គលដ៏រីករាយបំផុតសម្រាប់គ្រួសារ កូនកំលោះបានឱនក្បាលចុះទាំងភ្នែកក្រហម និងលុតជង្គង់អរគុណអ្នកមានគុណ ដែលអង្គុយស្ងៀមនៅលើកៅអី ធ្វើឲ្យរោងមង្គលការទាំងមូលស្រក់ទឹកភ្នែក។ អ្វីដែលកាន់តែចាប់អារម្មណ៍បំផុត ការឱនរបស់កូនប្រុសមិនមែនគ្រាន់តែជាពិធីមួយប៉ុណ្ណោះទេ ប៉ុន្តែជាការថ្លែងអំណរគុណចំពោះឪពុកដែលប្រើពេលមួយជីវិតបំពេញតាមការសន្យារបស់គាត់ថា «ប៉ានឹងព្យាយាមរស់នៅ ដើម្បីឲ្យកូនធំឡើង»។

ថ្វីដ្បិតតែឪពុកមិនអាចនិយាយបាន ប៉ុន្តែកែវភ្នែករបស់គាត់បានសម្លឹងទៅកានកូនប្រុស ដែលនោះជាពរជ័យដ៏មានអត្ថន័យបំផុត។ បន្ទាប់ពីចូលរួមតាមការស្នើសុំ គាត់ត្រូវបានបញ្ជូនទៅកាន់មន្ទីរពេទ្យភ្លាមៗ ដែលនោះបានធ្វើឲ្យពិធីទាំងមូល បានប៉ះទង្គិចបេះដូងមនុស្សរាប់លាននាក់កំពុងតែទស្សនា។

បន្ទាប់ពីត្រូវគេបង្ហោះលើបណ្ដាញសង្គមចិន ទទួលបានការបញ្ចេញមតិជាច្រើន។ គ្រប់គ្នាសុទ្ធតែពោលពាក្យនឹកអាណិតឪពុកដែលត្រូវតស៊ូនឹងជំងឺរ៉ាំរ៉ៃ ដោយសារតែក្ដីស្រលាញមានចំពោះកូនសុខចិត្តមកទាំងភ្ចាបបំពងជំនួយឈាម។ ជាងនេះទៅទៀត មនុស្សជាច្រើនបានលើកទឹកចិត្តបុរសជាកូន ឲ្យមានជីវិតល្អដើម្បីឲ្យឪពុករបស់គាត់បានធូរស្រាល។ ចំណែកអ្នកផ្សេងទៀតបានលើកសរសើរថា នេះជាពិធីមង្គលការដែលសាងឡើងដោយក្ដីស្រឡាញ់រវាងឪពុកនិងកូនជាចំណងមួយមិនអាចកាត់ផ្ដាច់បាន បើទោះបីជាដឹងថា ខ្លួនមិនអាចរស់នៅលើលោកនេះបានយូរក៏ដោយ៕